ޒުވާން އަންހެން ދެ ޓީމުން ހޭންޑްބޯޅައިގެ ފުރަތަމަ ބައިނަލްއަގްވާމީ މެޑަލް ހޯދައިފި

May 16, 2023, 4:07 PM
ގައުމީ އަންހެން 17 އަހަރުން ދަށުގެ ޓީމާއި 19 އަހަރުން ދަށުގެ ޓީމްގެ ކުޅުންތެރިންނާއި އޮފިޝަލުން މެޑަލް ހޯދުމަށްފަހު ފޮޓޯއަކަށް ހުއްޓިގެން

ގައުމީ އަންހެން 17 އަހަރުން ދަށުގެ ޓީމާއި 19 އަހަރުން ދަށުގެ ޓީމްގެ ކުޅުންތެރިންނާއި އޮފިޝަލުން މެޑަލް ހޯދުމަށްފަހު ފޮޓޯއަކަށް ހުއްޓިގެން

އައިއެޗްއެފް ޓްރޮފީގެ ދެކުނު/ސެންޓްރަލް އޭޝިއާ ޒޯނުގައި ވާދަކޮށް ރާއްޖޭގެ އަންހެން 17 އަހަރުން ދަށުގެ ޓީމާއި 19 އަހަރުން ދަށުގެ ޓީމުން ބްރޮންޒް (ލޯ) މެޑަލް ހޯދައި ތާރީހީ ކާމިޔާބެއް ހޯދައިފި އެވެ.

ބަންގްލަދޭޝްގެ ޑާކާގައި ކުރިއަށްދިޔަ މުބާރާތުގެ ތިން ވަނަ ހޮވި މެޗުގައި ޒުވާން ދެ ޓީމު ވެސް ކުޅެފައިވަނީ ނޭޕާލާ ދެކޮޅަށެވެ. މި މެޗަށް ނުކުތުމުގެ ކުރިން ލީގު ބުރުގައި ވެސް ރާއްޖެ އިން ވަނީ ނޭޕާލް ބަލިކޮށްފަ އެވެ.

މިއަދު 17 އަހަރުން ދަށުގެ ޔޫތު ޓީމުން ނޭޕާލް ބަލިކުރީ 41-10 ގެ ބޮޑު ތަފާތަކުންނެވެ. މެޗު ފަށައިގެން އިތުބާރާ އެކު ގިނަ ގޯލުތަކެއް ޖަހައި ރާއްޖެ އިން މި މެޗު ކާމިޔާބުކުރިއިރު، ރާއްޖޭގެ އެންމެ ގިނަ ގޯލު ޖަހައިދިނީ 15 ގޯލު ޖެހި އައިޝަތު އީޝަލް އަލީ އެވެ. ފާތިމަތު އަޝާ ރަޝިދު މި މެޗުގައި ނުވަ ގޯލު ޖެހިއިރު، އައިޝަތު ޔަފް އާ އަހުމަދު އާއި ފާތިމަތު އަމާނީ ވަނީ ކޮންމެ ކުޅުންތެރިއަކު ހަތަރު ގޯލު ޖަހާފަ އެވެ. ތީބާ އަބްދުﷲ ތިން ގޯލު ޖެހިއިރު، ފާތިމަތު ލީމް ރިޝާދު އާއި އައިޝަތު ޒިއާނާ ރިޔާޒު މި މެޗުގައި ދެ ގޯލު ޖެހި އެވެ. މީގެ އިތުރުން އައިޝަތު އައިނީ ހެސެއިން އާއި މީފާ ބިންތި މަޖީދު ވެސް މި މެޗުގައި ގޯލެއް ޖެހި އެވެ.

ނަވާރަ އަހަރުން ދަށުގެ ބައިގައި ރާއްޖޭގެ އަންހެން ޖޫނިއާ ޓީމުން ވަނީ 22-5 އިން ނޭޕާލް ބަލިކޮށް ބްރޮންޒް (ލޯ) މެޑަލް ހޯދައިފަ އެވެ. މި މެޗުގައި ރާއްޖޭގެ ޓީމަށް އެންމެ ގިނަ ގޯލު ޖަަހައިދިނީ ފާތިމަތު ތުހުފާ އާއި ފާތިމަތު ޝާޔާ މުހައްމަދު އެވެ. ކޮންމެ ކުޅުންތެރިއަކު ފަސް ގޯލު ޖެހި އެވެ. ކެޕްޓަން އީނާ އަހުމަދު ހަތަރު ގޯލު ޖެހިއިރު، އައިޝަތު އިބާ އަހުމަދު އާއި ފާތިމަތު ލީމް ކޮންމެ ކުޅުންތެރިއަކު ދެ ގޯލު ޖެހި އެވެ. މަރިޔަމް ޔާނާ ނާސިހު، އައިޝަތު އީޝާ، މަނާލް އިސްމާއިލް ރަޝީދު އަދި ޒުހާ ރަޝީދު ވެސް މި މެޗުގައި ގޯލެއް ޖެހި އެވެ.

މި މުބާރާތަކީ ރާއްޖޭގެ ޒުވާން އަންހެން ޓީމުން ބައިނަލްއަގުވާމީ މައިދާނުގައި ވާދަކުރި ފުރަތަމަ މުބާރާތެވެ. އެހެންކަމުން، މި މުބާރާތުން ރާއްޖެ އަށް ލިބުނު މެޑައްޔަކީ ހޭންޑްބޯޅައިގެ ޒުވާން ޖީލުގެ ކުރިމަގަށް ލިބުނު ބޮޑު ކާމިޔާބެކެވެ.

މިދިޔަ މާޗު މަހު ނިމުނު އިންޓަ ސްކޫލް މުބާރާތަށް ފަހު ގައުމީ ޖޫނިއާ އަންހެން ދެ ޓީމުން ފަރިތަކުރުންތައް ފެށީ އައިއެޗްއެފް މުބާރާތުގައި ރަނގަޅު ކާމިޔާބެއް ހޯދުމަށެވެ. މި މުބާރާތަށް ފުރުމުގެ ކުރިންވެސް ދެ ޓީމުގެ ކޯޗުން ވަނީ ރާއްޖޭގެ ޖޫނިއާ ޓީމުތަކަކީ ސަރަހައްދީ ލެވެލްގައި މެޑަލް ހޯދޭ ފެންވަރު ހުރި ޓީމުތަކެއްކަން ފާހަގަކޮށްފަ އެވެ.

މި ފަހަރު އައިއެޗްއެފް ޓްރޮފީގައި ވާދަކުރި 17 އަހަރުން ދަށުގެ ޓީމުގެ ކޯޗަކީ ހަސަން ފަހީމް އެވެ. އެސިސްޓަންޓް ކޯޗަކަށް އަހުމަދު ޒާއިން މުހައްމަދު ހުރިއިރު، މެޑިކަލް އޮފިޝަލަކަށް ފާތިމަތު ސައުޝަން ހަމަޖައްސާފައިވާއިރު، ހެޑް އޮފް ޑެލިގޭޓަކީ ނަޝްފާ އާމިރާ އެވެ. އަދި 19 އަހަރުން ދަށުގެ ޓީމުގެ ކޯޗަކަށް އިސްމާއިލް ޒައިދު ހުރިއިރު، އެސިސްޓަންޓް ކޯޗަކީ މުހައްމަދު ހަސަން އެެވެ. ހެޑް އޮފް ޑެލިގޭޓް އަކީ ހުސެއިން އަޒްހަމް އެވެ. އަދި މެޑިކަލް އޮފިސަރަކީ އައިޝަތު ސުދާ އެވެ.

ހޭންޑްބޯލް މޯލްޑިވްސްގެ އަމާޒަކީ ބިދޭސީ ކޯޗުގެ އިރުޝާދާ އެކު ޒުވާން ކުޅުންތެރިންގެ ތަމްރީންތައް ހުއްޓާނުލައި، ކުރިއަށްގެންގޮސް ސީނިއާ ޓީމްތަކަށް ރަނގަޅު ކުޅުންތެރިން ތައްޔާރުކުރުމެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox