އޭޝިއަން ގޭމްސް ފަން ރަން ހުރާގައި؛ ފުރިހަމަ ހަރަކާތަކަށްވާނެ

Sep 19, 2025, 3:38 AM
ހުރާގައި ރޭ ބޭއްވި އޭޝިއަން ގޭމްސް ފަން ރަންގެ ނޫސްވެރިންގެ ބައްދަލުވުމުގެ ތެރެއިން.--- ފޮޓޯ: މޯލްޑިވްސް އޮލިމްޕިކް ކޮމިޓީ

ހުރާގައި ރޭ ބޭއްވި އޭޝިއަން ގޭމްސް ފަން ރަންގެ ނޫސްވެރިންގެ ބައްދަލުވުމުގެ ތެރެއިން.--- ފޮޓޯ: މޯލްޑިވްސް އޮލިމްޕިކް ކޮމިޓީ

އަންނަ އަހަރު ޖަޕާނުގެ އައިޗީ-ނަގޯޔާގައި ކުރިއަށްދާ އޭޝިއަން ގޭމްސް އަށް ތައްޔާރުވުމުގެ ގޮތުން މޯލްޑިވްސް އޮލިމްޕިކް ކޮމިޓީން އޭޝިއަން ގޭމްސްގެ އޯގަނައިޒިން ކޮމިޓީ އަދި ކ. ހުރާ ކައުންސިލާ ގުޅިން އެ ރަށުގައި މިއަދު ބާއްވާ "އޭޝިއަން ގޭމްސް ފަން ރަން" ފުރިހަމަ ހަރަކާތަކަށްވާނެ ކަމަށް ބުނެފި އެވެ

އިއްޔެ އިން ފެށިގެން ފަން ރަންގެ ހަރަކާތްތައް ހުރާގައި ހިނގަމުން އަންނައިރު، ރޭ ވަނީ ނޫސްވެރިންގެ ބައްދަލުވުމެއް ބާއްވައިފަ އެވެ. އެ ބައްދަލުވުމުގައި، މޯލްޑިވްސް އޮލިމްޕިކް ކޮމިޓީގެ ސެކްރެޓަރީ ޖެނެރަލް ތަމޫހު އަހުމަދު ސައީދު (ތަމޫ) އާއި ދަ އޮލިމްޕިކް ކައުންސިލް އޮފް އޭޝިއާ (އޯސީއޭ)ގެ ޑިރެކްޓާ އޮފް ޑިވެލޮޕްމަންޓް އެންޑް އިންޓަނޭޝަނަލް ރިލޭޝަންސް ވިސާމް ތުރްކްމާނީ، އޯސީއޭގެ ޑިރެކްޓާ އޮފް މީޑިއާ އެންޑް ބްރޯޑްކާސްޓް ޖީންސް ޒޫ ޖިއާން އަދި އައިޗީ-ނަގޯޔާގެ އޯގަނައިޒިން ކޮމިޓީގެ އެގްޒެކެޓިވް ޕީއާރް ޑިރެކްޓަރު އަދި މީޑިއާ ފުމިހީޓޯ ކަނައިޒޫކާ ވަނީ ބައިވެރިވެވަޑައިގެންފަ އެވެ.

ހުރާގައި މި ފަހަރު ބާއްވާ އޭޝިއަން ގޭމްސްގެ ފަން ރަންއާ ގުޅިގެން، 20 ވަނަ އޭޝިއަން ގޭމްސް ޕްރޮމޯޓް ކުރުމަށް، ހުރާގައި ޔޫތު ރިޕޯޓާސް ޕްރޮގްރާމަކާއި އާޓް އެގްޒިބިޝަނެއް ވެސް ކުރިއަށްދެ އެވެ.

ރޭ ބޭއްވި ނޫސްވެރިންގެ ބައްދަލުވުމުގައި، ތަމޫ ވިދާޅުވީ، މިފަހަރުގެ އިވެންޓްތައް ހުރާގައި ކުރިއަށް ގެންދެވެނީ ކައުންސިލާއި ރައްޔިތުންގެ ބޮޑު އެއްބާރުލުމަކާ އެކު ކަމަށެވެ. އަދި، މި އިވެންޓް ކާމިޔާބުކޮށް ބޭއްވުމަށްޓަކައި، ހުރާގެ ޒުވާނުން ދޭ އެހީތެރިކަން ވެސް އޭނާ ފާހަގަކުރެއްވި އެވެ.

އޮލިމްޕިކް ކޮމިޓީގެ ސެކްރެޓަރީ ޖެނެރަލް ތަމޫހު ނޫސްވެރިންގެ ބައްދަލުވުމުގައި ވާަހަކަ ދައްކަަވަނީ.--- ފޮޓޯ: މޯލްޑިވްސް އޮލިމްޕިކް ކޮމިޓީ

މީގެ އިތުރުން، ތަމޫ ވިދާޅުވީ، އޮލިމްޕިކް ކޮމިޓީގެ ވިސްނުން މައިގަނޑު ގޮތެއްގައި ބައްޓަންކުރަނީ، މި އަހަރު ތެރޭގައި ބާއްވާ އިވެންޓްތައް މާލެއިން ބޭރުގައި ބޭއްވުމަށް އިސްކަން ދިނުމަށް ކަމަށެވެ. އޭގެ މައިގަނޑު ސަބަބެއްގެ ގޮތުގައި، ތަމޫ ފާހަގަކުރެއްވީ، ބައިނަލްއަގުވާމީ ކުޅިވަރު މައިދާނަށް ރާއްޖޭގެ ރަށްތައް އިޝްތިހާރު ކުރުމުގެ މުހިންމު ލަނޑުދަނޑި ހާސިލްކުރުމަށާއި ސްޕޯޓްސް ޓޫރިޒަމްގެ ތެރެއިން ރާއްޖެ އަށް މަންފާ ހޯދައިދިނުމަށް ކަމަށެވެ.

އޮލިމްޕިކް ކައުންސިލް އޮފް އޭޝިއާ (އޯސީއޭ)ގެ ޑިރެކްޓާ އޮފް ޑިވެލޮޕްމަންޓް އެންޑް އިންޓަނޭޝަނަލް ރިލޭޝަންސް ވިސާމް ތުރްކްމާނީ ވިދާޅުވީ، އޭޝިއަން ގޭމްސްގައި ބައިވެރިވާ ހުރިހާ ގައުމެއްގައި ފަން ރަން ކުރިއަށްދާނެ ކަމަށެވެ. އޭޝިއާގެ 45 ގައުމަކުން، އަންނަ އަހަރުގެ އޭޝިއަން ގޭމްސްގައި، 41 ކުޅިވަރެއްގައި 400 އިވެންޓްގައި ވާދަކުރާނެކަން ވިސާމް ވަނީ ފާހަގަކުރައްވައިފަ އެވެ.

ޖަޕާނުގައި އޭޝިއަން ގޭމްސް ބާއްވާ ތިން ވަނަ ފަހަރުކަމަށްވާއިރު، މި ފަހަރުގެ ގޭމްސްގައި، އަނެއްކާ ވެސް އޭޝިއާގެ ކުޅިވަރުގެ ކުރިއެރުން ވަޒަންކުރެވިގެންދާނެ އެވެ.

އޮލިމްޕިކް ކޮމިޓީން ބުނީ، ފަން ރަން އަކީ ފަސް ކިލޯ މީޓަރުގެ ރޭހެއް ކަމަށާއި ވަނަތައް ހޮވާ ގޮތަށް ހަމަޖެހިފައިވާ ކަމަށެވެ. އަދި، އޭގެ އިތުރުން، ދެން ބާއްވާނީ 13 އަހަރުން ދަށުގެ އެއް މޭލު ދުވުމެއް ކަމަށާއި 100އެއް ހާ ކުދިންނާ އެކު އެ ދުވުން ބާއްވަނީ ހުރާ ކުދިންނަށް ހާއްސަކޮށް ކަމަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox