ޕީޕީއެމްއިން އިމްރާންގެ މައްޗަށް ކުރާ ބޮޑެތި ތުހުމަތުތައް ދޮގުކޮށްފި

ކަރެކްޝަންސް ސާވިސްގެ އަހަރީ ދުވަހުގެ ޖަލްސާގައި ހޯމް މިނިސްޓަރު އިމްރާން ބައިވެރިވެވަޑައިގަންނަވަނީ. -ފޮޓޯ: މުހައްމަދު ޝާބިން/އަދަދު

ކަރެކްޝަންސް ސާވިސްގެ އަހަރީ ދުވަހުގެ ޖަލްސާގައި ހޯމް މިނިސްޓަރު އިމްރާން ބައިވެރިވެވަޑައިގަންނަވަނީ. -ފޮޓޯ: މުހައްމަދު ޝާބިން/އަދަދު

މިވަގުތު ޖަލުގައި ހުކުމް ތަންފީޒުކުރަމުން ގެންދަވާ އިދިކޮޮޅު ލީޑަރު އަދި ކުރީގެ ރައީސް އަބްދުﷲ ޔާމީނަށް އެކި ގޮތްގޮތުން އަނިޔާދެމުންދާކަމަށް ބުނެ ހޯމް މިނިސްޓަރު އިމްރާން އަަބްދުﷲގެ މައްޗަށް ރޭ އިދިކޮޅުން ކުރި ތުހުމަތުތައް ދޮގުކޮށްފި އެވެ.

އިދިކޮޅު ޕީޕީއެމް/ޕީއެންސީ ކޯލިޝަނުން ރޭ ބޭއްވި ނޫސްވެރިންގެ ބައްދަލުވުމެއްގައި ވަނީ އިމްރާން އިސްވެ ހުންނަވައިގެން އެކި ގޮތްގޮތުން ޔާމީނަށް "ދުއްތުރާ ކުރުމަށް" މަސައްކަތް ކުރާކަމަށް ތުހުމަތުކޮށްފަ އެވެ.

އެގޮތުން ޔާމީން ހުންނަވާ ޖަލު އެޕާޓުމެންޓާއި އަދި ފާހާނާގައި ކެމެރާ ހަރުކޮށްގެން އެމަނިކުފާނުގެ ހުރިހާ "މޫވްމަންޓެއް" އިމްރާން ގޭގައި ހުންނަވައިގެން ބައްލަވަމުން ގެންދަވާކަމަށް ތުހުމަތު ކުރި އެވެ. އަދި ޔާމީނަށް ލިބެމުންދާ ހުރިހާ އަނިޔާއެއްގެ ފަހަތުގައި ހުންނެވީ ވެސް އިމްރާނު ކަމަށް ބުންޏެވެ.

"[އަޅުގަނޑުމެންނަށް އެކި ގޮތްގޮތުން މައުލޫމާތު ލިބެނީ] ފާހާނާއަށް ދަންދެން ކެމެރާ އަޅަައިގެން، ގޭގައި އިނދެގެން ރައީސް ޔާމީނުގެ ހުރިހާ ހަރަކާތެއް ބެލޭގޮތަށް ހުރިހާ މޫވްމަންޓްސްއެއް ބެލޭގޮތަށް އިމްރާނު ރާވާފައި ހުރި ކަމަށް،" ރޭގެ ނޫސްވެރިންގެ ބަައްދަލުވުމުގައި ވާހަކަ ދައްކަވަމުން ޕީއެންސީގެ ރައީސް އަބްދުއްރަހީމް އަބްދުﷲ ވިދާޅުވި އެވެ.

އެ ތުހުމަތުތަކަށް ރައްދު ދެއްވައި އިމްރާން ކުރެއްވި ޓްވީޓެއްގައި ވިދާޅުވީ، ޔާމީނުގެ އިންސާނީ ހައްގުތަކާއި ކަރާމާތަށް އުނިކަން ލިބޭނެ އެއްވެސް ކަމެއް ކުރުމަކީ އޭނާގެ ޒަމީރު ތަންދޭ ކަމެއް ނޫން ކަމަށެވެ.

މިހާތަނަށް އެންމެ ގިނަ ހިދުމަތް ދެވުނު ގައިދީއަކީ ޔާމީން ކަމަށާއި، މިކަމަށް ކަރެކްޝަނުގެ އޮފިސަރުން ހެކިވާނެ ކަމަށް އިމްރާން ވަނީ ވިދާޅުވެފަ އެވެ.

ޔާމީން ހުންނަވާ ޖަލު އެޕާޓުމެންޓާއި ފާހާނާގައި ކެމެރާއެއް ހުރޭތޯ ސުވާލުކުރުމުން ކަރެކްޝަނުގެ މީޑިއާ އޮފިސަރު އާމިނަތު ޔުސްރީން އަހުމަދު "އަދަދު"އަށް ވިދާޅުވީ ޔާމީނު ހުންނަވާ ޖަލު އެޕާޓުމެންޓުވެސް އެހެން ގައިދީން ތިބޭ ގޮޅިތަކެކޭ އެއްފަދައިން މޮނިޓާ ކުރެވެމުން ދާނެ ކަމަށެވެ.

"ޖަލުގެ އެއްވެސް ތަނެއްގެ ފާހާނާއެއްގައެއް އަަޅުގަނޑުމެން ކެމެރާއެއް ހަރުކޮށްފައެއް ނުހުންނާނެ. އެކަަމަކު އެހެން ތަންތަނުުގަ މޮނިޓަރިންނަށް ދެން ހުންނާނެ ދެއްތޯ ކެމެރާ ހަރުކުރެވިފައި،" ޔުސްރީން ވިދާޅުވި އެވެ.

ރޭ ނޫސްވެރިންގެ ބައްދަލުވުން ބާއްވާފައި ވަނީ މަސައްކަތްތެރިންގެ ދުވަހާ ގުޅުވައިގެން މީސް މީޑިއާގައި އިމްރާން ހިއްސާ ކުރެއްވި މެސެޖަކަށް ރައްދުދިނުމަށެވެ. އެ ބައްދަލުވުމުގައި ވަނީ ރައީސް މުހައްމަދު ނަޝީދުއާ ދެކޮޅަށް އެތަކެއް ވާހަކަތަކެއް ދެއްކެވެމަށް ފަހު މިހާރު އިމްރާނުގެ ރާގު ބަދަލުވެފައިވާތީ އެތަކެއް ފާޑުކިއުންތަކެއް އަމާޒުކޮށްފަ އެވެ.

"ދީނާ ގައުމަށްޓަކައި އޭނާ ދެއްކެވި ވާހަކަ ތިޔަ ބޭފުޅުންނަށް އަޑު އިވޭނެ، ފަހާފޮށްޓެއްގެ ތިނޯސް ތެޅޭހެން ޕޯޑިއަމް ކައިރީގައި ހުރެގެން ތެޅިފައި، ކެނެރީގޭ މުހައްމަދު ނަޝީދާ ގުޅޭގޮތުން ދެއްކެވި ވާހަކަ ވެސް އަޑުއިވޭނެ، ކޮބައިތޯ މިއަދު؟" އަބްދުއްރަހީމް ވިދާޅުވި އެވެ.

އިމްރާނާ ގުޅުވައި ސީރިއަސް ތުހުމަތުތަކެއް އަބްދުއްރަހީމް ކުރައްވާފައި ވާއިރު، ޕީޕީއެމްގެ ޓިކެޓު ޔާމީން ފިޔަވައި އެއްވެސް މީހަކަށް ނުދޭނެ ކަމުގެ ޔަގީންކަން އެޕާޓީގެ ލީޑަޝިޕުން މިރޭ ވަނީ ދީފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox