ސިންގަލްސްގެ ގަދަ 32 އިން ޝައްފާން ޖާގަ ހޯދައިފި

އޭޝިއަން ގޭމްސްގެ މެޗެއްގެ ތެރެއިން ޝައްފާން ބޯޅަ ފޮނުވާލަނީ.--- ފޮޓޯ: އިސްމާއިލް ތޯރިގު/ މޯލްޑިވްސް އޮލިމްޕިކް ކޮމިޓީ

އޭޝިއަން ގޭމްސްގެ މެޗެއްގެ ތެރެއިން ޝައްފާން ބޯޅަ ފޮނުވާލަނީ.--- ފޮޓޯ: އިސްމާއިލް ތޯރިގު/ މޯލްޑިވްސް އޮލިމްޕިކް ކޮމިޓީ

ޗައިނާގެ ހަންޒޫގައި މިހާރު ކުރިއަށްދާ އޭޝިއަން ގޭމްސްގެ ޓޭބަލް ޓެނިސްގެ ފިރިހެން ސިންގަލްސް އިވެންޓުގެ ގަދަ 32 އިން މުހައްމަދު ޝައްފާން އިސްމާއިލް ޖާގަ ހޯދައިފި އެވެ.

މިމަހުގެ 23ގައި ފެށި އޭޝިއަން ގޭމްސްގެ ޓޭބަލް ޓެނިހުގައި މިހާރުކުރިއަށްދަނީ އިންޑިވިޖުއަލް އިވެންޓުގެ މެޗުތަކެވެ.

މިގޮތުން ފިރިހެން ސިންގަލްސްގައި މިއަދު ހެނދުނު ޝައްފާން ވަނީ އޭނާ ކުޅުނު މެޗު ކާމިޔާބުކޮށް ގަދަ ދެ ވަނަ ބުރުގެ ޖާގައެއް ހޯދާފަ އެވެ. ޝައްފާން މޮޅުވީ ނޭޕާލްގެ ރުބިން މަހާރްޖަން އަތުން 4-1 ސެޓުންނެވެ.

Advertisement

މެޗުގެ ފުރަތަމަ ސެޓު 11-6 އިން ޝައްފާން ހޯދިއިރު، ދެ ވަނަ ސެޓު ރުބިން ހޯދީ 3-11 އިންނެވެ. ދެވަނަ ސެޓު ގެއްލުނު ނަމަވެސް އާ ހިތްވަރަކާއިއެކު ނިކުމެ ޝައްފާން ވަނީ ޖެހިގެން އައި ތިން ސެޓު 11-8، 11-6 އަދި 11-8 އިން ހޯދައި މެޗު ކާމިޔާބުކޮށްފަ އެވެ.

މިއީ މިފަހަރުގެ އޭޝިއަން ގޭމްސްގެ ޓޭބަލް ޓެނިސް އިވެންޓުގައި ރާއްޖެއަށް ލިބުނު ފުރަތަމަ މޮޅެވެ. މީގެ ކުރިން ގައުމީ ޓީމުގެ ކުޅުންތެރިން ޓީމް އިވެންޓުގައި ކުޅުނު ހުރިހާ މެޗަކުންވެސް ވަނީ ބަލިވެފަ އެވެ.

ރަފާ، މިއަދު ކުޅުނު މެޗުގެ ތެރެއިން ބޯޅަ ފޮނުވާލަނީ.--- ފޮޓޯ: އިސްމާއިލް ތޯރިގު/ މޯލްޑިވްސް އޮލިމްޕިކް ކޮމިޓީ

ޝައްފާންގެ އިތުރުން މޫސާ މުންސިފް އަހުމަދު އަދި އައިޝަތު ރަފާ ނާޒިމް ވެސް ސިންގަލްސް އިވެންޓުގައި މިއަދު ކުޅުނެވެެ. ނަމަވެސް ދެ ކުޅުންތެރިންވެސް ކުޅުނު މެޗުން ވަނީ ވާދަވެރި ކުޅުމަކަށްފަހު ބަލިވެފަ އެވެ.

ފިރިހެން ސިންގަލްސްގައި މުންސިފް ނުކުތީ ބުރުނާއީގެ އަލްޔަސީ އަލްޔާސް އަހުމަދު މުހައްމަދު ޖާސިމްއާ ދެކޮޅަށެވެ. މި މެޗުން މުންސިފް ބަލިވީ 1-4 ސެޓުން އިންނެވެ. މެޗުގެ ފުރަތަމަ ސެޓު 6-11 އިން ޖާސިމް ކާމިޔާބުކުރިއިރު، ޖެހިގެން އައި ސެޓު 11-4 އިން މުންސިފް ކާމިޔާބުކުރި އެވެ. ނަމަވެސް ޖެހިގެން އައި ތިން ސެޓުވެސް ވާދަވެރި ކުޅުމަކަށްފަހު 13-15، 11-13 އަދި 7-11 އިން ޖާސިމް ކާމިޔާބުކުރި އެވެ.

އަންހެން ސިންގަލްސްގައި ރަފާ ބަލިވީ މަކާއޯގެ ޗިއޮން ޗީ ހުން އަތުން 1-4 ސެޓުންނެވެ. މެޗުގެ ފުރަތަމަ ސެޓު 5-11 އިން ޗީ ހުން ކާމިޔާބުކުރިއިރު، ދެވަނަ ސެޓު 11-8 އިން ހޯދައި ރަފާ އުއްމީދު އާކުރި އެވެ. ނަމަވެސް ޖެހިގެން އައި ތިން ސެޓު 9-11، 4-11 އަދި 9-11 އިން ކާމިޔާބުކޮށް މަކާއޯ ކުޅުންތެރިޔާ މެޗުން މޮޅުވި އެވެ.

މުބާރާތުގައި މިއަދު ޓޭބަލް ޓެނިސް ޓީމަށް އޮތީ މިކްސް ޑަބަލްސްގައި މުންސިފް އާއި ރަފާގެ ޕެއާ ވާދަކުރާ މެޗެވެ. ދެ ކުޅުންތެރިން ނުކުންނާނީ ޕާކިސްތާންގެ ޕެއާއަކާ ދެކޮޅަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox