ޕީޕީއެމްގެ ސީރިއަސް ތުހުމަތުތަކެއް ހޯމް މިނިސްޓަރު އިމްރާނަށް

ޕީޕީއެމްގެ ސީރިއަސް ތުހުމަތުތަކެއް ހޯމް މިނިސްޓަރު އިމްރާނަށް

ހޯމް މިނިސްޓަރު އިމްރާން އަބްދުﷲ އިސްވެ މިވަގުތު ޖަލުގައި ހުކުމް ތަންފީޒުކުރަމުން ގެންދަވާ އިދިކޮޅު ލީޑަރު އަދި ކުރީގެ ރައީސް ޔާމީނަށް ތަފާތު އެކި އަނިޔާތައް ދެމުންދާކަމަށް ބުނެ ޕީޕީއެމް/ޕީއެންސީ ކޯލިޝަނުން ސީރިއަސް ތުހުމަތުތަކެއް އަމާޒުކޮށްފި އެވެ.

ޕީޕީއެމްގެ އޮފީހުގައި މިރޭ ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުން ޕީއެންސީގެ ރައީސް، އަބްދުއްރަހީމް އަބްދުﷲ ވިދާޅުވީ މިނިސްޓަރު އިމްރާނަކީ އެކި ފަހަރު އެކި ގޮތްގޮތަށް ވާހަކަދައްކަވާ ބޭފުޅެއް ކަމަށާއި އެއީ ރާއްޖޭގެ ތާރީހު ދުށް އެންމެ އަނިޔާވެރި ހޯމް މިނިސްޓަރު ކަމަށެވެ.

މަސައްކަތްތެރިންގެ ދުވަހާ ގުޅުވައިގެން މީސް މީޑިއާގައި އިމްރާން ހިއްސާ ކުރެއްވި މެސެޖަކަށް ރައްދުދިނުމަށް ކުރިއަށް ގެންދިޔަ ނޫސްވެރިންގެ އެ ބައްދަލުވުމުގައި އަބްދުއްރަހީމް ވަނީ މީގެ އަށް އަހަރު ކުރިން، މޭޑޭގެ މުޒާހަރާގައި ޑރ. އަފްރާޝީމް އަލީގެ މަރާ ގުޅުވައި ޔާމީނަށް އިމްރާން ސީރިއަސް ތުހުމަތުތަކެއް ކުރެއްވި މައްސަލަ ޕީޕީއެމްގެ ސަރުކާރެއްގައި އެންމެ ފުރަތަމަ މައްސަލައެއްގެ ގޮތުގައި ބަލައި ފިޔަވަޅު އަޅާނެ ވިދާޅުވެފަ އެވެ.

Advertisement

ދެހާސްފަނަރަ ވަނަ އަހަރުގެ މޭޑޭ މުޒާހަރާގައި މިނިސްޓަރު އިމްރާން ވަނީ ޑރ. އަފްރާޝީމާއި ރިލްވާންގެ މަރުގެ މައްސަލައިގެ ހަގީގަތް އޭރުގެ ރައީސް ޔާމީނަށާއި ނައިބު ރައީސް އަހުމަދު އަދީބުއަށް އެނގޭނެ ކަމަށް ވިދާޅުވެފަ އެވެ. އަދި އެ ދެމީހުންގެ މަރުގެ މައްސަލައާ ގުޅުންހުރި ކަމަށް ބުނާ ބައެއް ލިޔުންތައް ވެސް އެދުވަހު އިމްރާން ދައްކަވާފައިވެ އެވެ.

އެހެންނަމަވެސް މިނިސްޓަރު ކަމަށް ވަޑައިގެންނެވުމަށްފަހު، މަޖިލީހަށް ހާޒިރުވެވަޑައިގަތް ދުވަހެއްގައި ނައިފަރު ދާއިރާގެ މެންބަރު ޝިޔާމް ކުރެއްވި ސުވާލެއްގެ ޖަވާބުގައި މިނިސްޓަރު ވިދާޅުވީ އެދުވަހު ދެއްކި ލިޔުންތައް އެދުވަހު ފުލުހުން އަތުލި ކަމަށެވެ.

މިރޭގެ ނޫސްވެރިންގެ ބައްދަލުވުމުގައި އިދިކޮޅު ކޯލިޝަނުން ވަނީ ޖަލު ބަލަހައްޓާ މީހުން މެދުވެރިކޮށްގެން ޔާމީނަށް އެކި ގޮތްގޮތުން "ދުއްތުރާ ކުރުމަށް" އިމްރާން މަސައްކަތް ކުރައްވަމުން ގެންދަވާ ކަމަށް ވެސް ތުހުމަތުކޮށްފަ އެވެ.

އެގޮތުން ރައީސް ޔާމީން ހުންނެވި ތަނުގައި ކެމެރާ ހަރުކޮށްގެން އެމަނިކުފާނުގެ ހުރިހާ "މޫވްމަންޓެއް" އެޕެއް މެދުވެރިކޮށް އިމްރާން ފޯނުން ބައްލަވާ ކަމަށް އަބްދުއްރަހީމް ތުހުމަތު ކުރެއްވި އެވެ.

"[އަޅުގަނޑުމެންނަށް އެކި ގޮތްގޮތުން މައުލޫމާތު ލިބެނީ] ފާހާނާއަށް ދަންދެން ކެމެރާ އަޅަައިގެން، ގޭގައި އިނދެގެން ރައީސް ޔާމީނުގެ ހުރިހާ ހަރަކާތެއް ބެލޭގޮތަށް ހުރިހާ މޫވްމަންޓްސްއެއް ބެލޭގޮތަށް އިމްރާނު ރާވާފައި ހުރި ކަމަށް،" ޔާމީނަށް ނުހައްގުން އަނިޔާ ކުރުމުގައި ސަރުކާރުގެ ބައެއް މުއްސަސާތަކުން ވެސް ބައިވެރިވާ ކަމަށް ތުހުމަތު ކުރައްވައި އަބްދުއްރަހީމް ވިދާޅުވި އެވެ.

ރައީސް ޔާމީނު ޖަލުގައި ބެހެއްޓުމަކީ ނުހައްގުން ދެމުން ގެންދާ އަނިޔާއެއްކަމަށް ބުނާ ވާހަކަ ތަކުރާރު ކުރައްވައި އަބަދުއްރަހީމް ވިދާޅުވީ އެ ހުރިހާ އަނިޔާއެއްގެ ފަހަތުގައި ހުރީ ވެސް އިމްރާން ކަން މިއަދު އެ ކުރެއްވި ޓުވީޓުން ވެސް އެނގިގެން ހިނގައްޖެ ކަމަށެވެ.

"އަޅުގަނޑުމެން ވަރަށް ކަންބޮޑުވޭ ރައީސް ޔާމީނާ މިހައި ޒާތީވެފައި ހުރި މީހެއްގެ ބެލުމުގެ ދަށުގައި ހުންނަ ޖަލެއްގައި ރައީސް ޔާމީން ބަންދުގައި އޮންނަން ޖެހިފައި އޮތީމަ،" އަބްދުއްރަހީމް ވިދާޅުވި އެވެ.

އޭނާ ވިދާޅުވީ 23 ޑިސެމްބަރުގައި ބޭއްވި އެއްވުމުގައި އޭރުގެ ރައީސް ނަޝީދާ ގުޅޭގޮތުން ވެސް އިމްރާން ދެއްކެވި ވާހަކަތައް ރައްޔިތުން ހަނދާން ހުންނާނެ ކަމަށާއި މިއަދު އެ މަންޒަރު ނުފެންނަ ކަމަށެވެ.

"ދީނާ ގައުމަށްޓަކައި އޭނާ ދެއްކެވި ވާހަކަ ތިޔަ ބޭފުޅުންނަށް އަޑު އިވޭނެ، ފަހާފޮށްޓެއްގެ ތިނޯސް ތެޅޭހެން ޕޯޑިއަމް ކައިރީގައި ހުރެގެން ތެޅިފައި، ކެނެރީގޭ މުހައްމަދު ނަޝީދާ ގުޅޭގޮތުން ދެއްކެވި ވާހަކަ ވެސް އަޑުއިވޭނެ، ކޮބައިތޯ މިއަދު؟" އަބްދުއްރަހީމް ވިދާޅުވި އެވެ.

އޭނާ ވިދާޅުވީ އިމްރާން އަބްދުއްﷲ ގެ ތުނބުޅި ވެސް މަޑުމަޑުން ކުރުވަމުން ކުރުވަމުން އައިސް މިހާރު ދެ އިނގިލިން ހިފައި ނުލެވޭހައި ބޮޑަށް ކުރުވައިފައިވާ ކަމަށާއި މީހަކު "ދެން މުނާފިގު ވާނީ މިހާކަށް ވަރަށް،" ކަމަށެވެ.

އިމްރާނާ ގުޅުވައި ސީރިއަސް ތުހުމަތުތަކެއް އަބްދުއްރަހީމް ކުރައްވާފައި ވާއިރު، ޕީޕީއެމްގެ ޓިކެޓު ޔާމީން ފިޔަވައި އެއްވެސް މީހަކަށް ނުދޭނެ ކަމުގެ ޔަގީންކަން އެޕާޓީގެ ލީޑަޝިޕުން މިރޭ ވަނީ ދީފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox