މޯލްޑިވިއަން އިން ޓިކެޓް ނެގުމުން 10-5 ޕަސެންޓާ ދެމެދުގެ ޑިސްކައުންޓެއް ދޭން ނިންމައިފި އެވެ.
ޑިސްކައުންޓް ޓިކެޓް ނެގޭނީ ވެބްސައިޓް އަދި އެޕްލިކޭޝަން މެދުވެރިކޮށް ޓިކެޓް ނަގާ މީހުންނަށް ކަމަށް މޯލްޑިވިއަން އިން ބުނެ އެވެ.
މޯލްޑިވިއަން އިން ކޮންމެ ފްލައިޓަކުން ފަސް ޕަސެންޓާއި 10 ޕަސެންޓާ ދެމެދުގެ ސީޓުން ޑިސްކައުންޓް ދޭނެ އެވެ. މޯލްޑިވިއަން އިން ބުނީ މި ހަފްތާ ތެރޭގައި މިގޮތަށް ޓިކެޓް ނެގޭނެ ކަމަށާއި އަދި އެ އަގުތަކުގައި ދަތުރު ކުރަން ފެށޭނީ މެއި މަހުން ފެށިގެން ކަމަށް މޯލްޑިވިއަން އިން ބުނެ އެވެ.
މީގެ ކުރިން މޯލްޑިވިއަން އިން އެންމެ އަވަހަށް ޓިކެޓް ނެގެނީ ތިން މަސް ކުރިންނެވެ.
ކުރިއާލާ ޓިކެޓް ނަގާ މީހުންނަށް އާންމުކޮށް ވެސް އެއާލައިންތަކުން ޑިސްކައުންޓް ލިބޭ ކަމަށް މޯލްޑިވިއަން އިން ބުނެއެވެ. އަދި, އެއާލައިންގެ ޑޮމެސްޓިކް ދަތުރުތަކުން ޑިސްކައުންޓް ދޭން ފެށީ، ކުރިއާލައި ޓިކެޓް ނެގުމަށް ކަސްޓަމަރުންނަށް ހިތްވަރު ދިނުމުގެ ގޮތުން ކަމަށް ވެސް މޯލްޑިވިއަން އިން ބުނެއެެވެ.
ޑިސްކައުންޓް ދިނުމުގައި އޮފް ޕީކް ގަޑިތަކުގަ އާއި ޑިމާންޑް ދަށް މަންޒިލްތަކަށް ޑިސްކައުންޓް ފުރުސަތު ބޮޑުވާނެ ކަމަށް އެ އެއާލައިނުން ބުންޏެވެ.
