ޓެރަރިޒަމަށް ފައިނޭންސް ކުރާތީ ވީބީ އައްޔައާއެކު 30 ކުންފުންޏަކާ ދެކޮޅަށް އެމެރިކާއިން ދަތިކުރުމުގެ ފިޔަވަޅު!

Jul 31, 2023, 7:45 PM
މާލޭގައި ފުލުހުންނާއި ސިފައިން ހިންގި އޮޕަރޭޝަނެއް ފޮޓޯއެއް

މާލޭގައި ފުލުހުންނާއި ސިފައިން ހިންގި އޮޕަރޭޝަނެއް ފޮޓޯއެއް

ޓެރަރިޒަމަށް ފައިނޭންސް ކުރާތީ ވާލީ ބްރަދާސް، އެރިޔަދޫ އިންވެސްޓްމެންޓްސް ހިމެނޭ ގޮތަށް އަލީ ޝިޔާމް (ވީބީ އައްޔަ) ގެ ވިޔަފާރިތަކާ ދެކޮޅަށް އެމެރިކާއިން ދަތިކުރުމުގެ ފިޔަވަޅު އަޅައިފި އެވެ.

ނޫސްވެރިޔާ އަހްމަދު ރިލްވާން އަބްދުالله ގެއްލުވާލައި، މަރާލި މައްސަލައިގައި ވެސް ހިމެނޭ އަލީ ޝިޔާމަކީ ޓެރަރިޒަމަށް ފައިނޭންސް ކުރާ މީހެއް ކަމަށް ކަނޑައެޅީ ޔޫއެސް ޑިޕާޓްމަންޓް އޮފް ޓްރެޝަރީޒް އޮފީސް އެންޑ ފޮރެއިން އެސެޓްސް (އޯފެކް) އިންނެވެ.

ޝިޔާމުގެ ޖުމްލަ ހަތް ކުންފުންޏަކާ ދެކޮޅަށް އެމެރިކާއިން ވަނީ ދަތިކުރުމުގެ ފިޔަވަޅުތައް އަޅައިފަ އެވެ. އޭގެ ތެރޭގައި އޭނާގެ އާއިލީ ކުންފުނިތައް ވެސް ހިމެނެ އެވެ. އޭގެ ތެރޭގައި ރާއްޖެއަށް މަޝްހޫރު ބޮޑެތި ވިޔަފާރިތައް ވެސް ހިމެނެ އެވެ. ފިޔަވަޅު އެޅީ:

  • ވާލީ ބްރަދާސް ޕްރައިވެޓް ލިމިޓެޑް
  • ގޯލްޑަން ވޯރިއާސް އިންވެސްޓްމެންޓް ޕްރައިވެޓް ލިމިޓެޑް
  • ޝައިން އެކްސް އިންވެސްޓްމެންޓްސް ޕްރައިވެޓް ލިމިޓެޑް
  • އެރިޔަދޫ އިންވެސްޓްމެންޓްސް ޕްރައިވެޓް ލިމިޓެޑް
  • ޖަޒީރާ ޕްރޮޕެޓީސް ޕްރައިވެޓް ލިމިޓެޑް
  • ވިޝަން މޯލްޑިވްސް ޕްރައިވެޓް ލިމިޓެޑް

ޝީޔާމަކީ ދިވެހި ޓެރަރިސްޓެއް ކަމަށް ސަރުކާރުން ބުނާ އަހުމަދު އަގްލީލް (ކިޑޫ) އާ ގުޅުން އޮންނަ މީހެއް ކަމަށް ވެސް އެމެރިކާއިން ބުނެ އެވެ. އަގްލީލުގެ ތިން ކުންފުންޏަކަށް ވެސް އެމެރިކާއިން ވަނީ ފިޔަވަޅު އަޅައިފަ އެވެ. އެއީ ފުރަހަ ކޮންސްޓްރަކްޝަން ޕްރައިވެޓް ލިމިޓެޑާއި ޑިޒައިނާ ގަރާޖް އާއި ސަދަން ސްޓޭލިއަންސް ޕްރައިވެޓް ލިމިޓެޑެވެ.

އެމެރިކާއިން ވަނީ ޖުމްލަ ދިވެހި 30 ކުންފުންޏަކާ ދެކޮޅަށް ފިޔަވަޅު އަޅައިފަ އެވެ. އޭގެ ތެރޭގައި ކުޑަހެންވެއިރު ގޭންގުގެ ތިން ބެއިން ހިންގާ ހަތް ފަސް ވިޔަފާރިއެއް ހިމެނެ އެވެ. އެއީ ސްޓްރީޓްސް އިންވެސްޓްމެންޓް ޕްރައިވެޓް ލިމިޓެޑާއި ސްޓްރީޓް މޮޓޯ ސާވިސް އާއި ވައިޓް ބީޗް ވޯޓާސްޕޯޓްސް ޕްރައިވެޓް ލިމިޓެޑާއި ބައުމް ޕްރައިވެޓް ލިމިޓެޑް އާއި މާކޯ އިންޓަނޭޝަނަލް ޕްރައިވެޓް ލިމިޓެޑެވެ.

titledesc

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox