ޔާމީން ވިދާޅުވީ 'އަނިޔާ ދިނުމުގައި' ނަޝީދު ބައިވެރިވާ ކަމަށް: ޖަމީލު

ރައީސް ޔާމީންގެ އިސް ވަކީލު ޑރ. މުހައްމަދު ޖަމީލު އަހުމަދު ޕީޕީއެމްގެ ރެލީގައި: ޖަމީލު ވިދާޅުވީ ޑިމޮކްރެޓުން ޖަހާ ސަކަރާތުގައި ބައިވެރިނުވާން ޔާމީން އިލްތިމާސްކުރައްވާ ކަމަށް -- ފޮޓޯ/ޕީޕީއެމް

ރައީސް ޔާމީންގެ އިސް ވަކީލު ޑރ. މުހައްމަދު ޖަމީލު އަހުމަދު ޕީޕީއެމްގެ ރެލީގައި: ޖަމީލު ވިދާޅުވީ ޑިމޮކްރެޓުން ޖަހާ ސަކަރާތުގައި ބައިވެރިނުވާން ޔާމީން އިލްތިމާސްކުރައްވާ ކަމަށް -- ފޮޓޯ/ޕީޕީއެމް

ޖަލު ހުކުމުގައި ބަހައްޓައިގެން 'އަނިޔާ ދިނުމުގައި' ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވެސް ބައިވެރިވާ ކަމަށް ކުރީގެ ރައީސް އަބްދުﷲ ޔާމީން ވިދާޅުވި ކަމަށް އެމަނިކުފާނުގެ އިސް ވަކީލު ޑރ. މުހައްމަދު ޖަމީލު އަހުމަދު މިއަދު ވިދާޅުވެއްޖެ އެވެ.

ވަކީލުން މެދުވެރިކުރައްވާ ޔާމީން މިހެން ވިދާޅުވީ، އެމަނިކުފާނު މިނިވަންކުރަން ގޮވާލައި ޑިމޮކްރެޓުންގެ ކެމްޕެއިން ޖަލްސާތަކުގައި ނަޝީދު އަޑުއުފުއްލަވަމުން ގެންދަވާ ދަނޑިވަޅެއްގަ އެވެ. އެގޮތުން މިދިޔަ ހަފުތާގައި ނަޝީދު ވަނީ ޔާމީން މިނިވަން ކުރަން ޕީޕީއެމް/ޕީއެންސީ ކޯލިޝަންގެ ލީޑާޝިޕުން ބޭނުންނުވާ ކަމަށް ތުހުމަތު ކުރައްވަމުން ޕީޕީއެމުން އެ ޕާޓީއާ ކޯލިޝަން ހަދަން ދައުވަތު ދެއްވާފަ އެވެ.

މިގޮތަށް ކޯލިޝަން ހަދަން އެއްބަސްވާތާ ހަފުތާއެއްގެ ތެރޭގައި "މާލެ މަގުމަތީގައި އަޅުގަނޑު އަބަދު ހުރެގެން ވެސް" ޔާމީން މިނިވަންކޮށްދޭން ކަމުގެ ޔަގީންކަން ޕީޕީއެމްގެ ސަޕޯޓަރުންނަށް އެ ދުވަހު ނަޝީދު އެރުވި އެވެ.

Advertisement

ނަޝީދުގެ ވާހަކަތަކާ ގުޅުވާ، ޔާމީން ޖަލު ބަންދުގައި ހުންނަވާތާ 1000 ދުވަސް ފާހަގަކުރަން ޕީޕީއެމް ޒުވާނުން ބޭއްވި ރެލީގައި ޖަމީލު ވިދާޅުވީ، "އަނިޔާ ދިނުމުގައި" އިސްކޮށް ހުރީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ކަމުގައިވީ ނަމަވެސް އެއާ އެއްވަރަށް ނަޝީދު ވެސް އެކަމުގައި ބައިވެރިވާ ކަމަށް ޔާމީން ގަބޫލުކުރައްވާ ކަމަށެވެ.

"ރައީސް ޔާމީން ގަބޫލުފުޅު ކުރައްވަނީ އެމަނިކުފާނަށް މި އަނިޔާ ދިނުމުގައި އިސްކޮށް ހުންނެވީ ރައީސް އިބްރާހިމް ކަމުގައިވާއިރު، ހަމަ އެއްވަރަކަށް ޖޭއެސްސީގެ ތެރެއިން ރައީސް ނަޝީދު މި އަނިޔާ ދިނުމުގައި ބައިވެރިވާ ކަމަށް" ޖަމީލު ވިދާޅުވި އެވެ.

ޔާމީންގެ އަނިޔާ ދިނުމުގެ ލިސްޓުގައި ފާހަގަކުރި އަނެއް ބޭފުޅަކީ ހޯމް މިނިސްޓަރު އިމްރާން އަބްދުﷲ އެވެ.

ޖަމީލް މެދުވެރިކޮށް ހިއްސާކުރެއްވި މެސެޖުގައި ޔާމީން ވަނީ، ޑިމޮކްރެޓުން "ޖަހާ ސަކަރާތުގައި" ބައިވެރިނުވުމަށް ޔާމީން ޕީޕީއެމްގެ ސަޕޯޓަރުންނަށް އިލްތިމާސް ކުރައްވާފަ އެވެ.

ޔާމީން ޖަލަށް ލާފައި ވ. އާރަށް ކުއްޔަށް ދޫކުރުމުގެ މުއާމަލާތުގައި ރިޝްވަތު ހިފާފައިވާ ކަމާއި އެ ފައިސާ ލޯންޑަކުރިކަމުގެ ކުށް ސާބިތުވާ ކަމަށް ކްރިމިނަލް ކޯޓުން ހުކުމް ކުރުމުންނެވެ. އެ ކުށުގެ އަދަބެއްގެ ގޮތުގައި 11 އަހަރަށް ޖަލަށް ލުމާއެކު 5 މިލިއަން ޑޮލަރުން ޖޫރިމަނާކުރި އެވެ.

އެެ މައްސަލައިގައި ހުކުމް އޮތުމުން ސުޕްރީމް ކޯޓުން ވަނީ ޔާމީންގެ ކެންޑިޑެސީ ޝަރުތު ހަމަނުވާ ކަމަށް މިދިޔަ ހަފުތާގައި ހުކުމްކޮށްފަ އެވެ. އެއާ އެކީ އަންނަ ރިޔާސީ އިންތިހާބުގައި ވާދަކުރުމުގެ ފުރުސަތު ޔާމީނަށް ވަނީ ގެއްލިފަ އެވެ.

ކެންޑިޑެސީ ބަލައިނުގަންނަަން ކުރި ހުކުމާ ގުޅިގެން ފުރަތަމަ އިންތިހާބު ބޮއިކޮޓް ކުރަން ބާރުއެޅުއްވި ނަމަވެސް، ފަހުން ހިޔާލު ބަދަލުކުރައްވައި ޕީއެންސީގެ ޓިކެޓުގައި ވާދަކުރައްވާ މާލެ ސިޓީގެ މޭޔަރު ޑރ. މުހައްމަދު މުއިއްޒަށް ތާއީދުކުރައްވަން ޔާމީން ވަނީ ނިންމަވާފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox