ޖުމްހުރީ ޕާޓީގެ ލީޑަރު ގާސިމް އިބްރާހިމާ ބައްދަލުކުރެއްވީ އޭނާ އެކަމަށް އެދިވަޑައިގަތުމުން ކަމަށާއި ހުށަހެޅުއްވީ ރިޔާސީ އިންތިހާބުގައި މި ސަރުކާރާ ނުގުޅި ޖޭޕީއާއެކު ކޯލިޝަން ހެދުމަށް ކަމަށް އެމްއާރުއެމްގެ ރައީސް އަހުމަދު ފާރިސް މައުމޫން ވިދާޅުވެއްޖެ އެވެ.
ފާރިސް "އަދަދު" ނޫހަށް ވިދާޅުވީ އެމްއާރުއެމްއިން ގާސިމާ ބައްދަލުކުރީ ރިޔާސީ އިންތިހާބުގައި ޖޭޕީއާއެކު މަސައްކަތް ކުރުމުގެ ފުރުސަތެއް އޮތްތޯ ބެލުމަށް ކަމަށްވެސް ފާރިސް ވިދާޅުވި އެވެ.
"މިހާރު މި ހިނގަމުންދާ ކޯލިޝަނުގެ ތަޖުރިބާތަކާ ބެހޭގޮތުން ވެސް ވާހަކަ ދެކެވުނު [މިއަދުގެ ބައްދަލުވުމުގައި] ވަކި ގޮތަކަށް ނިންމިފައެއް ނުވޭ، އެބޭފުޅުންވެސް އެއްބަސްވެލެއްވި ގޮތަކަށް ނިންމޭނީ އިތުރަށް މަޝްވަރާކޮށްގެން ކަމަށް،" ފާރިސް ވިދާޅުވި އެވެ.
އެމްއާރުއެމްއިން ޖޭޕީއާއެކު އިތުރު މަޝްވަރާތައް ކުރާނެ ކަމަށް އޭނާ ވިދާޅުވި އެވެ. އެގޮތުން، ދެ ޕާޓީގެ ވިސްނުން ހުރި ގޮތް ބަލާ، ގައުމަށް ގެންނަންޖެހޭ އިސްލާހުތަކާ މެދު ތަފުސީލުކޮށް މަޝްވަރާކޮށްފައި އެ ދެ ޕާޓީއިން އެކުގައި މަސައްކަތް ކުރުމާ މެދު ގޮތެއް ނިންމާނެ ކަމަށް ފާރިސް ވިދާޅުވި އެވެ.
ރައީސް ސޯލިހާ ވާދަކޮށް އެމްޑީޕީގެ ރިޔާސީ ޕްރައިމަރީއިން ބަލިވެވަޑައިގެން ރައްޔިތުން މަޖިލީހުގެ ރައީސް މުހައްމަދު ނަޝީދު ވަނީ އެމްޑީޕީގެ ތެރޭގައި ވަކި ފެކްޝަނެއް އުފައްދާ އެ ފެކްޝަނުން ރައީސް ސޯލިހަށް ތާއީދު ނުކުރާނެ ކަމަށް ވިދާޅުވެފަ އެވެ. އަދި، ނަޝީދުވެސް ޖޭޕީއާ އެކު މަސައްކަތް ކުރުމަށް ދަނީ މަޝްވަރާކުރަމުންނެވެ.
ނަޝީދާއެކު ޖޭޕީއިން މަސައްކަތް ކުރަން ނިންމައިފި ހާލަތެއްގައި އެމްއާރުއެމްގެ ސްޓޭންޑަށް ބަދަލެއް އަންނާނެތޯ "އަދަދު" އިން ސުވާލު ކުރުމުން ފާރިސް ވިދާޅުވީ، ވަކި ސިޔާސީ ލީޑަރެއް ނުވަތަ ސިޔާސީ ޕާޓީއަކާއެކު މަސައްކަތް ނުކުރާނެ ކަމަށް ވިދާޅުވާން މި ދަނޑިވަޅުގައި ދަތި ކަމަށާއި އެ ޕާޓީއިން އަބަދުވެސް ބަލާނީ ގައުމަށް ހެޔޮއެދޭ ގޮތް ކަމަށެވެ.
މި ސަރުކާރުގެ ކޯލިޝަނުގައި މިހާރުވެސް އޮތް އެމްއާރުއެމް އިން ވަނީ އެމްޑީޕީގެ ރިޔާސީ ކެންޑިޑޭޓު، ރައީސް އިބްރާހިމް މުހައްމަދު ސޯލިހާއި އެމްޑީޕީގެ އިސްވެރިންނާ ބައްދަލުކޮށްފަ އެވެ.
ކުރިއަށް އޮތް ރިޔާސީ އިންތިހާބުގައިވެސް އެމްޑީޕީއާއެކު ކޯލިޝަން ހެދުމަށް އެދި ރައީސް ސޯލިހު، އެމްއާރުއެމްގެ ޒައީމް އަދި ކުރީގެ ރައީސް މައުމޫން އަބްދުލްގައްޔޫމަށް ސިޓީފުޅެއް ފޮނުއްވާފައި ވީ ނަމަވެސް އެކަމާ މެދު އެ ޕާޓީން ގޮތެއް ނިންމާފައި ނުވެ އެވެ.
މިހާރު ސަރުކާރުގެ ކޯލިޝަނުގައި އޮތް ޕާޓީތަކުގެ ތެރެއިން ރައީސް ސޯލިހާއެކު އަންނަ ރިޔާސީ އިންތިހާބަށް ކޯލިޝަން ހަދަން ނިންމާފައިވަނީ އަދާލަތު ޕާޓީއިން އެކަންޏެވެ. ދެން އެ ކޯލިޝަނުގައި އޮތް ޖޭޕީއިން ވަނީ ރައީސާއެކު ކޯލިޝަން ނުހަދާ އަންނަ އިންތިހާބުގައި ވަކިން ނުކުންނަން ނިންމާފަ އެވެ.
މުހިންމު ބައެއް ހަބަރު
މުދަލާއި ހިދުމަތުގެ އަގުން ނަގާ ޓެކްސް ބޮޑުކުރުމާ ގުޅިގެން ތަކެތީގެ އަގު އުފުލެމުންދާތީ ރައްޔިތުންގެ މަޖިލީހަށް ގަރާރެއް ހުށަހަޅައިފި އެވެ.
ފުލުހުންގެ ހިދުމަތަށް މީހުން ނެގުމުގެ ކުރިން ހަދަން ޖެހޭ ބެކްގްރައުންޑު ޗެކު އިހުތިޔާރީ ކަމަކަށް ހެދުމަށް ފުލުހުންގެ ގާނޫނަށް ސަރުކާރުން ހުށަހެޅި އިސްލާހާމެދު ފާޑުކިޔުން ބޮޑުވުމުން، މުޅި ބެކްގްރައުންޑު ޗެކުގެ ބަދަލުގައި ޕޮލިގްރާފް ހެދުން އިހުތިޔާރީކޮށް އެ އިސްލާހު ރައްޔިތުންގެ މަޖިލީހުން މިއަދު ފާސްކޮށްފި އެވެ.
ކުރިއަށް އޮތް ރޯދަ މަހަށް ތައްޔާރުވުމުގެ ގޮތުން އެކި ތަންތަން ސާފުކުރުމަށްފަހު މަގުމައްޗަށް ކުނި އަޅާތީ އެންވަރަމަންޓު ޕްރޮޓެކްޝަން އެޖެންސީ (އީޕީއޭ) އިން ކަންބޮޑުވުން ފާޅުކޮށްފި އެވެ.
އެންމެ މީހެއްގެ ނަމުގައި އެތަކެއް ހާސް ވަގު ސިމް ނަގާފައިވާއިރު، އެ ފަދަ ކަންކަން ހުއްޓުވޭނެ ގާނޫނެއް ނުވަތަ ގަވާއިދެއް ނެތުމުގެ ކަންބޮޑުވުން ސްޓޭޓް އޯންޑް އެންޓަޕްރައިޒަސް ކޮމިޓީން ފާޅުކޮށްފި އެވެ.
ހާފިޒަކަށް ވުމަށް ފަހު، ހާފިޒެއްގެ ގޮތުގައި ދެމިހުރުމަށްޓަކައި ކުރެވޭ މަސައްކަތްތައް ދަށް ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ސިޔާސަތުތައް ކަނޑައެޅުމާއި ކަންކަމުގައި ގޮތް ނިންމުމުގައި އަންހެނުންގެ ދައުރު ފުޅާކޮށް އިސްކުރަން ޖެހޭ ކަމަށް ރައީސް އިބްރާހިމް މުހައްމަދު ސޯލިހު މިރޭ ވިދާޅުވެއްޖެ އެވެ.
ރައީސް އިބްރާހިމް މުހައްމަދު ސޯލިހުގެ މޮޓޯކޭޑަށް ޕީޕީއެމްގެ މުޒާހަރާގެ ބައިވެރިން ހުރަސް އަޅައި ހުއްޓުވައިފި އެވެ.
ދުވަހުގެ ކޯޓޭޝަން
މި މަހުގެ އަށް ވަނަ ދުވަހު ފާހަގަކުރާ ބައިނަލްއަގްވާމީ އަންހެނުންގެ ދުވަހާ ގުޅިގެން ރޭ ބޭއްވި ރަސްމިއްޔާތުގައި، އަންހެނުންނަށް ފުރުސަތުތައް ފަހިކޮށްދޭ ވާހަކަ އާއި ވަޒީފާ ހޯދައިދޭ ވާހަކައިން ނިންމާލެވެން ނެތްކަން ފާހަގަ ކުރައްވައި ރައީސް އިބްރާހިމް މުހައްމަދު ސޯލިހު ވިދާޅުވީ،
ދެން މަސައްކަތް ކުރަންވީ ސިޔާސަތުތައް ކަނޑައެޅުމުގެ ފަންތިއަށް އަންހެނުން ގެނައުމަށް، ސަރުކާރުގެ ތެރެއިންވެސް، އަދި އަމިއްލަ ވިޔަފާރިތަކާއި ކުންފުނިތަކުން ވެސް ދެން މަސައްކަތް ކުރަންވީ، އެފަދަ މަގާމުތަކުގައި އަންހެނުން ހިމަނައިގެން، ކަންކަން ނިންމުމުގައި މިހާރަށް ވުރެ ފުޅާ ދާއިރާއެއްގައި، އަންހެނުންގެ ހިޔާލާއި މަޝްވަރާ ބޭނުންކުރުމަށް،"
ދުވަހުގެ ފޮޓޯ
އަންހެނުން ދުވަސް ފާހަގަ ކުރުމަށް ރޭ ބޭއްވި ޖަލްސާގައި ރެހެންދި އެވޯޑު ލިބުނު ފަރާތްތަކާއެކު ރައީސް ސޯލިހާއި އެމަނިކުފާނުގެ އަނބިކަނބަލުން ފަޒުނާ އަދި ނައިބު ރައީސް ފައިސަލް. -- ފޮޓޯ: ރައީސް އޮފީސް
