ބަދަލު ދޭން 397 މިލިއަން ރުފިޔާ، މިއީ މި އަހަރަށް ބަޖެޓު ކުރި ވަރުގެ ގާތްގަނޑަކަށް ހަތަރު ގުނަ!

ރައީސް އޮފީސް: ބަދަލު ދިނުމުގެ މައްސަލަތަކުގައި ގޮތް ނިންމާ ސެޓްލްމަންޓް ކޮމިޓީ ހިންގަނީ ރައީސް އޮފީހުގެ ބެލުމުގެ ދަށުން -- އަބްދުﷲ އިޔާން/އަދަދު

ރައީސް އޮފީސް: ބަދަލު ދިނުމުގެ މައްސަލަތަކުގައި ގޮތް ނިންމާ ސެޓްލްމަންޓް ކޮމިޓީ ހިންގަނީ ރައީސް އޮފީހުގެ ބެލުމުގެ ދަށުން -- އަބްދުﷲ އިޔާން/އަދަދު

ކޯޓުތަކުން ކުރާ ހުކުމްތަކާ ގުޅިގެންނާއި ސެޓްލްމަންޓުގެ ގޮތުގައި ފައިސާ ދޫކުރަން މި އަހަރުގެ ނިޔަލަށް 397 މިލިއަން ރުފިޔާ ހަރަދުވާނެ ކަމަށް ފިނޭންސް މިނިސްޓްރީން އަންދާޒާކޮށްފި އެވެ.

މި އަހަރަށް ފާސްކުރި ބަޖެޓުގައި ބަދަލު ދޭން ބަޖެޓު ކުރީ 100 މިލިއަން ރުފިޔާ އެވެ. ނަމަވެސް, ފަހުން ހުށަހެޅި ސަޕްލިމެންޓު ބަޖެޓުގައި އަދި އަންނަ އަހަރަށް ލަފާކޮށް ހުށަހަޅާފައިވާ ބަޖެޓުން އެނގޭ ގޮތުގައި ފިނޭންސުން މިހާރު އަންދާޒާކުރަނީ މީގެ ހަތަރު ގުނަ ހަރަދުވާނެ ކަމަށެވެ.

ބަދަލުގެ ގޮތުގައި ދޭން ބަޖެޓު ކުރި ފައިސާއަށް މިވަރުގެ ބޮޑު ބަދަލެއް އައި ނަމަވެސް، ބަޖެޓު ފޮތަކުން އެއީ ކޮން މައްސަލަތަކަކާ ގުޅިގެން ފައިސާ ދޭން ޖެހިގެން އައި ބަދަލުތަކެއް ކަމެއް ސާފެއް ނޫނެވެ. އާންމުކޮށް ބަޖެޓު ފޮތްތަކުގައި މި ތަފުސީލުތަކެއް ނުވެސް ހިމަނަ އެވެ.

Advertisement

މި ތަފްސީލުތައް ހޯދަން މަސައްކަތް ކުރި އިރު، ފިނޭންސް މިނިސްޓްރީގެ އޮފިޝަލް ފޯނަށް ޖަވާބު ނުދޭތީ މިނިސްޓްރީން ވެސް މި މައުލޫމާތު ލިބޭ ގޮތެއް އަދި ނުވެ އެވެ.

އިތުރަށް ހަރަދުވަ ފައިސާގެ ތަފުސީލުތައް ނޭނގުނު ނަމަވެސް، މި އަހަރަށް ބަޖެޓު ކުރި ފައިސާ ހަރަދުވީ ގޮތް ފިނޭންސުން އާންމުކުރި ފިސްކަލް ހިރާސްތަކުގެ ބަޔާނުން އެނގެ އެވެ. އެ ބަޔާނުގައިވާ ގޮތުގައި މި އަހަރުގެ މޭ މަހުގެ ނިޔަލަށް ބަޖެޓު ކުރި 100 މިލިއަން ރުފިޔާގެ ތެރެއިން 95.5 މިލިއަން ރުފިޔާ އެކި ފަރާތްތަކަށް ބަދަލުގެ ގޮތުގައި ވަނީ ދައްކާފަ އެވެ.

ބަދަލުގެ ގޮތުގައި ދެއްކި ފައިސާގެ ތެރެއިން 96 ޕަސެންޓަކީ މާފަރު އެއާޕޯޓް ތަރައްގީކުރުމުގެ މަސައްކަތް ކުރި ކޮންޓްރެކްޓަރު، ޓަފް ކުންފުނިން ސިންގަޕޫރުގެ އާބިޓްރޭޝަނަށް ހުށަހެޅި މައްސަލައާ ގުޅިގެން ދައްކަން ޖެހުނު ފައިސާ އެވެ. މި މައްސަލަ ނިންމަން ދައުލަތުން 92.5 މިލިއަން ރުފިޔާ ދެއްކި އެވެ.

ބާކީ ތިން މިލިއަން ރުފިޔާ ހަރަދުވީ ސިވިލް ސާވިސް ކޮމިޝަނުގެ ދަށުން މިނިސްޓްރީ އޮފް ހައުސިން އެންޑް އިންފްރާސްޓްރަކްޗާ ހިންގަމުން ދިޔަ އިރު މިނިސްޓްރީގައި މަސައްކަތް ކުރި މުވައްޒަފުންނަށް "ސްޕެޝަލް ޑިއުޓީ އެލަވަންސް"ގެ ގޮތުގައި ނުދައްކާވާ ފައިސާ ދެއްކުމަށް ވަޒީފާއާ ބެހޭ ޓްރައިބިއުނަލުން ކުރި ހުކުމަކަށް ދެއްކި ފައިސާ އެވެ.

ބަދަލުގެ ގޮތުގައި އަމިއްލަ ކުުންފުނިތަކަށް ބޮޑެތި އަދަދުތަކުން ފައިސާ ދޭ މައްސަލަތަކުގައި މި ސަރުކާރަށް އަމާޒުވާ ފާޑުކިޔުން ބޮޑެވެ. ވަކިން ހާއްސަކޮށް، ބަދަލު ދިނުމުގެ މައްސަލަތަކުގައި ގޮތް ނިންމާ ސެޓްލްމަންޓް ކޮމިޓީއަށް އަމާޒުވާ ފާޑުކިޔުން ބޮޑެވެ. މި ކޮމިޓީ ހިންގަނީ ރައީސް އޮފީހާއި ބަންޑާރަ ނައިބު އޮފީހުގެ ބެލުމުގެ ދަށުންނެވެ.

އެކި މަސްދަރުތަކުން ލިބެން ހުރި މައުލޫމާތަށް ބަލާއިރު، މި ސަރުކާރުން ވަނީ ވޭތުވި ހަތަރު އަހަރުގެ ތެރޭގައި (އެއީ 2019-2022 އަށް) ބަދަލުގެ ގޮތުގައި 1.7 ބިލިއަން ރުފިޔާ ދައްކާފަ އެވެ. މި އަހަރުގެ ތެރޭގައި ހަރަދުވާ ފައިސާއާ އެކީ މި އަހަރު ދެ ބިލިއަން ފަހަނައަޅާ ދާނެ އެވެ.

ސަރުކާރުން މިހާތަނަށް ބަދަލު ދީފައިވާ މައްސަލަތަކުގެ ތެރޭގައި ނޫމަޑި މައްސަލަ އާއި ބިގް އިންވެސްޓްމަންޓްސް އާއި ބޯޑަރު ސިސްޓަމްގެ މައްސަލައިގައި ދައްކަން ޖެހުނު ފައިސާތަކުގެ މައްސަލަތައް ފާހަގަކޮށްލެވެ އެވެ. މީގެ ތެރެއިން ވެސް އެންމެ ބޮޑު ބަދަލެއް ދިނީ ކުރީގެ ރައީސް މުހައްމަދު ނަޝީދުގެ ދުވަސްވަރު ތަރައްގީގެ އެކި ޕްރޮޖެކްޓުތައް ހިންގަން ހަވާލުކުރި ނޫމަޑިއަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox