ޓެކްސް އެޕީލް ޓްރައިބިއުނަލް ވަރަށް ބަރުހެލި، މަސައްކަތުގެ ދުވެލި ލަސް: އޮޑިޓު

ޓެކްސް އެޕީލް ޓްރައިބިއުނަލުގެ މައްސަލަތައް ބަލާ މާލަން: މީރާގެ ޓެކްސް ނިންމުންތަކުގެ އިސްތިއުނާފު ބަލަނީ މި ޓްރައިބިއުނަލުން --- ފޮޓޯ: ޓެކްސް އެޕީލް ޓްރައިބިއުނަލް

ޓެކްސް އެޕީލް ޓްރައިބިއުނަލުގެ މައްސަލަތައް ބަލާ މާލަން: މީރާގެ ޓެކްސް ނިންމުންތަކުގެ އިސްތިއުނާފު ބަލަނީ މި ޓްރައިބިއުނަލުން --- ފޮޓޯ: ޓެކްސް އެޕީލް ޓްރައިބިއުނަލް

މީރާގެ ނިންމުންތައް އިސްތިއުނާފު ކުރާ ޓެކްސް އެޕީލް ޓްރައިބިއުނަލުގެ މަސައްކަތުގެ ދުވެލި ވަރަށް ލަސް ކަމާއި، ހުށަހެޅޭ މައްސަލަތައް ނުނިމި ފުނިޖެހެމުންދާ ކަން އޮޑިޓް ރިޕޯޓުން ހާމަވެއްޖެ އެވެ.

ޓެކްސް އެޕީލް ޓްރައިބިއުނަލްގެ 2025 ވަނަ އަހަރުގެ ކޮމްޕްލަޔަންސް އޮޑިޓުން ދައްކާ ގޮތުގައި، ކުރީ އަހަރުތަކުން ފެށިގެން މައްސަލަތައް ނުނިމި ދިގުލައިގެން ދިއުމުގެ ސަބަބުން އަހަރު ނިމުނުއިރު ބޮޑު ބެކްލޮގެއް ވަނީ އުފެދިފަ އެވެ.

އޮޑިޓް އޮފީހުން ނެރުނު ރިޕޯޓުގައިވާ ހިސާބުތަކަށް ބަލާއިރު، މިދިޔަ އަހަރު އަލަށް ހުށަހެޅުނު 28 މައްސަލައިގެ ތެރެއިން ރަޖިސްޓްރީކުރީ 25 މައްސަލައެކެވެ. ނަމަވެސް، އެ އަހަރުގެ ތެރޭގައި އެ ޓްރައިބިއުނަލަށް މައުލޫއީ ގޮތުން ބަލައި ނިންމުނީ އެންމެ 16 މައްސަލަ ކަމަށް ވުމުން، އަހަރު ނިމުނުއިރު ނުނިމި 57 މައްސަލަ އޮތެވެ.

މި ހިސާބުތަކުން ދައްކާ ގޮތުގައި ކުރީގެ މައްސަލަތަކާއެކު އެ އަހަރު ބަލަން ޖެހުނު 73 މައްސަލައިގެ ތެރެއިން ނިންމުނީ އެންމެ 21.9 ޕަސެންޓު މައްސަލަ އެވެ. މިހެންކަމުން މުޅި އަހަރަށް ބަލާއިރު ޓްރައިބިއުނަލަށް ނިންމިފައި ވަނީ މަހަކު ގާތްގަނޑަކަށް މައްސަލައެކެވެ.

ޓެކްސް މައްސަލަތައް އިސްތިއުނާފު ކުރަން ބަހައްޓަން ޖެހޭ އަދަދު 50 ޕަސެންޓަށް ބޮޑުކުރަނީ

މީރާއިން ކަނޑައަޅާ ޓެކުހުގެ އަދަދު އިސްތިއުނާފު ކުރުމަށްޓަކައި ބަހައްޓަންޖެހޭ ޑިޕޮސިޓް 25 ޕަސެންޓުން 50 ޕަސެންޓަށް ބޮޑުކުރުމަށް ޓެކްސް ނެގުމާ ބެހޭ އިދާރީ ގާނޫނަށް އިސްލާހު ހުށަހަޅައިފި. މި ބިލުގައިވާ ގޮތުން ޓެކްސްއަށް މަކަރު ހެދުން ފަދަ ހާއްސަ ހާލަތްތަކުގައި، މައްސަލަ އިސްތިއުނާފު ކުރެވޭނީ ޓެކުހުގެ 100 ޕަސެންޓު ދެއްކުމަށް ފަހުގަ.

މި ޓްރައިބިއުނަލުގައި ފަސް މެންބަރުން ތިބޭއިރު، މިދިޔަ އަހަރު ނިމުނުއިރު އެ މުއައްސަސާގެ އިދާރީ މަސައްކަތްތަކަށް 23 މުވައްޒަފުން ތިއްބެވެ. އަދި، ޓްރައިބިއުނަލް ހިންގުމަށް 12.4 މިލިއަން ރުފިޔާ ހަރަދުކުރި އެވެ. މީގެ ތެރެއިން 6.6 މިލިއަން ރުފިޔާ ހަރަދު ކުރީ މުވައްޒަފުންގެ މުސާރަ އާއި އިނާޔަތްތަކަށެވެ.

ޓެކްސް އެޕީލް ޓްރައިބިއުނަލަކީ ޓެކްސް ނެގުމާ ބެހޭ އިދާރީ ގާނޫނުގެ ދަށުން، މީރާގެ ނިންމުންތަކާ މެދު ހިތްހަމަނުޖެހިގެން ޓެކްސްޕެޔަރުން ހުށަހަޅާ މައްސަލަތައް ނިންމާ ތަނެވެ. މި ޓްރައިބިއުނަލުގެ މަސައްކަތުގެ ދުވެލި ލަސްވުމުގެ ނޭދެވޭ އަސަރު ވިޔަފާރިތަކަށާއި އަދި ދައުލަތަށް ވެސް ކުރާނެ އެވެ.

އޮޑިޓުން މި ޓްރައިބިއުނަލުގެ ދުވެލި ލަސް ކަމަށް ދައްކާއިރު، ސަރުކާރުން ވަނީ ޓެކްސް ނެގުމާ ބެހޭ އިދާރީ ގާނޫނު ބަދަލުކޮށް، މި ޓްރައިބިއުނަލުގައި މައްސަލަ އިސްތިއުނާފުކުރުމުގެ ކުރިން ބަހައްޓަން ޖެހޭ ޑިޕޮސިޓު 50 ޕަސެންޓަށް މަތިކުރަން ނިންމާފަ އެވެ. ބައެއް ހާލަތްތަކުގައި މުޅި އަދަދު އެއްކޮށް ވެސް ދައްކަން ޖެހެ އެވެ. 

މިހާރު އެ ގާނޫނު އޮންނަ ގޮތުން މީރާގެ ނިންމުމެއް އިސްތިއުނާފުކުރާއިރު ޑިޕޮސިޓުގެ ގޮތުގައި ބަހައްޓަން ޖެހެނީ ޓެކްސްގެ ގޮތުގައި ދައްކަން ޖެހޭ ކަމަށް މީރާއިން ނިންމި އަދަދުގެ 25 ޕަސެންޓެވެ.

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox