އައިއެޗްއެފް ޓްރޮފީ: ފުރަތަމަ މެޗުގައި ރާއްޖެ ނުކުންނާނީ ބަންގްލަދޭޝްއާ ދެކޮޅަށް

May 13, 2023, 8:05 AM
އައިއެޗްއެފް ޓްރޮފީ: ފުރަތަމަ މެޗުގައި ރާއްޖެ ނުކުންނާނީ ބަންގްލަދޭޝްއާ ދެކޮޅަށް

ބަންގްލަދޭޝްގެ ޑާކާގައި މިއަދު ފެށުމަށް ހަމަޖެހިފައިވާ އައިއެޗްއެފް ޓްރޮފީގެ ފުރަތަމަ މެޗުގައި ދިވެހިރާއްޖޭގެ ޒުވާން ދެ ޓީމްވެސް ބަންގްލަދޭޝްއާ ދެކޮޅަށް ނުކުންނަން ޖެހިއްޖެ އެވެ.

މިއަދުން ފެށިގެން މި މަހުގެ 17 ވަނަ ދުވަހާ ހަމައަށް ކުރިއަށް ގެންދިޔުމަށް ހަމަޖެހިފައިވާ އައިއެޗްއެފް ޓްރޮފީގެ އޭޝިއާ ބައްރުގެ ޒޯން ދޭއްގައި ރާއްޖޭގެ 17 އަހަރުން ދަށުގެ އަންހެން ޔޫތު ޓީމާއި، 19 އަހަރުން ދަށުގެ ފިރިހެން ޖޫނިއާ ޓީމް ވާދަކުރާނެ އެވެ.

ކުރިން ހަމަޖެހިފައި އޮތީ މުބާރާތުގައި އަށް ގައުމު ވާދަކުރާ ގޮތަށެވެ. ނަމަވެސް ފަހު ވަގުތު އަފްގާނިސްތާން، ސްރީ ލަންކާ، ބޫޓާން އަދި ޔަމަނުން މުބާރާތުގައި ނުކުޅެން ނިންމުމުން ހަތަރު ގައުމު ވާދަކުރާ ގޮތަށް ހަމެޖެހުނީ އެވެ. މިހާރު އޮތް ގޮތުން ރާއްޖެ، ނޭޕާލް، އިންޑިއާ އަދި ބަންގްލަދޭޝް ވާދަކުރާ މި މުބާރާތް ކުރިއަށްދާނީ ލީގު އުސޫލުން ކުޅެ ކުރި ހޯދާ ދެ ޓީމު ފައިނަލް ކުޅޭ ގޮތަށެވެ. އަދި ތިން ވަނަ އާއި ހަތަރު ވަނަ އަށްދާ ދެ ޓީމުން ތިން ވަނަ ހޮވާ މެޗުގައި ވާދަކުރާނެ އެވެ.

މިއަދު މެންދުރު މުބާރާތް ފަށާނީ ނޭޕާލްއާ އިންޑިއާ ވާދަކުރާ މެޗުންނެވެ. މިއަދު ހަވީރު ރާއްޖެ ނިކުންނާނީ ބަންގްލަދޭޝްއާ ދެކޮޅަށެވެ. މާދަމާ ރާއްޖެ އިން އިންޑިއާ އާ ދެކޮޅަށް ކުޅޭއިރު ލީގު ބުރުގެ ފަހު މެޗުގައި ރާއްޖެ ނުކުންނާނީ ނޭޕާލްއާ ދެކޮޅަށެވެ. ތިން ވަނަ ހޮވާ މެޗު ކުޅޭނީ އަންނަ އަންގާރަ ދުވަހު އެވެ. އަދި ފައިނަލް މެޗު އޮންނާނީ ބުދަ ދުވަހު އެވެ.

އައިއެޗްއެފް ޓްރޮފީގައި ވާދަކުރުމަށް ގައުމީ ޖޫނިއާ އަދި ޔޫތު އަންހެން ޓީމުން ޕްރެކްޓިސްތައް ފެށި މިދިޔަ މާޗު މަހުގަ އެވެ. ފެބްރުއަރީ މަހު ކުރިއަށްގެންދިޔަ އިންޓަ ސްކޫލް ހޭންޑްބޯޅަ މުބާރާތުން ފާހަގަކޮށްލެވުނު ކުޅުންތެރިންނާއިއެކު ސްކޮޑެއް އެކުލަވާލައި މުބާރާތުގައި ވާދަކުރާ ޓީމް ފައިނަލްކުރީ މިދިޔަ މަހުގެ ފަހުކޮޅުގަ އެވެ.

އައިއެޗްްއެފް ޓްރޮފީގައި ވާދަކުރާ 17 އަހަރުން ދަށުގެ ޓީމުގެ ކޯޗަކީ ހަސަން ފަހީމް (ފަހިންޓޭ) އެވެ. އެސިސްޓަންޓް ކޯޗަކަށް އަހުމަދު ޒާއިން މުހައްމަދު ހުރިއިރު، މެޑިކަލް އޮފިޝަލަކަށް ފާތިމަތު ސައުޝަން ހަމަޖައްސާފައިވާއިރު، ހެޑް އޮފް ޑެލިގޭޓަކީ ނަޝްފާ އާމިރާ (ނައްފަ) އެވެ. އަދި 19 އަހަރުން ދަށުގެ ޓީމުގެ ކޯޗަކަށް އިސްމާއިލް ޒައިދު ހުރިއިރު، އެސިސްޓަންޓް ކޯޗަކީ މުހައްމަދު ހަސަން އެެވެ. ހެޑް އޮފް ޑެލިގޭޓް އަކީ ހުސެއިން އަޒްހަމް އެވެ. އަދި މެޑިކަލް އޮފިސަރަކީ އައިޝަތު ސުދާ އެވެ.

އައިއެޗްއެފް ޓްރޮފީގައި ބައިވެރިވާ ރާއްޖޭގެ 17 އަހަރާއި 19 އަހަރުން ދަށުގެ ޓީމު ބަންގްލަދޭޝް އަށް ފުރާފައިވަނީ އިއްޔެ ހެނދުނު އެވެ.

ސަރަހައްދީ މެޑަލް އަށް ޓާގެޓްކޮށްގެން ދުރުރާސްތާ ޕްލޭނަކާއިއެކު ހޭންޑްބޯލް މޯލްޑިވްސް އިން މަސައްކަތްކުރަމުން އަންނައިރު އެ އެސޯސިއޭޝަނުން މިހާރު މަސައްކަތްކުރަމުން އަންނަނީ އައިއެޗްއެފް ޓްރޮފީ އަށްފަހު ވެސް ގައުމީ ހޭންޑްބޯޅަ ޓީމުތަކުގެ ޕޫލް އިތުރަށް ފުޅާކޮށް އަންހެން އަދި ފިރިހެން ޖޫނިއާ ޓީމުތަކުގެ ޓްރެއިނިންތައް ހުއްޓާ ނުލާ ކުރިއަށް ގެންދިޔުމެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox