ސައުދީ އަރަބިއްޔާއިން އާ ގައުމީ އެއާލައިނެއް ލޯންޗުކުރަން ނިންމައިފި އެވެ.
އެކަަން އިއުލާން ކުރެއްވީ ވަލީ އަހުދު އަމީރު މުހައްމަދު ބިން ސަލްމާން އެވެ.
"ރިޔާދް އެއާ"ގެ ނަމުގައި އުފައްދާ އާ އެއާލައިންގެ ސީއީއޯއަކަށް ހަމަޖެއްސީ އިއްތިހާދް އެއާވޭޒްގެ ކުރީގެ ސީއީއޯ ޓޯނީ ޑަގްލަސް އެވެ.
ސައުދީ ޕްރެސް އެޖެންސީ (އެސްޕީއޭ) އިން ބުނީ އާ އެއާލައިންގެ އަމާޒަކީ އޭޝިއާ, ޔޫރަޕް އަދި އެފްރިކާއާ އޮންނަ ވައިގެ ގުޅުން ވަރުގަދަ ކުރުން ކަމަށެވެ.
ސައުދީ އަރަބިއްޔާގެ ޕަބްލިކް އިންވެސްޓްމަންޓް ފަންޑް (ޕީއައިފް) އިން ބުނީ އާ އެއާލައިނާ އެކު 200،000 ވަޒީފާ އުފެދޭނެ ކަމަށެވެ.
ރިޔާދް އެއާގެ ލަނޑުދަނޑިއަކީ 2030 ވަނަ އަހަރުގެ ކުރިން 100 އަށް ވުރެ ގިނަ މަންޒިލަށް ދަތުރު ކުރުމެވެ. ސައުދީގެ ވެރިރަށް ރިޔާދްގައި މައި އޮފީސް ހުންނަ އެއާލައިން ހިންގާނީ ޕީއައިއެފުންނެވެ.
މުޅިން އާ ގައުމީ އެއާލައިނެއް ލޯންޗުކުރަން ނިންމި އިރު، ރިޔާދްގައި އާ އެއާޕޯޓެއް އަޅާނެކަން އިއުލާން ކުރީ ނޮވެމްބަރު 2022 ގަ އެވެ.
