ޑިމޮކްްރެޓުންނާއި ޕީޕީއެމް އެކުގައި ސަރުކާރާ ދެކޮޅަށް އަޑުއުފުލަން މުޒާހަރާގައި

މިރޭ ކުރިއަށްގެންދިޔަ އިހުތިޖާޖުގެ ތެރެއިން. މިއީ ދެ ޕާޓީން އެކުގައި މުޒާހަރާ ކުރި ފުރަތަމަ ފަހަރު ----

މިރޭ ކުރިއަށްގެންދިޔަ އިހުތިޖާޖުގެ ތެރެއިން. މިއީ ދެ ޕާޓީން އެކުގައި މުޒާހަރާ ކުރި ފުރަތަމަ ފަހަރު ----

އިދިކޮޅު ޕީޕީއެމް/ޕީއެންސީ ކޯލިޝަނާ އެކު ވެރިކަންްކުރާ އެމްޑީޕީގެ ތެރޭގައި އުފެދުނު ހަމަނުޖެހުންތަކަށް ފަހު އެޕާޓީގެ ކުރީ ސަފުގައި އުޅުއްވި ބޭފުޅުންްތަކެއް އިސްވެ އުފައްދާ "ދަ ޑިމޮކްރެޓްސް" ގެ މެމްބަރުން ސަރުކާރާ ދެކޮޅަށް މިރޭ އަޑުއުފުލަން ފަށައިފި އެވެ.

މީގެ ކުރިން އިދިކޮޅު ކޯލިޝަނުގެ އެއްވުންތަކުގައި އެމްޑީޕީގެ ރައީސް މުހައްމަދު ނަޝީދުގެ ފެކްޝަނަށް ނިސްބަތްވި މެމްބަރުން ބައިވެރިވެފައި ނުވެ އެވެ. އެހެން ނަމަވެސް, އެމްޑީޕީގެ ތެރޭގައި އުފެދުނު ހިޔާލު ތަފާތުވުންތަކަށް ފަހު ޕާޓީ ބައިބައިވެ ސަރުކާރުން ވަކިވި ފަހުން "ފިކުރެއްގެ ދިރުން" އިން ގެންދަނީ އިދިކޮޅާ އެކު މަސައްކަތް ކުރަމުންނެވެ.

މިއީ, ފުރަތަމަ ފަހަރަށް މުޒާހަރާއެއްގައި އިދިކޮޅާ އެކު ޑިމޮކްރެޓުން ބައިވެރިވި ފުރަތަމަ ފަހަރެވެ. ކުރީގެ އެމްޑީޕީގެ ހަރުގެ އަދި މިހާރު ޑިމޮކްރެޓުން ބޭނުންކުރާ ހަރުގެ ކުރިމަތީގައި މިރޭ ދެ ޕާޓީގެ ސަޕޯޓަރުން ވެސް ސަރުކާރާ ދެކޮޅަށް އަޑުއުފުލާފައިވެ އެވެ.

Advertisement

އެގޮތުން, ޕީޕީއެމްގެ ލީޑާޝިޕާއި ޑިމޮކްރެޓްސްގެ ލީޑާޝިޕް ވަނީ ސަލާންކޮށް އެއް ބަޔަކު އަނެއް ބަޔަކަށް މަރުހަބާ ކިޔާފަ އެވެ. ދެ ޕާޓީގެ މަޖިލިސް މެމްބަރުން މަޖިލީހުގައި ވެސް މިހާރު ހަރަކާތްތެރިވަމުން ދަނީ އެއްކޮށެވެ. އެ ސަރަހައްދުން މީހުން ފޮނުވާލުމަށް ފުލުހުން ވެސް ހަރަކާތްތެރިވި އެވެ.

މިރޭގެ މުޒާހަރާގެ ތެރެއިން ބައެއް މީހުން ހައްޔަރުކުރި މަންޒަރު ފެނުނު ނަމަވެސް މިހާތަނަށް ހައްޔަރުކުރި މީހުންގެ އަދަދު ފުލުހުން ހާމަކޮށްފައި ނުވާތީ ކަށަވަރު ކުރެވިފައި ނުވެ އެވެ.

ޑިމޮކްރެޓުން އުފެއްދުމަށް އިސްކޮށް ހަރަކާތްތެރިވާ ބޭފުޅުންނާއި އެ ޕާޓީގެ މެމްބަރުން އިހުތިޖާޖު ކުރަމުންދަނީ ޕާޓީ އުފެއްދުމަށް ބާއްވާ ޖަލްސާއަށް ހުއްދަ ނުދީގެންނެވެ.

ސިޔާސީ ޕާޓީ އުފެއްދުމަށް ބޭނުންވާ އަދަދަށް ފޯމު ހަމަކޮށް އީސީއަށް ހުށަހެޅި ނަމަވެސް އީސީގެ ބައްދަލުވުމުގައި ޑިމޮކްރެޓުންނަށް ހުއްދަ ދޭން ފާސްވެފައި ނުވެ އެވެ. ހަތަރު މެމްބަރުން ބައިވެރިވި ބައްދަލުވުމުގައި ކޮންމެ ކޮޅަކަށް ދެ ވޯޓު ލިބި ވަނީ އެއްވަރުވެފަ އެވެ.

ޑިމޮކްރެޓުން ތުހުމަތުކުރާ ގޮތުގައި ސަރުކާރުން ދަނީ އެ ޕާޓީ އުފެއްދުން ހުއްޓުވުމަށް މަސައްކަތް ކުރަމުންނެވެ. އޭގެ ތެރެއިން އީސީއަށް ނުފޫޒު ފޯރުވައި ރެޖިސްޓްރޭޝަން މުއްދަތު ދަންމާލައި އިންތިހާބަށް ކެންޑިޑޭޓަކު ނެރުމުގެ ފުރުސަތު ނަގާލުމަށް މަސައްކަތް ކުރާ ކަމަށް ޑިމޮކްރެޓުން ތުހުމަތު ކުރެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox