އަހުނާ ހުއްޓުވޭ ވަރެއް ނުވި! ނާހިލްގެ ވިދުން ފަނޑުކޮށްލީ ނަޖުދާން!

May 17, 2023, 3:16 AM
އިންޓަ ސްކޫލް އެތުލެޓިކްސް މުބާރާތުގެ 20 އަހަރުން ދަށުގެ ފިރިހެން ކުދިންގެ ފައިނަލު ހީޓުގެ ތެރެއިން - ފޮޓޯ: މުހައްމަދު ޝާބިން/އަދަދު

އިންޓަ ސްކޫލް އެތުލެޓިކްސް މުބާރާތުގެ 20 އަހަރުން ދަށުގެ ފިރިހެން ކުދިންގެ ފައިނަލު ހީޓުގެ ތެރެއިން - ފޮޓޯ: މުހައްމަދު ޝާބިން/އަދަދު

މިހާރު ކުރިއަށްދާ އިންޓަ ސްކޫލް އެތުލެޓިކްސް މުބާރާތުގެ އެންމެ ފޯރިގަދަ އެއް އިވެންޓް ކަމަށްވާ 100 މީޓަރު ދުވުމުގައި ގދ. އަތޮޅު ތައުލީމީ މަރުކަޒުގެ އިބްރާހިމް ނާހިލް ނިޒާރު ފަހަތަށް ޖައްސާލައި، ސީއެޗްއެސްއީގެ އަހުމަދު ނަޖުދާން އަބްދުﷲ ޗެމްޕިއަންކަން ހޯދައިފި އެވެ.

އެކި އުމުރުފުރާތަކުގެ 100 މީޓަރު ދުވުމުގެ ހީޓުތަކުގެ ތެރެއިން އެންމެ ފޯރިގަދަކޮށް ފެނުނު 20 އަހަރުން ދަށުގެ ފިރިހެން ކުދިންގެ 100 މީޓަރު ދުވުމުން ނަޖުދާން އެއް ވަނަ ހޯދީ މީޓް ރެކޯޑަކާ ވެސް އެކުގަ އެވެ. އެ ގޮތުން އޭނާ ވަނީ 2002 ވަނަ އަހަރު ހަދާފައި އޮތް ސްކޫލް މުބާރާތުގެ ރެކޯޑު 11.19 ސިކުންތުން ދުވެެގެން މުގުރާލައިފަ އެވެ. އެ ގޮތުން، 2002 ވަނަ އަހަރު މި ރެކޯޑު ދެ ދުވުންތެރިއަކު ހެދި އެވެ. އެއީ މަދަރުސަތުލް އަމީރު އަހުމަދުގެ މުހައްމަދު ނައުޝާދު އާއި ގަލޮޅު މަދަރުސާގެ އަބްދުﷲ ސުހެއިލް އެވެ. ދެ ދުވުންތެރިންގެ ވެސް ޓައިމިން އަކީ 11.30 ސިކުންތެވެ.

ވިހި އަހަރުން ދަށުގެ 100 މީޓަރު ދުވުމުން ނާހިލް ދެ ވަނަ ހޯދީ 11.34 ސިކުންތިން ނިންމައިގެންނެވެ. ތިން ވަނަ ހޯދީ 11.74 ސިކުންތުން ރޭސް ނިންމި ގައުމީ ޔުނިވާސިޓީގެ ހުސައިން ހުސާން ހާލިދު އެވެ.

އެ ގޮތުން، 20 އަހަރުން ދަށުގެ 100 މީޓަރު ދުވުމުގެ އަންހެން ބައިގެ ސްކޫލު ރެކޯޑު އާކޮށް ދާންދޫ ސްކޫލްގެ އާމިނަތު ލަޔާނާ މުހައްމަދު ވަނީ އެއް ވަނަ ހޯދާފަ އެވެ. މިދިޔަ އަހަރުގެ ސްކޫލް މުބާރާތުގައި 12.99 ސިކުންތުން ދުވެގެން ލަޔާނާ ހެދި ރެކޯޑު އޭނާ މި އަހަރު މުގުރާލީ 12.85 ސިކުންތުން ދުވެގެންނެވެ. ލަޔާނާގެ ފަހަތުން މި ހީޓުން ދެ ވަނަ ހޯދީ އައްޑޫ ހައި ސްކޫލްގެ އައިޝަތު ޝައިމް އަޒީޒު އެވެ. ތިން ވަނަ ހޯދީ ވިލާ ކޮލެޖުގެ އާމިނަތު ނުހާ ޒިޔާދު އެވެ.

ސަތާރަ އަހަރުން ދަށުގެ 100 މީޓަރު ދުވުމުގެ އަންހެން ބައިގެ ފައިނަލް ހީޓު އަހުނާ ނިޒާރު ކާމިޔާބުކުރީ އިންޓަ ސްކޫލް މުބާރާތުގެ ރެކޯޑު ޓައިމިންއެއް ކަމަށްވާ 12.72 ސިކުންތުންނެވެ. އަހުނާ 12.80 އިން ދުވެ 2010 ވަނަ އަހަރު އަމީނިއްޔާ ސްކޫލްގެ އަފާ އިސްމާއިލް ހަދާފައިވާ ރެކޯޑު އަހުނާ ފުރަތަމަ މުގުރާލީ މި އަހަރުގެ މުބާރާތުގެ 100 މީޓަރު ދުވުމުގެ ޕްރިލިމިނަރީ ހީޓުގަ އެވެ. އެ ފަހަރު އޭނާ ރެކޯޑު މުގުރާލީ 12.73 ސިކުންތުންނެވެ.

އިންޓަ ސްކޫލް އެތުލެޓިކްސް މުބާރާތުގެ 17 އަހަރުން ދަށުގެ އަންހެން ކުދިންގެ 100 މީޓަރު ދުވުމުގެ ފައިނަލް ހީޓުގައި ދުވެ އަހުނާ ރެކޯޑު ހަދަނީ - ފޮޓޯ: މުހައްމަދު ޝާބިން
އިންޓަ ސްކޫލް އެތުލެޓިކްސް މުބާރާތުގެ 17 އަހަރުން ދަށުގެ އަންހެން ކުދިންގެ 100 މީޓަރު ދުވުމުގެ ފައިނަލް ހީޓުގައި ދުވެ އަހުނާ ރެކޯޑު ހަދަނީ - ފޮޓޯ: މުހައްމަދު ޝާބިން

އިންޓަ ސްކޫލް އެތުލެޓިކްސް މުބާރާތުގެ 17 އަހަރުން ދަށުގެ އަންހެން ކުދިންގެ 100 މީޓަރު ދުވުމުގެ ފައިނަލް ހީޓުގައި ދުވެ އަހުނާ ރެކޯޑު ހަދަނީ - ފޮޓޯ: މުހައްމަދު ޝާބިން

އަހުނާގެ ފަހަތުން 100 މީޓަރު ދުވުމުން ދެ ވަނަ ހޯދީ ޝަރަފުއްދީން ސްކޫލްގެ މަރިޔަމް އުލްޔާ ނަސީމް އެވެ. ތިން ވަނަ ހޯދީ އަފީފުއްދީން ސްކޫލްގެ އައިޝަތު ހަނާން ހުސައިން އެވެ.

ސަތާރަ އަހަރުން ދަށުގެ 100 މީޓަރު ދުވުމުގެ ފިރިހެން ބައިގެ އެއް ވަނަ ހޯދީ ގިޔާސުއްދީން އިންޓަނޭޝަނަލް ސްކޫލްގެ އިސްއާގު ޔުއާބު ހަސަން އެވެ. ދެ ވަނަ އިސްކަންދަރު ސްކޫލްގެ ޔޫސުފް އަޔާން އާމިރު ހޯދިއިރު، ތިން ވަނަ ހޯދީ އިސްކަންދަރު ސްކޫލްގެ އަހުމަދު ކައިން ގަޔާޝް އެވެ.

ފަނަރަ އަހަރުން ދަށުގެ 100 މީޓަރު ދުވުމުގެ އަންހެން ބައިގެ އެއް ވަނަ ހޯދީ ފިންލެންޑް އިންޓަނޭޝަނަލް ސްކޫލްގެ ރައިން މުހައްމަދު އެވެ. ދެ ވަނަ އިސްކަންދަރު ސްކޫލްގެ މަރިޔަމް މައިހާ އާދަމް ހޯދިއިރު، ތިން ވަނަ ހޯދީ ބްރައިޓްވޭ އިންޓަނޭޝަނަލް ސްކޫލްގެ ނީމް އަހުމަދު ސަލީމް އެވެ.

މި އުމުރުފުރާގެ ފިރިހެން ކުދިންގެ ބައިގެ އެއް ވަނަ ހޯދީ އިސްކަންދަރު ސްކޫލްގެ މުހައްމަދު އިލާން އިމްރާން އެވެ. ދެ ވަނަ ޖަމާލުއްދީން ސްކޫލްގެ ކައިލް އަހުމަދު ޝިނާޒު ހޯދިއިރު، ތިން ވަނަ ހޯދީ ކަލާފާނު ސްކޫލްގެ ޔަސީން މުހައްމަދު ޔާމީން އެވެ.

މުބާރާތުގައި އިއްޔެ ކުރިއަށްދިޔަ އެކި އިވެންޓްތަކަށް ބަލާއިރު އިއްޔެ އެކަނި ވަނީ 10 މީޓް ރެކޯޑެއް ހަދައިފަ އެވެ. އެ ގޮތުން 2012 ވަނަ އަހަރު 41.78 މީޓަރަށް ޖެވްލިން އުކައިގެން ދ. އަތޮޅު މަދަރުސާގެ އިސްމާއިލް ޒާހިރު ހަދާފައިވާ ރެކޯޑު އިއްޔެ އަހުމަދިއްޔާ އިންޓަނޭޝަނަލް ސްކޫލްގެ މާހިލް މުހައްމަދު ލުތުފީ ވަނީ މުގުރާލައިފަ އެވެ. މާހިލް ރެކޯޑު ހެދީ 42.50 މީޓަރަށް ޖެވްލިން އެއްލައިގެންނެވެ.

އިންޓަ ސްކޫލް އެތުލެޓިކްސް މުބާރާތުގެ  20 އަހަރުން ދަށުގެ ފިރިހެން ކުދިންގެ ޖެވްލިން އުކުމުގެ ރެކޯޑު މާހިލް ހަދަނީ - ފޮޓޯ: މުހައްމަދު ޝާބިން
އިންޓަ ސްކޫލް އެތުލެޓިކްސް މުބާރާތުގެ 20 އަހަރުން ދަށުގެ ފިރިހެން ކުދިންގެ ޖެވްލިން އުކުމުގެ ރެކޯޑު މާހިލް ހަދަނީ - ފޮޓޯ: މުހައްމަދު ޝާބިން

އިންޓަ ސްކޫލް އެތުލެޓިކްސް މުބާރާތުގެ 20 އަހަރުން ދަށުގެ ފިރިހެން ކުދިންގެ ޖެވްލިން އުކުމުގެ ރެކޯޑު މާހިލް ހަދަނީ - ފޮޓޯ: މުހައްމަދު ޝާބިން

އިއްޔެ ހެނދުނު ހެދި މީޓް ރެކޯޑުތަކަށް ބަލާއިރު، 17 އަހަރުން ދަށުގެ އަންހެން ކުދިންގެ ހައިޖަމްޕްގެ ރެކޯޑު ބިލަބޮން ހައި އިންޓަނޭޝަނަލް ސްކޫލްގެ މަންޔާ މެހެތާ ވަނީ މުގުރާލައިފަ އެވެ. އެއީ، 1.36 މީޓަރަށް ފުންމައިގެންނެވެ. މި އިވެންޓުގެ ރެކޯޑު ކުރިން އޮތީ މިދިޔަ އަހަރު މީޓަރު އުހަށް ފުންމައިގެން ޖަލާލުއްދީން ސްކޫލްގެ އާމިނަތު ސާޖިޔާގެ އަތުގަ އެވެ.

ފަނަރަ އަހަރުން ދަށުގެ އަންހެން ކުދިންގެ ޝޮޓްޕުޓް ރެކޯޑު ރެހެންދި ސްކޫލްގެ އާމިނަތު އީޝަލް މުސާ ހެދިއިރު، އެ އުމުރުފުރާގެ އަންހެން ޑިސްކަސް އުކުމުގެ ސްކޫލް ރެކޯޑު ހެދީ އަމީނިއްޔާ ސްކޫލްގެ ފާތިމަތު ފާރިހާ ފަޔާޒު އެވެ.

ތޭރަ އަހަރުން ދަށަށް ބަލާއިރު ފިރިހެން ކުދިންގެ ލޯންގް ޖަމްޕް ރެކޯޑު 2.16 މީޓަރަށް ފުންމައިގެން މިލަންދޫ ސްކޫލްގެ އާދަމް ޒާން ޔަޒްމީން ހެދިއިރު، އަންހެން ކުދިންގެ ލޯންގް ޖަމްޕް ރެކޯޑު ހެދީ 2.15 މީޓަރަށް ފުންމި ހިތަދޫ ސްކޫލްގެ ފާތިމަތު ގާނީ ބިންތި އަސްނާން އެވެ.

މުބާރާތުގައި މިއަދު ވެސް ގިނަ އިވެންޓްތަކެއްގެ ފައިނަލް ހީޓުތައް ކުރިއަށްދާނެ އެވެ. އިންޓަ ސްކޫލް އެތުލެޓިކްސް މުބާރާތުގެ ނިމުމުގެ ރަސްމިއްޔާތު އޮންނާނީ އަންނަ ހުކުރު ދުވަހުގެ ހަވީރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox