ގައުމީ ބެޑްމިންޓަން ޓީމުގެ ސިލެކްޝަނެއް ފުރަތަމަ ފަހަރަށް ހުޅުވާލައިގެން ބާއްވަނީ

Aug 11, 2025, 2:36 AM
ގައުމީ ބެޑްމިންޓަން ޓީމުގެ ސިލެކްޝަނެއް ފުރަތަމަ ފަހަރަށް ހުޅުވާލައިގެން ބާއްވަނީ

ރާއްޖޭގެ އެކި ކަންކޮޅުތަކުން ކުޅުންތެރިންނަށް ބައިވެރިވެވޭ ގޮތަށް ހުޅުވާލައިގެން، ގައުމީ ބެޑްމިންޓަން ޓީމުގެ ސިލެކްޝަނެއް ކުރިއަށްގެންދަން ނިންމައިފި އެވެ.

މި ގޮތަށް ނިންމައިފައިވަނީ، ބެޑްމިންޓަން އެސޯސިއޭޝަންގެ ދުވަހުން ދުވަހަށް ކުރަން ޖެހޭ ކަންކަން ކުރުމަށް ކޮމިޝަނާ އޮފް ސްޕޯޓްސް އިން މޯލްޑިވްސް އޮލިމްޕިކް ކޮމިޓީގެ ކޮމިޓީއަކާ ހަވާލުކުރުމުން، އެ ކަމުގެ މަސައްކަތް މި ވަގުތު ކުރަމުން އަންނަ ކޮމިޓީގެ ފަރާތުންނެވެ. އަދި، މި ނިންމުމަށް، ގިނަ އެކަޑަމީތަކާއި ކްލަބްތަކުން ވަނީ މަރުހަބާ ކިޔައިފަ އެވެ.

މިއަދުން ފެށިގެން ކުރިއަށް އޮތް ދެ ދުވަހަށް ދެމިގެންދާ ގޮތަށް، ކުޅިވަރު އެކުވެނި ބެޑްމިންޓަން ކޯޓުގައި، ކުރިއަށްގެންދާ ގައުމީ ޓީމުުގެ ސިލެކްޝަނުގައި، މާލެ ސިޓީ، އައްޑޫ ސިޓީ، ނައިފަރު، އަދި ބ. އޭދަފުށިން ކުޅުންތެރިން ވާދަކުރެ އެވެ.

Advertisement

އެ ގޮތުން، ގައުމީ ސްކޮޑު އެކުލަވާލުމަށް ކުރިއަށްގެންދާ މި ސިލެކްޝަނުގައި، ފިރިހެން އަށް ކުޅުންތެރިން އަދި އަންހެން އަށް ކުޅުންތެރިން ހޮވާނެ އެވެ. އަދި މީގެ ތެރެއިން، އަންހެން ހަ ކުޅުންތެރިއަކަށް އަދި ފިރިހެން ހަ ކުޅުންތެރިއަކަށް ގައުމީ ޓީމުގެ މުސާރަ ދޭނެ އެވެ. އަދި، ރިޒާވް ސްކޮޑުގައި، އަންހެން ދެ ކުޅުންތެރިންނާއި ފިރިހެން ދެ ކުޅުންތެރިން ނެގުމަށް ވަނީ ހަމަޖެހިފަ އެވެ.

ސިލެކްޝަން ނިމުމުން، ކުޅުންތެރިންނަށް އަމިއްލަ އެކަޑަމީ އާއި ކްލަބްގައި ވެސް ފަރިތަކުރުންތައް ކުރިއަށްގެންދިއުމުގެ ފުރުސަތު އޮންނާނެ އެވެ. ސިލެކްޝަން ރޭވިފައިވާ ގޮތަށް ބަލާއިރު، އަންހެން ކުޅުންތެރިން ހަ ގްރޫޕަށް އަދި ފިރިހެން ކުޅުންތެރިން ހަ ގްރޫޕަށް ވަނީ ބަހައިފަ އެވެ. ކުޅުންތެރިން ސީޑުކުރުމުގައި ބަލާފައިވަނީ، ބެޑްމިންޓަން ވޯލްޑް ފެޑެރޭޝަންގެ ރޭންކިން އަށެވެ.

ކޮންމެ ގްރޫޕަކުން އެއް ވަނަ ގައުމީ ސްކޮޑަށް ހޮވޭއިރު، ރިޒާވް ދެ ޖާގަ ދޭނީ ގައުމީ ކޯޗު މެޗުތައް ބެލުމަށް ފަހު، ކުޅުމަށް ބަލައި، އެންމެ ރަނގަޅު ކުޅުމެއް ދައްކާ ކުޅުންތެރިންނަށެވެ.

މައުލޫމާތު ލިބިފައިވާ ގޮތުގައި ސިލެކްޝަނުގައި ބައިވެރިވުމަށް ގިނަ އެންޓްރީސްތަކެއް ވަނީ ލިބިފަ އެވެ. އަދި، މި ގޮތަށް ހުޅުވާލެވިގެން ގައުމީ ސްކޮޑަށް ކުޅުންތެރިން ހޮވުމުގެ ސިލެކްޝަނެއް ބޭއްވިގެންދިއުމަކީ، ރާއްޖޭގެ އެކި ސަރަހައްދުތަކުގައި، ތިބި ހުނަރުވެރި ކުޅުންތެރިންނަށް ވެސް ގައުމީ ޓީމާ ހަމައަށް އަންނަން ފަހިވި ފުރުސަތެއްގެ ގޮތުގައި ކުޅުންތެރިން ފާހަަގަކުރެ އެވެ.

އަންނަ އޮކްޓޫބަރު މަހު، ބަހްރޭނުގައި ކުރިއަށްދާ ތިން ވަނަ އޭޝިއަން ޔޫތު ގޭމްސްގައި ރާއްޖެ ތަމްސީލްކުރާނެ ގައުމީ ބެޑްމިންޓަން ސްކޮޑު ކަނޑައެޅުމަށް ވެސް އެކަޑަމީތަކަށް ހުޅުވާލައިގެން ސިލެކްޝަނެއް ކުރިއަށްގެންދިޔަ އެވެ. ސިލެކްޝަނަށް ފަހު، މުބާރާތަށް ހޮވިފައިވަނީ، ޖޫނިއާ ޕޫލުގެ ހަތަރު އަންހެން ކުޅުންތެިންނާއި ތިން ފިރިހެން ކުޅުންތެރިންގެ އިތުރުން ނައިފަރު އެކަޑަމީގެ ކުޅުންތެރިއެކެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox