ހައިޝަމް އާއި ނާޝިތު ގައުމީ ބެޑްމިންޓަން ސްކޮޑަށް

Aug 13, 2025, 5:33 PM
ހައިޝަމް އާއި ނާޝިތު ގައުމީ ބެޑްމިންޓަން ސްކޮޑަށް

ރާއްޖޭގެ އެކި ކަންކޮޅުތަކުން ކުޅުންތެރިންނަށް ބައިވެރިވެވޭ ގޮތަށް ހުޅުވާލައިގެން ބޭއްވި ގައުމީ ބެޑްމިންޓަން ޓީމުގެ ސިލެކްޝަނުން ކުރިހޯދސައި ރިވައިވަލް ސްޕޯޓްސް ކްލަބްގެ ހައިޝަމް އިބްރާހިމް އަލީ އާއި ބެޑްމިންޓަން އެކެޑަމީ އޮފް ނައިފަރުގެ އިބްރާހިމް ނާޝިތު ހަމްދީ، ގައުމީ ސްކޮޑުން ޖާގަ ހޯދައިފި އެވެ.

މި މަހު 11 އިން ފެށިގެން މިއަދުގެ ނިޔަލަށް ކުރިއަށްދިޔަ ގައުމީ ޓީމުގެ ސިލެކްޝަނުގައި، މާލެ ސިޓީ، އައްޑޫ ސިޓީ، ނައިފަރު، އަދި ބ. އޭދަފުށިން ކުޅުންތެރިން ވާދަކުރި އެވެ. މި ސިލެކްޝަން ބޭއްވުމަށް، ނިންމައިފައިވަނީ، ބެޑްމިންޓަން އެސޯސިއޭޝަންގެ ދުވަހުން ދުވަހަށް ކުރަން ޖެހޭ ކަންކަން ކުރުމަށް ކޮމިޝަނާ އޮފް ސްޕޯޓްސް އިން މޯލްޑިވްސް އޮލިމްޕިކް ކޮމިޓީގެ ކޮމިޓީއަކާ ހަވާލުކުރުމުން، އެ ކަމުގެ މަސައްކަތް މި ވަގުތު ކުރަމުން އަންނަ ކޮމިޓީގެ ފަރާތުންނެވެ. އަދި، މި ނިންމުމަށް، ގިނަ އެކަޑަމީތަކާއި ކްލަބްތަކުން ވަނީ މަރުހަބާ ކިޔައިފަ އެވެ.

ސިލެކްޝަން ރޭވިފައިވާ ގޮތަށް ބަލާއިރު، އަންހެން ކުޅުންތެރިން ހަ ގްރޫޕަށް އަދި ފިރިހެން ކުޅުންތެރިން ހަ ގްރޫޕަށް ވަނީ ބަހައިފަ އެވެ. ކުޅުންތެރިން ސީޑުކުރުމުގައި ބަލާފައިވަނީ، ބެޑްމިންޓަން ވޯލްޑް ފެޑެރޭޝަންގެ ރޭންކިން އަށެވެ. ކޮންމެ ގްރޫޕަކުން އެއް ވަނަ ގައުމީ ސްކޮޑަށް ހޮވޭއިރު، ރިޒާވް ދެ ޖާގަ ދޭނީ ގައުމީ ކޯޗު މެޗުތައް ބެލުމަށް ފަހު، ކުޅުމަށް ބަލައި، އެންމެ ރަނގަޅު ކުޅުމެއް ދައްކާ ކުޅުންތެރިންނަށެވެ.

މި ސިލެކްޝަނުގައި، 32 ފިރިހެން ކުޅުންތެރިންނާއި 22 އަންހެން ކުޅުންތެރިން ވާދަކުރި އެވެ. ސިލެކްޝަނުން ހޮވުނު، 12 ކުޅުންތެރިންގެ ތެރެއިން އަށް ކުޅުންތެރިން ނިސްބަތްވަނީ، ރިވައިވަލް ސްޕޯޓްސް ކްލަބް އަށެވެ.

އެ ގޮތުން، ސްކޮޑަށް ހޮވުނު ފިރިހެން ކުޅުންތެރިންގެ ތެރޭގައި ހިމެނޭ ރިވައިވަލްގެ ހައިޝަމް، ކުޅުމަށް އެނބުރި އައިސްފައިވަނީ، ސިލެކްޝަނާ ވަރަށް ކުޑަ މުއްދަތެއް އޮއްވަ އެވެ. ވ. ކެޔޮދޫ އަށް އުފަން، ހައިޝަމް، ފާއިތުވި ދެ އަހަރެއްހާ ދުވަހަށް ބަލާއިރު، މުބާރާތްތަކެއް ކުޅެފައިނުވެ އެވެ. އޭނާ ރަނގަޅު ފޯމެއްގައި ހުއްޓައި ކުޅުން ހުއްޓާލަން ޖެހުނީ ގައުމީ ސްކޮޑަށް ނޭރުމުންނެވެ. އެކަމަކު، އާ ފެށުމަކުން ފަށަން އެނބުރި އައިސް މި ވަނީ ސިލެކްޝަނުގައި ހުނަރު ދައްކައި، ގައުމީ ޓީމުން ފުރުސަތު ހޯދައިފަ އެވެ.

ނައިފަރު އެކަޑަމީގެ އުމުރުން 16 އަހަރުގެ ނާޝިތު އަކީ މި ފަހަކަށް އައިސް ކުރިއެރުން ހޯދަމުން އަންނަ ކުޅުންތެރިއެކެވެ. ބަހްރޭނުގައި އަންނަ އޮކްޓޫބަރު މަހު އޮންނަ އޭޝިއާގެ ޔޫތު ގޭމްސްގެ ސްކޮޑުން ވެސް އޭނާ ޖާގަ ހޯދި އެވެ.

ފިރިހެން ސްކޮޑުގައި ދެން ހިމެނެނީ، ރިވައިވަލްގެ ޒަޔާން ޒަކީ، ނިބާލް އަހުމަދު، ހަސަން ޒަޔާން މުހައްމަދު އަދި، އާދަމް މަހީން މުހައްމަދު އެވެ.

ދާދި ފަހުން ނައިފަރުގައި ކުރިއަށްދިޔަ މުބާރާތުގެ ތެރެއިން ލައިބާ ބޯޅަ ފޮނުވާލަނީ.

އަންހެން ކުޅުންތެރިންނަށް ބަލާއިރު، ސްކޮޑުގައި ހިމެނެނީ، ރިވައިވަލްގެ ފާތިމަތު ނަބާހާ (ނަބާ)، އައިމިނަތު ނަބީހާ (ނަބީ)، އައިޝަތު އާލިޝާ މޫސާގެ އިތުރުން، ގައުމީ ޕޫލުގެ، އުމުރުން 12 އަހަރުގެ ލައިބާ އަހުމަދު މަހުލޫފް (އެލީ)، ޝުބާ މުހައްމަދު ޝަރީފް އަދި ޔަލްވީ ހުސެއިން ޒުހުރީ އެވެ.

މީގެ ތެރެއިން ލައިބާ ވަނީ، ދުނިޔޭގެ އެކި ގައުމުތަކުގައި ކުރިއަށްދިޔަ ޖޫނިއާ ބެޑްމިންޓަން މުބާރާތްތަކުގައި ވާދަކޮށް މެޑަލް ވެސް ހޯދައިފަ އެވެ. އަދި، މި ފަހަރު ގައުމީ ސިލެކްޝަނުގައި ވާދަކޮށް، ގްރޫޕްގެ ހުރިހާ މެޗަކުން މޮޅުވެ، ހަގު އުމުރުގައި ސީނިއާ ސްކޮޑުން މި ވަނީ ޖާގަ ހޯދައިފަ އެވެ.

ސިލެކްޝަނުން ހޮވުނު، ކުޅުންތެރިންނަށް އަމިއްލަ އެކަޑަމީ އާއި ކްލަބްގައި ވެސް ފަރިތަކުރުންތައް ކުރިއަށްގެންދިއުމުގެ ފުރުސަތު އޮންނަ ގޮތަށް ވަނީ ހަމަޖައްސައިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox