އިހަވަންދޫ އެކްސިޑެންޓު: ލޯންޗުން އެހީ ނުވެ ދިޔަ ކަމުގެ ތުހުމަތު އާއިލާއިންކޮށްފި

އެކްސިޑެންޓުވި ދޯންޏާއި އެހީވުމަށް ދިޔަ އެހެން ދޯންޏެއް: ރޭގެ އެކްސިޑެންޓުގައި މަރުވި މީހާ މަހަށް ނުކުމެ އުޅުނީ އޭނާގެ ފިރިހެން ދަރިޔަކާއެކު -- ފޮޓޯ: އިހަވަންދޫ ކައުންސިލް

އެކްސިޑެންޓުވި ދޯންޏާއި އެހީވުމަށް ދިޔަ އެހެން ދޯންޏެއް: ރޭގެ އެކްސިޑެންޓުގައި މަރުވި މީހާ މަހަށް ނުކުމެ އުޅުނީ އޭނާގެ ފިރިހެން ދަރިޔަކާއެކު -- ފޮޓޯ: އިހަވަންދޫ ކައުންސިލް

މަހަށް ނުކުމެ އުޅުނު ދޯންޏަކާއި ލޯންޗެއް ޖެހި ރޭ ހިނގި އެކްސިޑެންޓުގައި މަރުވި މީހާއަށް، އެކްސިޑެންޓުވި ލޯންޗުން އެހީނުވެ ދިޔަކަމުގެ ތުހުމަތު އާއިލާއިންކޮށްފި އެވެ.

ރޭގެ އެކްސިޑެންޓުގައި މަރުވީ، ހއ. އިހަވަންދޫ އަބްދުއްރަޝީދު އަހުމަދެވެ. އޭނާ މަހަށް ނުކުމެ އުޅުނީ އޭނާގެ ފިރިހެން ދަރިއަކާއެކު އެވެ.

އަބްދުއްރަޝީދާއެކު އެ ދޯނީގައި މަހަށް ދިޔަ އޭނާގެ ދަރިފުޅު އަލީ ޝަރީފްއާ ހަވާލާދީ އިހަވަންދޫ ކައުންސިލަރު ރިލްވާން "އަދަދު" އާ ވާހަކަ ދައްކަމުން ވިދާޅުވީ އެކްސިޑެންޓު ހިނގި ވަގުތު އަބްދުއްރަޝީދު ތަކުރާރުކޮށް އެހީއަށް އެދި ގޮވައި، ހަނާ އަޅަމުން ދިޔަ ކަމަށެވެ.

Advertisement

"އެކްސިޑެންޓު ހިނގި ވަގުތު ދޯނީގެ ހުންގާނު ހަލާކުވެ، ދޯނި މަޑު ދުވެލީގަ ދުވަމުން ދިޔައީ. ޝަރީފް އޭރު މަސައްކަތް ކުރީ މޫދަށް ފުންމާލުމަށް އަތުގައި ހަމެއް ޖެހޭތޯ. މޫދަށް ނަގިލި ވައްޓާލައިގެން ވެސް ދޯނި ކޮންޓްރޯލެއް ނުވި،" ރިލްވާން ވިދާޅުވި އެވެ.

އެކްސިޑެންޓުވި ލޯންޗުގައި އަށް މީހުން ތިބި ކަމަށްވެ އެވެ. ރިލްވާން ވިދާޅުވީ، އެކްސިޑެންޓުވެ މީހަކު ކަނޑުމައްޗަށް ވެއްޓިފައި އޮތްކަން އިހަވަންދޫއަށް އެންގީ ވެސް އެ ލޯންޗުން ކަމަށެވެ.

"ލޯންޗު އޮތް ކަމަށް ވަނީ ދޯންޏާ 25 ފޫޓު ދުރުގައި. އޭރު މޫދަށް ވެއްޓުނު އަބްދުއްރަޝީދު އޮތީ ގާތްގަނޑަށް 50 ފޫޓު ދުރުގައި. އެހެން ވީމަ ހަމަ ސާފުކޮށް އަޑު އިވޭނެ ލޯންޗުގަ ތިބި މީހުންނަށް،" ރިލްވާން ކިޔައިދިނެވެ.

އެކްސިޑެންޓުވީ ލަނޑާނެގުމުގެ މަސައްކަތް ވެސް ކުރާ ލޯންޗެއް ކަމަށާއި، އޭގައި ބައްތި އާއި، އެހީތެރިކަން ފޯރުކޮށްދެވިދޭނެ އެހެން އާލާތްތައް ހުންނާނެކަން ޔަގީންކުރެވޭ ކަމަށް ރިލްވާން ވިދާޅުވި އެވެ.

ރިލްވާން ވިދާޅުވީ ލޯންޗުން އަބްދުއްރަޝީދަށް އެހީތެރިކަން ފޯރުކޮށް ނުދިނީ ގަސްތުގައި ކަމަށް ދަރިފުޅު ޝަރީފް ބުނާ ކަމަށާއި، އަބްދުއްރަޝީދަށް އިންސާފު ހޯދައިދިނުމަށް ކުރެވެން ހުރި ހުރިހާ މަސައްކަތެއް ކައުންސިލުން ކުރާނެ ކަމަށެވެ.

"އަޅުގަނޑަށް މި ހާދިސާއިން ސިފަވަނީ އެނަމާ ބޯޓު ކާރިސާ،" ރިލްވާން ވިދާޅުވި އެވެ.

މީގެ 19 އަހަރު ކުރިން 2004 ގައި އެނަމާ ބޯޓު ބަންޑުން ޖަހާލާފައި އޮއްވާ، ކައިރިން ދިޔަ މަސް ދޯންޏަކުން އެހީނުވެ ދިޔަ އެވެ. އެ މައްސަލައިގައި ދައުލަތުން އެ ދޯނީގައި ތިބަ ބަޔަކަށް ޖިނާއީ ދައުވާ ވެސް އުފުލި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox