ހަސަންފުޅު ހޯދުމަށް މާލޭގެ ސީސީޓީވީ ފޫޓޭޖުތަކެއް ބަލައިފި، އޭނާ އަދިވެސް ނުފެނޭ

މަތިވެރިން ގެއްލިގެން ހޯދަމުން އަންނަ ހަސަން އަލީ (ހަސަންފުޅު)

މަތިވެރިން ގެއްލިގެން ހޯދަމުން އަންނަ ހަސަން އަލީ (ހަސަންފުޅު)

މި މަހުގެ އެއްވަނަ ދުވަހުގެ ރޭ އއ. މަތިވެރިން ގެއްލިފައިވާ އެ ރަށު ރިވެލި، ހަސަން އަލީ (ހަސަންފުޅު)، 73 ހޯދުމަށް ކުރާ ތަހުގީގަށް ލިބުނު ބައެއް މައުލޫމާތާ ގުޅިގެން މާލޭ ސަރަހައްދުތަކެއްގެ ސީސީޓީވީ ފޫޓޭޖު ބަލާފައިވާ ކަމަށް ފުލުހުން ބުނެފި އެވެ.

ފުލުހުން މިރޭ ނެރުނު ނޫސްބަޔާނެއްގައި ބުނީ ބުނީ ހަސަންފުޅު ހޯދުމަށް ގެއްލޭ މީހުންގެ މައްސަލަތަކުގައި އަމަލުކުރާ އާންމު އުސޫލުގެ ދަށުން ރާއްޖޭގެ ހުރިހާ ފުލުސް މަރުކަޒުތަކަށާއި އިންޓެލިޖެންސަށް މައުލޫމާތު ހިއްސާކުރި ކަމަށެވެ. އަދި މިދިޔަ ދުވަސްތަކުގައި އޭނާ ހޯދުމަށް ފުލުހުން ގިނަ މަސައްކަތްތަކެއް ކުރި ނަމަވެސް އަދިވެސް އޭނާ ފެނިފައިނުވާ ކަމަށް ފުލުހުންގެ ބަޔާނުގައި ބުނެފައިވެ އެވެ.

މި އޮޕަރޭޝަނުގެ ތަފުސީލު ދެމުން ފުލުހުން ބުނެފައިވަނީ ހަސަންފުޅު ހޯދުމަށް މަތިވެރީގެ މީހުން އުޅޭ އަދި ފަޅު ހުރިހާ ގެއަކާއި ހުސްބިންތަކާއި ގެސްޓްހައުސް، ކެފޭތަކުގެ އިތުރުން ރަށުގެ ހޭޅިފަށާއި ގޮނޑުދޮށް އަދި ވަލުތެރެ ވެސް ބަލާ ފާސްކުރި ކަމަށެވެ.

އަދި އެ ރަށުގެ އެކި ސަރަހައްދުތަކުން ސީސީޓީވީ ފުޓޭޖުތައް ހޯދާ އެކި މީހުންނާ ސުވާލުކުރެވުނު ކަމަށާއި އެ ރަށުގެ އޮޑި ދޯނިފަހަރުގެ އިތުރުން ހަސަންފުޅު ގޮސްދާނެ ކަމަށް ބެލެވޭ ކައިރި ރަށްތަށް ވެސް ބަލާ ފާސްކޮށްފައިވާ ކަމަށް ވެސް ފުލުހުން ބުންޏެވެ. އެގޮތުން ފުލުހުން ބުނީ އޭނާ އާންމުކޮށް ދާ ރަށްރަށުގައި ހުރި އޭނާ ގޮސްދާނެ ކަމަށް ބެލެވޭ ގެތަކުގެ މީހުންނާ ވެސް ސުވާލުކޮށްފައިވާ ކަމަށެވެ.

މީގެއިތުރުން މި އޮޕަރޭޝަނުގައި މަތިވެރީގެ ގޮނޑުދޮށުން ފެށިގެން ފަޅާއި ކަނޑުގެ ސަރަހައްދު ފީނައިގެން އަދި ވައިގެ މަގުން ވެސް ބަލާފައިވާ ކަމަށް ފުލުހުންގެ ބަޔާނުގައިވެ އެވެ.

ފުލުހުންގެ ބަޔާނުގައި ބުނެފައިވަނީ މިހާތަނަށް ހަސަންފުޅު ހޯދުމަށް ކުރި މަސައްކަތުގައި 157 ގަޑިއިރުގެ ސީސީޓީވީ ފޫޓޭޖް ހޯދާ ބެލި ބެލުމުން ހަސަންފުޅު އެންމެ ފަހުން ފެނިފައިވަނީ 31 ޖެނުއަރީ 2023 ގެ 09:30 ހާއިރު މަތިވެރީގެ ފިހާރައަކަށް ވަދެ ނުކުމެގެންދާތަން ކަމަށެވެ.

މި ތަހުގީގުގައި މިހާތަނަށް 199 މީހެއްގެ ފަރާތުން މައުލޫމާތު ހޯދާ 29 މީހެއްގެ ބަޔާން ނަގާފައިވާ ކަމަށް ވެސް ފުލުހުން ބުންޏެވެ.

ފުލުހުން އިތުރަށް ބުނީ ތަހުގީގުގެ އެންމެފަހުގެ މައުލޫމާތު ހަސަންފުޅުގެ އާއިލާއަށް ފޯރުކޮށްދެމުންދާ ކަމަށާއި އޭނާއާ ބެހޭ އެއްވެސް މައުލޫމާތެއް ލިބިއްޖެ ނަމަ ފުލުހުންގެ ހޮޓްލައިން 3322111 އަށް ގުޅާ ރިޕޯޓުކުރުމަށް އެދޭ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox