އަހަރުގެ މިހާތަނަށް 267،502 ފަތުރުވެރިން، އެންމެ ކުރީގައި ރަޝިއާ

މި އަހަރުގެ މިހާތަނަށް 267،502 ފަތުރުވެރިން ރާއްޖެއަށް ޒިޔާރަތްކޮށްފައިވާ ކަމަށް ޓޫރިޒަމް މިނިސްޓްރީން ހާމަކޮށްފި އެވެ.

ޓޫރިޒަމް މިނިސްޓްރީން އާންމުކުރި ތަފާސް ހިސާބުން ދައްކާ ގޮތުން ފާއިތުވި ތިން އަހަރުގެ ތެރޭގައި ރާއްޖެއަށް މި މުއްދަތަށް އެންމެ ގިނައިން ފަތުރުވެރިން ޒިޔާރަަތްކޮށްފައި ވަނީ މި އަހަރު އެވެ. 2021 ވަނަ އަހަރުގެ މި މުއްދަތަށް 142،125 ފަތުރުވެރިން ޒިޔާތްކޮށްފައިވާާއިރު، މިދިޔަަ އަހަރު ރާއްޖެއަށް ޒިޔާރަތްކުރީ 206،181 ފަތުރުވެރިންނެވެ. މިދިޔަ އަހަރު ރާއްޖެ އައި ފަތުރުވެރިންގެ އަދަދާ އަޅާކިޔާއިރު މިއީ 29 އިންސައްތައިގެ ކުރިއެރުމެކެވެ.

މީގެ ކުރިން ރާއްޖޭގެ ފަތުރުވެރިކަމުގެ މާކެޓުގެ އެންމެ ކުރީގައި އޮންނަ އެއް ގައުމު ކަމަށްވާ ޗައިނާ ހުޅުވާލައި، އެ ގައުމުން ސީދާ ފްލައިޓުތައް ރާއްޖެއަށް ދަތުރުކުރަންް ފެށުމާ އެކު ވަނީ ރާއްޖެއަށް އެންމެ ގިނައިން ފަތުރުވެރިން ދަތުރުކުރާ 10 ގައުމުގެ ލިސްޓުގެ އަށްވަނައިން ޖާގަ ހޯދާފަ އެވެ. މި ލިސްޓުގެ އެއްވަނާގައި އޮތީ ރަޝިއާ އެވެ. ރަޝިއާއިން މިހާތަނަށް 34،128 ފަތުރުވެރިން މިހާތަނަށް ޒިޔާރަތްކޮށްފައި ވެއެވެ.

ރާއްޖެއަށް އެންމެ ގިނައިން ފަތުރުވެރިން އަންނަ ގައުމުތަކަކީ:

1. ރަޝިއާ
2. އިންޑިއާ
3. އިނގިރޭސިވިލާތް
4. އިޓަލީ
5. ޖާމަނީ
6. ފްރާންސް
7. ޔޫއެސްއޭ
8. ޗައިނާ
9. ސްވިޒިލެންޑް
10. ޕޮލެންޑް

ފަތުރުވެރިކަން ރަނގަޅުވަމުން އަންނައިރު، ރާއްޖޭގައި އޮޕަރޭޝަނަލް ކެޕޭސިޓީގައި 59،924 އެނދު އެބަހުއްޓެވެ. އޭގެ ތެރޭގައި 172 ރިސޯޓުގެ 41،945 އެނދާއި، 13 ހޮޓެލެއްގެ 1640 އެނދާއި، 883 ގެސްޓްހައުސްއެއްގެ 14،282 އެނދު އަދި 152 ސަފާރީއެއްގެ 2953 އެނދު ހިމެނެ އެވެ.

ރާއްޖޭގެ 116 ރަށެއްގައި ގެސްޓްހައުސް ހިންގަމުންދެ އެވެ. އެގޮތުން، އެންމެ ގިނައިން ގެސްޓްހައުސްތައް ހިންގަމުން އަންނަ އަތޮޅުތަކަކީ ކ، އއ، އދ އަދި ވ އަތޮޅެވެ.