ނޭޕާލް ބަލިކޮށް އަންހެން ބެޑްމިންޓަން ޓީމު އޭޝިއަން ގޭމްސްގެ ކުއާޓާ ފައިނަލަށް

އޭޝިއަން ގޭމްސްގެ ކުއާޓާ ފައިނަލުން ޖާގަ ހޯދުމަށްފަހު ގައުމީ ޓީމްގެ ކުޅުންތެރިން އުފާފާޅުކުރަނީ - ފޮޓޯ: އިސްމާއިލް ތޯރިގު/އެމްއޯސީ

އޭޝިއަން ގޭމްސްގެ ކުއާޓާ ފައިނަލުން ޖާގަ ހޯދުމަށްފަހު ގައުމީ ޓީމްގެ ކުޅުންތެރިން އުފާފާޅުކުރަނީ - ފޮޓޯ: އިސްމާއިލް ތޯރިގު/އެމްއޯސީ

ޗައިނާގެ ހަންޒޫގައި މިހާރު ކުރިއަށްދާ އޭޝިއަން ގޭމްސްގެ ބެޑްމިންޓަން ޓީމް އިވެންޓުގެ ކުއާޓާ ފައިނަލުން ރާއްޖޭގެ އަންހެން ބެޑްމިންޓަން ޓީމް ޖާގަ ހޯދައިފި އެވެ.

އޭޝިއަން ގޭމްސްގެ ކުއާޓާ ފައިނަލުގައި 2018 ގައި ވެސް ޖާގަ ހޯދި އަންހެން ބެޑްމިންޓަން ޓީމުން މިފަހަރު ގަދަ 16ގައި ނުކުތީ މިދިޔަ ފަހަރެކޭ އެއްގޮތަށް ނޭޕާލާ ދެކޮޅަށެވެ. މި ފަހަރު ރާއްޖެއިން މެޗު ކާމިޔާބުކުރީ 3-1 އިންނެވެ.

މެޗުގެ ފުރަތަމަ ޓައިގައި ރާއްޖޭގެ ފާތިމަތު ނަބާހާ (ނަބާ) ނުކުތީ ނޭޕާލްގެ ރަޝީލާ މަހަރްޖަންއާ ދެކޮޅަށެވެ. މި މެޗުގެ ނަބާހާ ކާމިޔާބުކުރީ 2-1 އިންނެވެ. މެޗު ފުރަތަމަ ސެޓު 24-22 އިން ނަބާހާ ކާމިޔާބުކުރިއިރު، ދެ ވަނަ ސެޓު ރަޝީލާ ހޯދީ 19-21 އިންނެވެ. ފަހު ސެޓު ނަބާހާ ކާމިޔާބުކުރީ 21-13 އިންނެވެ.

Advertisement

ދެ ވަނަ ޓައިގައި ރާއްޖޭގެ އާމިނަތު ނަބީހާ (ނަބީ) ވަނީ ނޭޕާލްގެ ތަޖުރިބާކާރު ކުޅުންތެރިޔާ ނަންގްސަލް ތަމަންގް އަތުން ސީދާ ދެ ގޭމުން މޮޅުވެފަ އެވެ. ނަބީ ސެޓުތައް ގެންދިޔައީ 21-16 އަދި 21-10 އިންނެވެ.

ތިން ވަނަ ޓައިގައި ރާއްޖޭގެ އައިޝަތު އަފްނާން ރަޝީދު ވަނީ އަނޫ މާޔާ ރާއި އަތުން ސީދާ ދެ ގޭމުން ބަލިވެފަ އެވެ. ސެޓުތައް ނޭޕާލުން ގެންދިޔައީ 9-21 އަދި 11-21 އިންނެވެ.

އޭޝިއަން ގޭމްސްގެ ގަދަ 16ގައި ނޭޕާލްއާ ދެކޮޅަށް، ރައްޖޭގެ ޓީމްގެ ނަބާހާ އާއި ނަބީހާ ވާދަކުރަނީ - ފޮޓޯ: އިސްމާއިލް ތޯރިގު/އެމްއޯސީ
އޭޝިއަން ގޭމްސްގެ ގަދަ 16ގައި ނޭޕާލްއާ ދެކޮޅަށް، ރައްޖޭގެ ޓީމްގެ ނަބާހާ އާއި ނަބީހާ ވާދަކުރަނީ - ފޮޓޯ: އިސްމާއިލް ތޯރިގު/އެމްއޯސީ

އޭޝިއަން ގޭމްސްގެ ގަދަ 16ގައި ނޭޕާލްއާ ދެކޮޅަށް، ރައްޖޭގެ ޓީމުގެ ނަބާހާ އާއި ނަބީހާ ވާދަކުރަނީ - ފޮޓޯ: އިސްމާއިލް ތޯރިގު/އެމްއޯސީ

ރާއްޖެ މެޗުން މޮޅުވީ ފުރަތަމަ ޑަބަލްސް ޓައި ސީދާ ދެ ގޭމުން ކާމިޔާބުކޮށްގެންނެވެ. މިގޮތުން ނަބީހާ އާއި ނަބާހާގެ ޑަބަލްސް ޕެއާ ވަނީ 21-13 އަދި 21-19 އިން ރަޝީލާ އާއި އަނޫ މާޔާ ބަލިކޮށް ދިވެހިރާއްޖެއަށް ކުއާޓާ ފައިނަލުގެ ޖާގައެއް ހޯދައިދީފަ އެވެ.

ކުއާޓާ ފައިނަލުގައި ރާއްޖެ ނުކުންނާނީ ދެ ވަނަ އަށް ސީޑުކޮށްފައިވާ ދެކުނު ކޮރެއާއާ ދެކޮޅަށެވެ.

ރާއްޖޭގެ އަންހެން ޓީމުން 2018ގެ އޭޝިއަން ގޭމްސްގެ ކުއާޓާ ފައިނަލުން ޖާގަ ހޯދީވެސް ނޭޕާލް ބަލިކޮށްގެންނެވެ. އެ ފަހަރު ރާއްޖެ އިން 3-2 އިން މެޗު ކާމިޔާބުކުރިއިރު، ރައްޖެ މެޗުން މޮޅުވީ ފުރަތަމަ ދެ ސިންގަލްސް ގެއްލުމަށް ފަހު ފަހަތުން އަރައި ފަހު ތިން ޓައި ކާމިޔާބު ކޮށްގެންނެވެ.

އެ ފަހަރު ވެސް ނޭޕާލް ޓީމުގައި މިއަހަރުވެސް ރާއްޖެއާ ދެކޮޅަށް ކުޅުނު ރަޝީލާ މަހަރްޖަން އާއި ނަންގްސަލް ތަމަންގް ހިމެނެ އެވެ.

މީގެ ކުރިން، 2018 ގެ އޭޝިއަން ގޭމްސްގައި ފުރަތަމަ ސިންގަލްސްގައި ނަންގްސަލް އަތުން ނަބާހާ ސީދާ ދެ ސެޓުން ބަލިވިއިރު، ދެ ވަނަ ޓައިގައި ނަބީހާ ބަލިވީ ޖެސިކާ ގުރުން އަތުން 2-1 ސެޓުންނެވެ. މޮޅުވާން މަޖުބޫރުވެފައި އޮތް ތިން ވަނަ ޓައިގައި ރަޝީލާ 2-1 ސެޓުން ބަލިކޮށް ނީލާ ނަޖީބު ރާއްޖެ އަށް އުއްމީދު ހޯދައިދިނެވެ. ޖެހިގެން އައި ޑަބަލްސް ނަބީ އާއި ނީލާ ރާއްޖެ އަށް ހޯދައިދިނީވެސް 2-1 ސެޓުންނެވެ. ފަހު ޓައިގައި ނަބާހާ އާއި އާމިނަތު ޝަހުރުނާޒު ވަނީ ނޭޕާލް ޕެއާ ސީދާ ދެ ސެޓުން ބަލިކޮށްފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox