ހުލާސާކޮށް އިއްޔެ: ރައީސް ސޯލިހުގެ މުހިންމު އިލްތިމާސްއެއް!

ރައީސް އިބްރާހިމް މުހައްމަދު ސޯލިހު. -- ފޮޓޯ: މިރާން ނާޝިމް/ އަދަދު

ރައީސް އިބްރާހިމް މުހައްމަދު ސޯލިހު. -- ފޮޓޯ: މިރާން ނާޝިމް/ އަދަދު

ހޮނިހިރު ދުވަހު ބާއްވާ އިންތިހާބުގެ މުހިންމުކަން ފާހަގަކުރައްވައި، ރައީސް އިބްރާޙިމް މުހައްމަދު ސޯލިހު އިލްތިމާސްއެެއް ރޭ ކުރެއްވި އެވެ.

ރިޔާސީ އިންތިހާބުގެ ކެމްޕޭނަށް ރ. އަލިފުއްޓަށް ވަޑައިގެން ވާހަކަ ދައްކަވަމުން ރައީސް ސޯލިހު ވިދާޅުވީ އެމަނިކުފާނުގެ އަމާޒަކީ ރާއްޖެއަށް "ބޮޑު ހެޔޮ ބަދަލެއް" ގެނައުން ކަމަށާއި އެކަމުގައި ހުރިހާ ރައްޔިތުން ބައިވެރިވުމަކީ އެމަނިކުފާނުގެ އެދިވަޑައިގަތުމެއް ކަމަށެވެ. ސިޔާސީ ގޮތުން ހިޔާލުތަފާތުވި ނަމަވެސް އެމަނިކުފާނަށް ވޯޓު ދެއްވުމަށް ވެސް އެދިވަޑައިގަތެވެ.

"ކޮންމެ ރައްޔިތަކު އިހުސާސް ކުރަންޖެހުނީ ބިރުވެރިކަމާއި ނާމާންކަމާއި ހިތްދަތިކަން،" ކުރީގެ ސަރުކާރުގެ ކަންކަން ހިނގައި ދިޔަ ގޮތުން ރައްޔިތުން ތަޖުރިބާކުރަން ޖެހުނު ކަންކަން ހަނދާންކޮށް ދެއްވި އެވެ.

Advertisement

"އަދި ހާއްސަކޮށް ވަކިވަކިން މި އޮންނަ މިފަދަ ރަށްތަކުގެ ރައްޔިތުންނަށް އަޅަ ނުލައި އެކަހެރިކޮށް ދޫކޮށްލާފައި އޮތީ. އެބޭފުޅުންނަށް މުހިންމު ބަޔަކަށް މި ރަށްތަކުގައި ދިރިއުޅޭ ރައްޔިތުން ނުވި. ...އަޅުގަނޑުގެ އިލްތިމާސަކީ ސިޔާސީ ހިޔާލު ތަފާތުވިޔަސް ރާއްޖޭގެ ތަރައްގީއަށް ކުރާ މަސައްކަތުގައި މިފަހަރު ހުރިހާ ބޭފުޅުން ބައިވެރިވެވަޑައިގެން އަޅުގަނޑަށް ވޯޓު ދެއްވަން."

ރައީސް ވިދާޅުވީ ކުރީގެ ރައީސް އަބްދުﷲ ޔާމީންގެ ސަރުކާރުގައި ކުދި ރަށްތައް އޮތީ ބާކީކޮށްފައި ކަމަށެވެ. ނަމަވެސް އެމަނިކުފާނުގެ ޕޮލިސީއަކީ ހުރިހާ ރަށެއް ތަރައްގީ ކުރުން ކަމަށް ރައީސް އަނެއްކާ ވެސް ފާހަގަ ކުރެއްވި އެވެ.

ރައީސް ސޯލިހުގެ ވާހަކައިގައި ފާހަގަ އެ ކުރެއްވި "ބިރުވެރިކަމާއި ނާމާންކަމާއި ހިތްދަތިކަން" އެއީ ކުރީގެ ރައީސް ޔާމީންގެ ވެރިކަމުގައި ދިވެހިން ތަޖުރިބާކުރަން ޖެހުނު އަނދަރި ދުވަސްތަކެވެ. އޭރު އިދިކޮޅު ލީޑަރުންނާއި ސިޔާސީ ހަރަކާތްތެރިން ބަންދުކޮށް ޖަލަށް ލައި، ހުކުމް ޖަހަމުން ދިޔަ އެވެ.

ރައީސް ސޯލިހުގެ އިތުރުން އިންތިހާބުގައި ވާދަ ކުރައްވަނީ ޖުމްހޫރީ ޕާޓީގެ ގާސިމް އިބްރާހިމް އާއި ޑިމޮކްރެޓްސްގެ އިލްޔާސް ލަބީބާއި ޕީޕީއެމް/ޕީއެންސީގެ ޑރ. މުހައްމަދު މުއިއްޒާއި އެމްއެންޕީގެ މުހައްމަދު ނާޒިމެވެ. އޭގެ އިތުރުން އުމަރު ނަސީރާއި ފާރިސް މައުމޫނާއި ހަސަން ޒަމީލު އަމިއްލަ ގޮތުން ވާދަ ކުރައްވަ އެވެ.

މުހިންމު ބައެއް ހަބަރު

ދުވަހުގެ ކޯޓޭޝަން

ގައުމަށް އެންމެ ފައިދާ ހުރި ގޮތަކީ ތަފާތު ހިޔާލުގެ މީހުންނާއެކު ކުރިއަށް ދިޔުން ކަމަށާއި ކުރިއަށް އޮތް ތަނުގައި ވެސް މަސައްކަތް ބައްޓަން ވެފައި އޮންނާނީ އެގޮތަށް ކަމަށް ރައީސް ސޯލިހު އިއްޔެ ރ. އަނގޮޅިތީމުގައި ވިދާޅުވި އެވެ. އެގޮތުން, އަދާލަތު ޕާޓީ އާއި އެމްޑީއޭގެ ހިޔާލާއި މަޝްވަރާ އާއި ބައިވެރިވުން ދެން އަންނަ ސަރުކާރެއްގައި ވެސް އޮންނާނެ ކަމުގެ ޔަގީންކަން އެމަނިކުފާނު ދެއްވި އެވެ.

ފުރިހަމަ ޔަގީންކަން އެބަ އޮތް މި އިންތިހާބު އެއްބުރުން ނެގޭނެ ކަމަށް. 90 ޕަސެންޓު މީހުން ވޯޓުލާނެ ކަމަށް ބެލިޔަސް މިއަދު ވެސް މިތިބީ 130,000 ވޯޓު ކަށަވަރު ކޮށްގެން. މިއަކީ އެއްވެސް ވާދަވެރިޔަކަށް ކުރިއަށް އޮތް ތަނުގައި އަރާ ހަމަ ކުރެވޭނެ އަދަދެއް ނޫން,"

ދުވަހުގެ ފޮޓޯ

އިއްޔެ ހުޅުވި ކޮންޓޭނަރު ޕާކް. -- ފޮޓޯ: އެޗްޑީސީ
އިއްޔެ ހުޅުވި ކޮންޓޭނަރު ޕާކް. -- ފޮޓޯ: އެޗްޑީސީ

އިއްޔެ ހުޅުވި ކޮންޓޭނަރު ޕާކް. -- ފޮޓޯ: އެޗްޑީސީ

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox