ބެލިންހަމް ރެއާލް އަށް ސޮއިކުރީ މެންޗެސްޓާ ސިޓީއަށް ނޫނެކޭ ބުނެފައި

Oct 11, 2023, 10:35 AM
ބެލިންހަމް ރެއާލް އަށް ސޮއިކުރީ މެންޗެސްޓާ ސިޓީއަށް ނޫނެކޭ ބުނެފައި

މެޑްރިޑް (އޮކްޓޫބަރު 11) - އިނގިރޭސި ގައުމީ ޓީމުގެ މިޑްފިލްޑަރު ޖޫޑް ބެލިންހަމް ރެއާލް މެޑްރިޑަށް ބަދަލުވީ ޔޫރަޕްގެ ޗެމްޕިއަން މެންޗެސްޓާ ސިޓީ އަށް ނޫނެކޭ ބުނެފައިކަން ހާމަވެއްޖެ އެވެ.

ޖަރުމަންގެ ބޮރޫޝިއާ ޑޯޓްމުންޑަށް ކުޅުނު ޖޫޑް ބެލިންހަމް ރެއާލް މެޑްރިޑަށް ބަދަލުވީ 110 މިލިއަން ޑޮލަރުގެ ފީއަކަށެވެ. އެ ކުލަބާ އެކު އޭނާ ސޮއިކުރީ ހަ އަހަރު ދުވަހުގެ އެއްބަސްވުމެއްގަ އެވެ.

ބެލިންހަމް އަކީ ޔޫރަޕްގެ ޗެމްޕިއަން، ސިޓީ އިން ވެސް ހޯދަން ބޭނުންވި ކުޅުންތެރިއެކެވެ. ސިޓީ އިން ވަނީ ބެލިންހަމް ގަތުމަށް އޭނާގެ ބައްޕައާ އެކު މަޝްވަރާތަކެއް ވެސް ކުރިއަށް ގެންގޮސްފަ އެވެ. ނަމަވެސް ފަހު ވަގުތު 20 އަހަރުގެ ބެލިންހަމް ނިންމީ ރެއާލަށް ބަދަލުވާށެވެ.

އިނގިރޭސި ޗެމްޕިއަން ސިޓީއަށް ބެލިންހަމް ނޫނެކޭ ބުނިކަން ހާމަކުރީ ރެއާލްގެ ބޯޑު މެންބަރު ހޯސޭ މެނުއެލް އޮޓޭރޯ އެވެ.

އޮޓޭރޯއާ ހަވާލާދީ ސްޕެއިންގެ ނޫސްތަކުން ބުނާ ގޮތުން ބެލިންހަމް ސިޓީއަށް ގެންދިޔުމަށް އެކުލަބުން ވަރަށް ބޮޑަށް މަސައްކަތްކުރި ކަމަށާއި، އެކަން ކާމިޔާބުނުވީ ކުޅުންތެރިޔާ އަމިއްލައަށް ދެކޮޅު ހެދުމުންކަމަށެވެ.

ރެއާލަށް ސޮއިކުރުމަށް ފަހު ބެލިންހަމް ބުނެފައިވަނީ ދުނިޔޭގެ އެންމެ ކާމިޔާބު ކުލަބާ ގުޅުމަކީ އޭނާގެ ހުވަފެންކަމަށާއި، އެކުލަބާއިއެކު ރަނގަޅު ކާމިޔާބީތައް ހޯދޭނެކަމަށް އުއްމީދުކުރާކަމަށެވެ.

ބެލިންހަމް އަންނަނީ އޭނާ ރެއާލް އަށް ކުޅެމުން އަންނަ ފުރަތަމަ ސީޒަންގައި ވެސް މޮޅަށް ކުޅެމުންނެވެ. އެ ގޮތުން މިހާތަނަށް 10 މެޗު އެ ކުލަބަށް ބެލިންހަމް ކުޅެފައިވާއިރު، އޭނާ ވަނީ 10 ގޯލު ޖަހައިފަ އެވެ. އޭގެ ތެރޭގައި ސްޕެނިޝް ލީގުގައި ކުޅުނު އަށް މެޗުގައި ޖެހި އަށް ގޯލާއި، ޗެމްޕިއަންސް ލީގުގައި ރެއާލް ކުޅުނު ދެ މެޗުގައި ޖެހި ދެ ގޯލު ހިމެނެ އެވެ.

މި ވަގުތު ސްޕެނިޝް ލީގު ތާވަލްގެ އެއް ވަނައިގައި ރެއާލް އޮތީ ބެލިންހަމްގެ މޮޅު ކުޅުމާ އެކު ޖަހަމުން އަންނަ ގޯލުތަކުގެ ސަބަބުންނެވެ. ސްޕެނިޝް ލީގުގެ ލަނޑު ލިސްޓުގެ ކުރީގައިވެސް އޮތީ ބެލިންހަމް އެވެ.

ރެއާލްގެ އެންމެ މުހިންމު އެޓޭކަރު ވިނީޝިއުސް ޖޫނިއާ އަށް އަނިޔާވި ދަނޑިވަޅުގައި އެޓޭކުގައި ތަފާތު ދައްކަމުން އަންނަ ބެލިންހަމަށް ރެއާލްގެ އެހާރާއި މިހާރުގެ ކުޅުންތެރިން އަންނަނީ ތައުރީފް ކުރަމުންނެވެ. މީގެ އިތުރުން ކޯޗު ކާލޯ އޮންޗެލޮޓީ ވެސް ވަނީ ބެލިންހަމް އާ ލީގެއްގައި ކުޅެ ދައްކަމުން އަންނަ ކުޅުން ފާހަގަކޮށްފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox