ގައުމީ އަންހެން ވޮލީ ޓީމުން ދެއްކި ހިތްވަރަށް "ގޯލްޑް" މެޑަލް ހައްގު!

ގައުމީ އަންހެން ޓީމުގެ މާޖިދާ ރޭގެ މެޗުގެ ތެރެއިން.--- ފޮޓޯ: މުހައްމަދު ޝާބިން/ އަދަދު

ގައުމީ އަންހެން ޓީމުގެ މާޖިދާ ރޭގެ މެޗުގެ ތެރެއިން.--- ފޮޓޯ: މުހައްމަދު ޝާބިން/ އަދަދު

ފޯ ނޭޝަންސް ކަޕްގެ ފޯރިގަދަ ފައިނަލް މެޗު ރޭ ނިމުނީ ރާއްޖޭގެ ކުޅުންތެރިންނާއި، ކޯޗުން އަދި ވީއޭއެމްގެ އޮފިޝަލުންނާއި ގައުމީ ޓީމްގެ ސަޕޯޓަރުން ރޮއްވާލައިފަ އެވެ. ގައުމީ އަންހެން ވޮލީ ޓީމުން ރަން މެޑަލް ހޯދަން ކުރި މަސައްކަތް ފަހު ވަގުތު ކާމިޔާބު ނުވެ، ދިޔައީ މެޑަލް ހޯދުމާ ވަރަށް ކައިރިއަށް ޖެހިލައިފަ އެވެ. ފައިނަލް މެޗު ނިމުނީ ރާއްޖެ އިން މެޑަލްގައި އަތް ޖައްސާލެވޭ ހާ ކައިރިއަށް ޖެހިލާފަ އެވެ.

"އެ ދިޔައީ ހަމަ ކަރުގައި ރަން މެޑަލްގެ ރަހަ ޖެހިފައި ކަހަލަ ހަމަ،" ގައުމީ ޓީމުގެ ކެޕްޓަން، ހައްވާ ރާޝިދާ (ހައްވަ) ރޭގެ މެޗަށް ފަހު ބުންޏެވެ.

ފައިނަލު މެޗުގެ ފުރަތަމަ ދެ ސެޓު ގެއްލުމާ އެކު ރާއްޖެ އަށް ރަން މެޑަލް ހޯދިދާނެ ކަމާމެދު ސުވާލު އުފެއްދި މީހުންވެސް ގިނަ އެވެ. ތިން ވަނަ ސެޓު ފަށައިގެން ސިންގަޕޫރު އޮތީ ހަތް ޕޮއިންޓްގެ ލީޑެއްގަ އެވެ. ދެން ފެނުނީ ދިވެހި ސަޕޯޓަރުންގެ އެހީއާ އެކު ރާއްޖޭގެ ކުޅުންތެރިން ކަށިން ހިތްވަރު ނެރުނު ތަނެވެ. ކޮންމެ ޕޮއިންޓަކަށް ބުރަ މަސައްކަތްކުރި ފެށި ތަނެވެ. ހުރިހާ ގޮތަކުން ވެސް ދިވެހި ޓީމު ދެން ފެނުނީ ތަފާތު ކޮށެވެ. ތަފާތު އިތުބާރެއް ޓީމުން ފެނުނެވެ. ހައިރާންވާ ވަރުގެ ޖޯޝާކާއި ރޫހެއް ދެއްކި އެވެ.

"މި މެޗުގައި ހަގީގަތުގައި ބަލިވިޔަސް، އެއްވެސް ވަރަކަށް ހިތުގައި ދެރަވާ ވިސްނުމެއް، ނެގެޓިވް އެއް ކަމެއް ވެސް ބާއްވަން ބޭނުމެއް ނޫން. މިއީ މިހާތަނަށް އަންހެން ވޮލީ ޓީމެއް ދެއްކި އެންމެ ރަނގަޅު ޕާފޯމަންސް،" ރޭގެ މެޗާ ބެހޭގޮތުން ދެކޭ ގޮތެއް އެހުމުން ވީއޭއެމްގެ ކުރީގެ ޖެނެރަލް ސެކްރެޓަރީ އަދި އިންޓަނޭޝަނަލް ބީޗްވޮލީ ރެފްރީ، ހުސެއިން މުހައްމަދު (ވޮލީ ހުސެން) ބުންޏެވެ.

ގައުމީ އަންހެން ވޮލީ ޓީމުގެ ކެޕްޓަން ހައްވަ: މި ފަހަރުގެ ފޯ ނޭޝަންސް ކަޕް ވޮލީބޯޅަ މުބާރާތުގެ ތެރެއިން.--- ފޮޓޯ: މުހައްމަދު ޝާބިން/ އަދަދު

މުޅި މެޗަށް ބަލާއިރު ދިވެހި ހުރިހާ ކުޅުންތެރިންވެސް މޮޅު ކުޅުމެއް ދެއްކި އެވެ. ބެންޗުން އަރައި ކުޅުންތެރިއެއް ނުވަތަ ފުރަތަމަ ހަޔެއްގައި ކުޅޭ ކުޅުންތެރިންވެސް ވަކި ތަފާތެއް ނެތެވެ. އެހެން ނަމަވެސް އެންމެ ބޮޑަށް ފާހަގަވީ ކެޕްޓަނެއްގެ ރޫހުގައި ހައްވަ ދެއްކި ހިތްވަރެވެ. އެހެން ކުޅުންތެރިން ލީޑުކުރުމުގައި ދެއްކި ސާބިތުކަމެވެ.

ގައުމީ ޖާޒީގައި ހައްވަ މިހާ މޮޅަށް ކުޅުނު މެޗެއް ނުފެނެ އެވެ. ތިން ވަނަ ސެޓުގެ ކުރީކޮޅު ސިންގަޕޫރުން ލީޑުގައި އޮއްވައި، ރާއްޖޭގެ ކޯޗު ނިޒާރު އިބްރާހިމް ވަނީ ހައްވަ ބަދަލުކޮށްފަ އެވެ. ބެންޗުގައި ދެ ޕޮއިންޓަށް އޭނާ ބޭންދުމަ ށްފަހު ކުޅެން އެރުވި އެވެ. ދެން ފެނުނީ ފުލުފުލުގައި ހައްވަ ހަމަލާތައް ފޮނުވާލަން ފެށިތަނެވެ. ލިބޭ ކޮންމެ ބޯޅައަކުން ސިންގަޕޫރުގެ ބްލޮކްތައް ފޫ އަޅުވާލިއެވެ. ޑިފެންސްގައި ތިބި ކުޅުންތެރިން ހާސް ކޮށްލި އެވެ.

"ބެންޗަށް ލި ގަޑީގައި ވަރަށް އޮބްޒާވްކުރި، އެމީހުން ބްލޮކްތައް އަޅާ ގޮތާ، ޑިފެންސުގައި ކަވަރިން ހަދާގޮތް. އެއަށް ބަލާފައި އެރީ. ދެން ހަމަ ދެ ބްލޮކް ދޭތެރެއިން ބޮޑު މެދަށް ޖަހަން ޓްރައިކުރީ." މެޗަށްފަހު ވާހަކަދައްކަމުން ހައްވަ ބުންޏެވެ.

ހައްވަ ބުނީ ހުރިހާ ގޮތަކުންވެސް ރާއްޖެއިން މޮޅަށް ކުޅުނު ކަމަށާއި، އެންމެ ބޮޑަށް ދެރަވަނީ މިހާ މޮޅަށް ޓީމުން ކުޅެ މެޑަލްގައި އަތްލެވޭ ހާ ކައިރިއަށް ގޮސް ރަން މެޑަލް ނުލިބުނީމަ ކަމަށެވެ.

ހައްވަގެ އިތުރުން ޓީމްގެ ސެޓަރު ޖޫޒާން ޒަރީރު ވެސް ބުނީ މިއީ އަންހެން ވޮލީބޯޅަ އޮތް ފެންވަރު މުޅި ރާއްޖެއަށް ދައްކާލި މެޗެއް ކަމަށެވެ.

ޖޫޒާން ބުނީ މި މެޗަކީ އަންހެން ޓީމަކީ ރަން މެޑަލް ހޯދޭ ފެންވަރުގެ ޓީމެއް ކަމަށް ކުރިން ބުނިއިރު ބައެއް މީހުންނަށް އެކަން ގަބޫލުނުކުރެވޭ ކަމަށާއި، ރޭގެ މެޗާ އެކު ކުޅުންތެރިން އެކަން ސާބިތުކޮށްދީފި ކަމަށެވެ.

އޭނާ ބުނީ ގައުމީ ޓީމު މިހާރު އޮތީ އެހެން ލެވެލްއެއްގައި ކަމަށާއި، ޕްރެކްޓިސްތަކުގައި ކުރި ހުރިހާ މަސައްކަތް މިހާ ހިސާބަށް އައިރު ކާމިޔާބު ކުރެވުނު ކަމަށެވެ. އޭނާ ވަނީ ފައިނަލު މެޗުގައި ޓީމަށް އޮތް ސަޕޯޓު ވަރަށް ބޮޑަށް ފާހަގަކޮށްފަ އެވެ.

"މިހާރު ވޮލީކުޅޭތާ އަށް އަހަރު ނުވަ އަހަރު މިވީ. އަޅުގަނޑުގެ ހަޔާތުގައިވެސް މިވަރުގެ ބޮޑު ކްރައުޑެއްގެ ތެރޭގައި އަދި ދުވަހަކުވެސް އަޅުގަނޑެއް ނުއެއް ކުޅެން. މިއީ ހަމަ އާދަޔާ ހިލާފު އިހުސާސެއް ކުރެވުނު މެޗެއް" ރާއްޖޭގެ އެއް ވަނަ ސެޓަރު، ޖޫޒާން ބުންޏެވެ.

ރޭގެ މެޗުގެ ތެރެއިން ޖޫޒާން (ކ) އާއި މާޖިދާ: ތަޖުރިބާގެ އަލީގައި މުހިންމު ވަގުތުގައި ތަފާތު ދެއްކި.-- ފޮޓޯ: މުހައްމަދު ޝާބިން/ އަދަދު

ގައުމީ ޓީމުން ރޭގެ މެޗުގައި ދެއްކި ހިތްވަރަށް ތައުރީފު ނުކުރާނެ ހަމަ އެކަކުވެސް ނެތެވެ. ކުރީގެ ކުޅުންތެރިންނާއި ކޯޗުންނާއި ވޮލީބޯޅަ އާއިލާގެ އިތުރުން މުޅި ގައުމުގެ ހުރިހާ އެންމެންވެސް ޓީމަށް ދެނީ އެންމެ މެސެޖެކެވެ "ދެއްކި ހިތްވަރަށް ސާބަހެވެ".

ހަމަ ހަގީގަތުގަވެސް އަންހެން ޓީމުން އެ ސާބިތުކޮށްދިނީ އެއީ "މިގައުމުގެ ދަރިން" ކަމެވެ. ސަޕޯޓަރުން ދައްކައިދިނީ މިއީ "ރަތާ، ހުދު ފެހިން ވިދާލާ ވަރުގަދަ ލަޝްކަރެއް" ކަމެވެ. ގައުމީ ޓީމުގެ ކޮންމެ ކުޅުންތެރިއަކު އެ "ދިވެހިންގެ ދަންމަރު" ހިފައިގެން ނިކުތޫ "ހުނަރާ ފަންވަރު" ދައްކަމުންނެވެ. ވޮލީގެ ރަން ސަފުގައި އޮތް "ފުރަހާދަ ލަޝްކަރުން" ކުރަހާލަ ދިނީ ވޮލީގެ ކުރިމަގުގެ އުލާލާ މަންޒަރެވެ.

އެއް އަޒުމެއްގައި ވަރުގަދަ ރޫހެއްގައި ކުޅެ ގައުމީ ޓީމުން އެ ދެއްކި ކުޅުމަށް މުޅި މި ދީބު ފަހުރުވެރިވާނެ އެވެ. އެ ދެއްކި ޖޯޝާ ހިތްވަރަށް ބަލާއިރު ހަމަ ހަގީގަތުގަވެސް ގައުމީ ޓީމަށް "ގޯލްޑް މެޑަލް" ހައްގެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox