ގަރާރާ މެދު އީވާ އާއި އަފީފު ނިންމުން ގޯސް: އަމީންއާއްމު

މަޖިލީހުގެ ނައިބުރައީސް އީވާ އަބްދުﷲ އާއި ވިލުފުށި ދާއިރާގެ މެމްބަރު ހަސަން އަފީފު. އާޓްވޯކް: ރައްޔާން މުހައްމަދު/އަދަދު

މަޖިލީހުގެ ނައިބުރައީސް އީވާ އަބްދުﷲ އާއި ވިލުފުށި ދާއިރާގެ މެމްބަރު ހަސަން އަފީފު. އާޓްވޯކް: ރައްޔާން މުހައްމަދު/އަދަދު

ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވަކިކުރަން އެމްޑީޕީން މަޖިލީހަށް ހުށަހެޅި ގަރާރު ގަވައިދާ ހިލާފު ކަމަށް ނިންމައި، މިއަދު ތާވަލުކުރި ދެ ޖަލްސާ ވެސް ކުރިއަށް ނުގެންދިޔައީ ރަނގަޅަށް ނޫން ކަމަށް މަޖިލީހުގެ އިދާރާއިން ބުނެފި އެވެ.

ނަޝީދު ވަކިކުރަން ހުށަހެޅި ގަރާރު ގަވައިދާ ހިލާފު ކަމަށް، މިއަދުގެ ފުރަތަމަ ޖަލްސާގެ ރިޔާސަތު ބެލެހެއްޓެވި އަފީފު ނިންމެވީ ދަ ޑިމޮކްރެޓްސްގެ ޕާލަމެންޓްރީ ގްރޫޕްގެ ލީޑަރު އަދި މަޖިލީހުގެ މެދުހެންވޭރު ދާއިރާގެ މެމްބަރު އަލީ އާޒިމް ނެންގެވި ނިޒާމާ ބެހޭ ނުކުތާއަކަށް ރިއާޔަތްކުރައްވައިގެންނެވެ.

އާޒިމު ނެންގެވި ނުކުތާ ރަނގަޅު ކަމަށް ކަނޑައަަޅުއްވައި އަފީފު ވިދާޅުވީ އެ ގަރާރުގެ މަސައްކަތް ކުރިއަށް ނުގެންދެވޭނެ ކަމަށެވެ. އެހެން ވިދާޅުވެ ޖަލްސާ ނިންމަވައިލެއްވީ އެވެ.

މިއަދުގެ ފުރަތަމަ ޖަލްސާގެ ރިޔާސަތު އަފީފާ ހަވާލުކުރީ ނައިބުރައީސް އީވާ އަބްދުﷲ ސަލާމް ވިދާޅުވެފައި ވާތީ ކަމަށް އެ ޖަލްސާ ފެށިއިރު އަމީން އާއްމު ފާތިމަތު ނިއުޝާ އިއުލާނުކުރެއްވި އެވެ. އެހެން ނަމަވެސް މިއަދު ކުއްލި ގޮތަކަށް ތާވަލުކުރި ދެވަނަ ޖަލްސާގެ ރިޔާސަތު ބަލަހައްޓަވަން އީވާ ވަޑައިގެންނެވި އެވެ. އެ ޖަލްސާ ފެށްޓެވުމަށް ފަހު އީވާ ވިދާޅުވީ ގަރާރާ މެދު އަފީފު ނިންމެވި ނިންމެވުން އެގޮތަށް އޮތުމުން އޭގެ މަސައްކަތް އިތުރަށް ކުރިއަށް ނުގެންދެވޭނެ ކަމަށެވެ.

"މިއަދުގެ ދެވަނަ ޖަލްސާ ތާވަލުކުރެއްވީ ފުރަތަމަ ޖަލްސާގައި އަފީފު ނިންމެވި ނިންމެވުން ގޯސް ކަމަށް ސެކްރެޓޭރިއަޓުން ދެކޭތީތޯ" "އަދަދު"ން ސުވާލުކުރުމުން އަމީން އާއްމު ނިއުޝާ ވިދާޅުވީ، ދެވަނަ ޖަލްސާ ތާވަލުކުރީ އެހެންވެ ކަމަށެވެ.

މަޖިލީހުގެ ޑިރެކްޓަރް އޮފް ކޮމިއުނިކޭޝަންސް ހަސަން ޒިޔާއު "އަދަދު" އަށް ވިދާޅުވި ގޮތުގައި ދެވަނަ ޖަލްސާގައި ނައިބު ރައީސް އީވާ ނިންމެވި ނިންމެވުމާ މެދުގައި ވެސް އިދާރާއިން ދެކެނީ ހަމަ އެގޮތަށެވެ. ފުރަތަމަ ޖަލްސާގައި އަފީފު އެގޮތަށް ނިންމެވީ އެގޮތަށް ނުނިންމަވަން އަމީންއާއްމު ލަފާ ދެއްވާފައި ވަނިކޮށް ކަމަށް ވެސް ޒިޔާއު ވިދާޅުވި އެވެ.

""އިދާރާއިން ދެކެނީ މައްސަލަ އެގޮތަށް ރިޔާސަތަށް ބޭރު ނުކުރެވޭނެ ކަމަށް،"ޒިޔާއު ވިދާޅުވި އެވެ.

އެގޮތަށް ނިންމެވި އިރު ކައުންސެލް ޖެނެރަލް ފާތިމަތު ފިލްޒާގެ ގާނޫނީ ލަފާ ހޯއްދެވިންތޯ، "އަދަދު" އިން ސުވާލުކުރުމުން މެމްބަރު އަފީފު ވިދާޅުވީ އެކަމުގައި ލަފާ ހޯއްދަވަން ޖެހިވަޑައިނުގަންނަވާ ކަމަށެވެ. އެއީ އޭނާ ވިދާޅުވި ގޮތުގައި ގަރާރު ގަވައިދާ ހިލާފުކަން ގަވައިދަށް ބެލީމާ އެނގިވަޑައިގަންނަވާތީ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox