ސޮނީ ފިޝިންގެ އައު ފިހާރަ 50 ފަސެންޓާ ހަމައަށް ޑިސްކައުންޓް ލިބޭ ހާއްސަ ޕްރޮމޯޝަނަކާ އެކު މިއަދު ހުޅުވައިފި އެވެ.
މި ޕްރޮމޯޝަން ކުރިއަށްދާނީ މިއަދުން ފެށިގެން ސެޕްޓެމްބަރު 13، ގެ ނިޔަލަށެވެ. ސޮނީ ފިޝިންގެ މި ފިހާރަ ހުންނަނީ ބޮޑުތަކުރުފާނު މަގު ލޯކަލް މާރުކޭޓާ އިންވެގެން ހުންނަ ސޮނީ ހޯލްސޭލް ފިހާރައިގެ ފުރަތަމަ ފަންގިފިލާގަ އެވެ.
މަސްވެރިކަމަށް ލޯބިކުރާ މީހުންނަށް ހާއްސަ މި ފިހާރައިން މަސްވެރިކަމުގައި ބޭނުންކުރާ ތަފާތު އަދި އެކި ވައްތަރުގެ އާލާތްތައް ލިބެން ހުންނާނެ ކަމުގައި ސޮނީއިން ބުނެ އެވެ. އޭގެ ތެރޭގައި މަޝްހޫރު އެޓޯލް، ޝިމާނޯ، މުސްޓަޑް، ރަޕާލާ، ވިލިއަމްސަން ލޫރެސް، މެއިހޯ ޓެކްލް ބޮކްސް، ޔަމަގާ ބްލެންކްސް، އަދި ރިޕްލް ފިޝާ ބްރޭންޑުގެ އުފެއްދުންތައް ހިމެނެ އެވެ.
ދޮށި، ބުޅި، ކަންވާރު، ރީލް، ވަދު އަދި މަސްބާނަން ދާއިރު ލާން އެންމެ ކަމުދާ އަންނައުނު ވެސް މި ފިހާރައިން ލިބެން ހުރެ އެވެ.
ސޮނީ ފިޝިންގެ އައު ފިހާރަ -- ފޮޓޯ: ސޮނީ
ސޮނީ އިން ބުނީ ސްޕޯޓްސް ފިޝިންއިން ފެށިގެން އާމްދަނީ ހޯދުމުގެ ގޮތުގައި މަސްވެރިކަން ކުރާ މީހުންނާއި ގުޅޭ، ފެންވަރު ރަނގަޅު ވަސީލަތްތައް މި ފިހާރައިން ލިބޭނެ ކަމަށެވެ. އަދި މި ދާއިރާއަށް ދުނިޔޭގެ މަޝްހޫރުކަން ހޯދާފައިވާ ޒަމާނީ އާލާތްތައް ތައާރަފުކުރުމަކީ އެ ކުންފުނީގެ އަމާޒު ކަމަށެވެ.
