ތަރައްގީކޮށް ނިމޭއިރު ފަތުވާ ކައުންސިލް ވާނީ ވަރުގަދަ އިލްމީ މުއައްސަސާއަކަށް; މިނިސްޓަރު

އިސްލާމީކަންތައްތަކާ ބެހޭ ވަޒީރު، ޑރ. ޝަހީމް، ވިދާޅުވަނީ ފަތުވާ ކައުންސިލު ފަންނީ ގޮތުން ތަރައްގީކުރައްވާނެ ކަމަށް --- ފޮޓޯ:މިރާޝް ނާޝިމް/އަދަދު

އިސްލާމީކަންތައްތަކާ ބެހޭ ވަޒީރު، ޑރ. ޝަހީމް، ވިދާޅުވަނީ ފަތުވާ ކައުންސިލު ފަންނީ ގޮތުން ތަރައްގީކުރައްވާނެ ކަމަށް --- ފޮޓޯ:މިރާޝް ނާޝިމް/އަދަދު

ފަންނީ ގޮތުން ތަރައްގީކޮށް، އިސްލާމް ދީނާ ގުޅުން ހުރި ތަފާތު ކަންކަމަށް ސައިންޓިިފިކް ހައްލުތައް ހޯދައިދޭ ވަރުގަދަ އިލްމީ މުއައްސަސާއަކަށް ފަތުވާ ކައުންސިލް ބަދަލުކުރައްވާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.

އިސްލާމިކް މިނިސްޓްރީގައި "އަދަދު" ނޫހަށް ދެއްވި ހާއްސަ އިންޓަވިއު އެއްގައި ޝަހީމް ވިދާޅުވީ ފާއިތުވި ފަސް އަހަރު ނިމިގެންދިޔައީ އެ ކައުންސިލުގެ މެމްބަރުން ހަމަނުވެ ކަމަށެވެ. އަދި އެ ކައުންސިލަަށް ގާނޫނީ ބާރު ލިބިފައިވާއިރު މެމްބަރުން ހަމަނުވެ ކައުންސިލުގެ މަސައްކަތް އެންމެ ރަނގަޅުގޮތުގައި ކުރިއަށްގެންގޮސްފައި ނުވާތީ އެކަމުގެ ކަންބޮޑުވުން މިނިސްޓަރު ފާޅުކުރެއްވި އެވެ.

އެހެންވެ މި ސަރުކާރުގައި ފަތުވާ ކައުންސިލު ފަންނީގޮތުން ތަރައްގީކުރައްވާނެ ކަމަށް މިނިސްޓަރު ވިދާޅުވި އެވެ.

Advertisement

"އަޅުގަނޑުމެން މި ދައްކަނީ އިސްލާމީ ދިރާސާ ކުރާ، އިސްލާމީ އިރުޝާދު ދޭ އަދި ދީނީ ކަންތައްތަކުގައި އުފެދޭ ސުވާލުތަކަށް ޖަވާބުދޭ ހަރުދަނާ އިސްލާމީ، އިލްމީ އެކަޑަމިކް މުއައްސަސާއެއްގެ ވާހަކަ" ޝަހީމް ވިދާޅުވި އެވެ.

މިސްރާއި އުރުދުން އަދި ސައުދި އަރަބިއާގެ ފަތުވާ ހައުސްތަކުގެ މިސާލު ދައްކަވަމުން ޝަހީމު ވިދާޅުވީ އެތަންތަނަކީ މުޅި އިސްލާމީ ދުނިޔޭގައިވެސް ވަރަށް ރަނގަޅަށް ހިންގަމުން އަންނަ ފަތުވާ މަޖިލިސްތައް ކަމަށާއި އެެއީ އިސްލާމީ މުޖުތަމައުގެ އެއްބައިވަންތަކަން ގާއިމުކުރުމުގައި ވަރަށް މުހިންމު ދައުރެއް އަދާ ކުރާ މުއައްސަސާތައް ކަމަށެވެ.

އަދި އެ ފަތުވާ މަޖިލިސްތަކާ އެއްގޮތަށް ރާއްޖޭގައިވެސް އިގުތިސާދީ ގޮތުންނާއި ދީނީ ގޮތުންނާއި ސިއްހީ ގޮތުންވެސް އިސްލާމް ދީނާއި ގުޅިފައި ހުންނަ ކަންތައް ތަކުގައި އިސްލާމީ ބަހެއް ބޭނުންވާ ކަމަށާއި އެކަމަށް އޮތް އެންމެ ބޮޑު ފުރުސަތަކީ ވަކިވަކި އިލްމުވެރިން ނެރޭ ފަތުވާތަކުގެ ބަދަލުގައި އިލްމުވެރިންގެ ޖަމާއަތަކުން މަޝްވަރާކޮށްގެން ނެރޭ ފަތުވާ ކަމަށް މިނިސްޓަރު ވިދާޅުވި އެވެ.

"ގިނަ ފަހަރު ގައުމުތަކުގަ، މިސާލަކަށް މިސްރުގައި ދީނީ މައްސަލަތައް އުފެދި، އެއީ ބޮޑު މައްސަލައަކަށް ވުމުގެ ކުރިން އޭގެ ހައްލު އޮވޭ ދައްކަދީފަ. އަޅުގަނޑު މިދައްކަނީ ގައުމީ މައްސަލަތަކުގަ، މުޅި މުޖުތަމައަށް އޭގެ އަސަރުކުރާވަރުގެ މައްސަލަތަކާއި ކަންތައްތަކުގައި ފަރުދީ ފަތުވާތަކަށްވުރެ، ތަފާތު އެކި މަދަރުސާތަކުން އިލްމު އުގެނިގެން ތިބޭ އިލްމުވެރިންތަކެއްގެ ޖަމާއީ ފަތުވާގެ ވާހަކަ" މިނިސްޓަަރު ވިދާޅުވި އެވެ.

މިނިސްޓަރު ވިދާޅުވީ އެފަދަ މައްސަލަތަކާ ގުޅޭ ފަތުވާ ނެރެންޖެހޭނީ އެކަމަށް އިލްމީ ގޮތުންނާއި ދީނީ ނަޒަރިއްޔާއިން އިލްމްވެރިންގެ މެދުގައި މަޝްވަރާކުރެވިގެން ކަމަށެވެ.

އަދި އެހެން ގައުމުތަކުގެ މުޖުތަމައުތަކަށް ނެރޭ ފަތުވާ ދިވެހި ބަހަށް ބަދަލުކޮށްގެން ރާއްޖޭގައި ފަތުވާ ނެރެން ނުޖެހޭ ކަމަށާއި ރާއްޖޭގެ މުޖުތަމައުގައި ދިމާވާ ކަންތައްތަކަށް ނެރޭ ފަތުވާތައް ވާންޖެހޭނީ އިލްމީ ގޮތެއްގައި ބަހުސްކުރެވިގެން ރާއްޖޭގެ ހާލަތާއި މުޖުތަމައަށް އަމާޒުކޮށްގެން ނެރޭ ފަތުވާތަކަަށް ކަމަށް މިނިސްޓަރު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox