މެޑްރިޑް (ނޮވެމްބަރު 10) - އެތުލެޓިކޯ މެޑްރިޑްގައި 2027ގެ ސީޒަންގެ ނިޔަލަށް މަޑުކުރަން، ކޯޗު ޑިއޭގޯ ސިމިއޯނީ ނިންމައިފި އެވެ.
2011 ވަނަ އަހަރުގެ ޑިސެމްބަރު އެކުލަބާ ގުޅުނު ސިމިއޯނީ އަކީ އެކުލަބުގެ އެންމެ ކާމިޔާބު ކޯޗެވެ. އޭނާ ވަނީ އެކުލަބުގައި ހޭދަކުރި ދުވަސްތަކުގައި އަށް ތައްޓެއް ކުލަބަށް ހޯދައިދީފަ އެވެ. މިގޮތުން ލަލީގާ ދެ ފަހަރު، ޔޫރޮޕާ ލީގު ދެ ފަހަރު އަދި ކޮޕަ ޑެލްރޭގެ ތަށިވެސް އެކުލަބަށް ހޯދައިދިނެވެ.
ސިމިއޯނީގެ އާ ކޮންޓްރެކްޓް ނިމެންދެން އޭނާ އެކުލަބުގައި މަޑުކޮށްފި ނަމަ، ކުލަބަށް އެންމެ ގިނަ ދުވަހު އިރުޝާދުދިން ކޯޗުގެ ޝަރަފް އޭނާއަށް ލިބޭނެ އެވެ.
53 އަހަރުގެ ސިމިއޯނީ ވަނީ ޔުއެފާ ޗެމްޕިއަންސް ލީގުގެ ފައިނަލަށް ދެ ފަހަރު އެތުލެޓިކޯ ގެންގޮސްދީފަ އެވެ.
މިހާތަނަށް އޭނާ ވަނީ މި ކުލަބަށް 642 މެޗުގައި ކޯޗުކަންކޮށްދީ، އޭގެ ތެރެއިން 380 މެެޗުން މޮޅުކޮށްދީފަ އެވެ.
