އުނގޫފާރު ހޮސްޕިޓަލް؛ އާ އިމާރާތާ އެކު ހިދުމަތްތައް ފުޅާކޮށް ރައްޔިތުންނަށް ބޮޑެތި ފަސޭހަތަކެއް

އުނގޫފާރު އާ ހޮސްޕިޓަލް އިމާރާތުގައި ހެލްތް މިނިސްޓްރީގެ ޓީމް ހަރަކާތްތެރިވަނީ

އުނގޫފާރު އާ ހޮސްޕިޓަލް އިމާރާތުގައި ހެލްތް މިނިސްޓްރީގެ ޓީމް ހަރަކާތްތެރިވަނީ

އެކި ރަށްރަށުން އެތައް ހާސް ބަޔަކަށް ހިދުމަތްދެމުން އަންނަ ރ. އުނގޫފާރު ރީޖަނަލް ހޮސްޕިޓަލުން އަނެއްކާވެސް ތައްޔާރުވަމުން މި އަންނަނީ ސަރަހައްދު ރައްޔިތުންނަށް އިތުރު ހިދުމަތްތަކެއް ފޯރުކޮށްދީ، ޑިމާންޑާ އެއްވަރަށް ހިދުމަތް ދިނުމަށް މަސައްކަތް ކުރަމުންނެވެ. އެ ހޮސްޕިޓަލުގެ އާ އިމާރާތުގެ މަސައްކަތް ނިންމާ، އިއްޔެ ހަވާލުކޮށްފައި ވާއިރު، އެ އިމާރާތުން ރައްޔިތުންނަށް ހިދުމަތް ދޭން ފެށުމަށް ހަމަޖެހިފައި ވަނީ އަންނަ އަހަރެވެ.

"ހޮސްޕިޓަލަށް އަންނަ ކުރިއެރުމާއެކު އެންމެ ބޮޑު އުފަލަކީ، ކޮންމެ ކަމެއްގައި މާލެއަށް ދަތުރުކުރަން ނުޖެހި، ސަރަހައްދުގެ ރައްޔިތުންނަށް ބޭނުންވާ ހިދުމަތްތައް މި ހޮސްޕިޓަލުން ފޯރުކޮށްދެވުން" އުނގޫފާރު ހޮސްޕިޓަލުގެ މެނޭޖަރު އިބްރާހިމް ޒަޔާން ވިދާޅުވި އެވެ.

އާ އިމާރާތުން އަންނަ އަހަރު ހިދުމަތްތައް ފަށަން ހަމަޖެހިފައިވީ ނަމަވެސް އުނގޫފާރު ހޮސްޕިޓަލުން ދަނީ މުވައްޒަފުން އިތުރު ކުރުމުގެ މަސައްކަތް މިހާރުއްސުރެ ފަށާފަ އެވެ. އާ އިމާރާތާއި ހިދުމަތްތަކާއެކު ވަޒީފާގެ ގިނަ ފުރުސަތުތަކެއް އެ ހޮސްޕިޓަލުން ފަހިވެގެންދާނެ އެވެ.

އުނގޫފާރު ހޮސްޕިޓަަލަށް އަންނަ ކުރިއެރުންތަކާއެކު ކުޑަކުޑަ ސިއްހީ ކަންކަމަށް މާލެ އަންނަން ޖެހޭ ޖެހުން މިވަނީ އެ ސަރަހައްދު ރައްޔިތުންނަށް ނިމުމަކަށް އައިސްފަ އެވެ. ހޮސްޕިޓަލް މެނޭޖަރު ޒަޔާން 'އަދަދު' އަށް ވިދާޅުވި ގޮތުގައި، ސަރަހައްދު ރައްޔިތުންނަށް ބޭނުންވާ ގިނަ ހިދުމަތްތައް މިހާރުވެސް ހޮސްޕިޓަލުން ލިބެމުން އަންނަ ކަމަށާއި، މިއައި ބަދަލާއެކު ހިދުމަތް އަވަސްވެގެންދާނެ ކަމަށެވެ. މިއީ ސަރަހައްދު ރައްޔިތުންނަށް ލިބިގެންދާނެ ބޮޑު ލުޔެއް ކަމަށް އޭނާ ސިފަ ކުރައްވަ އެވެ.

މިހާރުގެ ހޮސްޕިޓަލުގައި އެކްސްރޭ ނެގުމަށް އެއް ކޮޓަރި ހުންނައިރު، އާ އިމާރާތުގައި އެކަމަށް ދެ ކޮޓަރި ކަނޑައަޅާފައިވެ އެވެ. އެހެންކަމުން އެކްސްރޭގެ ހިދުމަތް ވެސް ކުރިއަށްވުރެ އަވަސްވާނެ ކަމަށް ޒަޔާން ލަފާ ކުރައްވަ އެވެ. އެކްސްރޭގެ އިތުރުން އަލްޓްރާސައުންޑް އަދި ސީޓީ ސްކޭންތަކަށް ވެސް އާ އިމާރާތުގައި ވަނީ ޖުމްލަ ހަތަރު ކޮޓަރި ކަނޑައަޅާފަ އެވެ.

އުނގޫފާރު ހޮސްޕިޓަލުގެ އާ އިމާރާތުގެ ތެރެއިން
އުނގޫފާރު ހޮސްޕިޓަލުގެ އާ އިމާރާތުގެ ތެރެއިން

އުނގޫފާރު ހޮސްޕިޓަލުގެ އާ އިމާރާތުގެ ތެރެއިން

މިހާތަނަށް އުނގޫފާރު ހޮސްޕިޓަލުން ކާމިޔާބު ކުރި ކަންތައްތަކުގެ ތެރޭގައި އެންމެ ފާހަގަކޮށްލެވެނީ ކަށީގެ އޮޕަރޭޝަންތަކެވެ. ކަން މިހެން އޮތްއިރު، އެ ހޮސްޕިޓަލުގެ އާ އިމާރާތުގައި ކަށީގެ އޮޕަރޭޝަންތަކަށް ހާއްސަ އޮޕަރޭޝަން ތިއޭޓަރަކާއި އެހެނިހެން އޮޕަރޭޝަންތަކަށް ތިއޭޓަރެއް ވަނީ އިމަރާތްކޮށްފަ އެވެ. އެހެންކަމުން، ކަށީގެ އޮޕަރޭޝަންތައް ވެސް ކުރަމުން އައި ގޮތަށް އިތުރު ފުރިހަމަކަމެއް އަންނާނެ އެވެ.

ޒަޔާން ވިދާޅުވީ، މިހާރު އެ ހޮސްޕިޓަލުން ދުވާލެއްގެ މައްޗަށް ގާތްގަނޑަކަށް 400-500 މީހުންނަށް ހިދުމަތް ދެމުން އަންނަ ކަމަށާއި، އަންނަ އަހަރު އާ އިމާރާތުގެ ހިދުމަތްތައް ފެށުމާއެކު ދުވާލަކަށް 600-700 މީހުންނަށް ހިދުމަތް ދެވޭނެ ގާބިލުކަން އެ ހޮސްޕިޓަލުގައި ހުންނާނެ ކަމަށެވެ.

އޭގެ އިތުރުން ވެސް އުނގޫފާރު ހޮސްޕިޓަލުގެ އާ އިމާރާތް ފަރުމާކޮށްފައި ވަނީ ގިނަ ހިދުމަތްތަކެއް ލިބޭނެ ގޮތަށެވެ. އެގޮތުން، މިހާރަށްވުރެ ފުރިހަމަ އެމަޖެންސީ ޔުނިޓެއް ގާއިމްކޮށްފައިވާއިރު، ހައި-ޑިޕެންޑެންސީ ހަތަރު އެނދާއި ލޯ-ޑިޕެންޑެންސީ ހަތަރު އެތަނުގައި ހުންނާނެ އެވެ. އަދި، އާ ލެބޯޓްރީއާއެކު އެ ހިދުމަތްވެސް ފުޅާވެގެންދާނެ އެވެ.

އެ ހޮސްޕިޓަލުގެ ފިޒިއޮތެރަޕީ ޑިޕާޓްމަންޓު މިހާރު ހިންގަމުން ދަނީ ވަކިން ހުންނަ އިމާރާތެއްގަ އެވެ. ނަމަވެސް، އެ ޑިޕާޓްމަންޓުވެސް އާ އިމާރާތާސް ބަދަލުކޮށް ހިދުމަތް ފުޅާ ކުރުމަށް ވަނީ ހަމަޖެހިފަ އެވެ.

ހަމައެއާއެކު، އާ އިމާރާތުގައި ގާއިމްކޮށްފައިވާ 10 ކޮޓަރީގެ ޕްރައިވެޓް ވާޑާ އެކު، ހޮސްޕިޓަލުގެ ޕްރައިވެޓް ރޫމުގެ އަދަދު 16 އަށް އިތުރު ވެގެންދާނެ އެވެ. މިއީ ގިނަ އޮޕަރޭޝަންތަކެއް ކުރާ ހޮސްޕިޓަލެއްގައި ރައްޔިތުންނަށް ލިބިގެންދާނެ ބޮޑު ފަސޭހައެކެވެ.

އުނގޫފާރު ރީޖަނަލް ހޮސްޕިޓަލަށް އައި ބަދަލާއެކު ސަރަހައްދު ރައްޔިތުންނަށް ލުޔެއް ލިބިގެންދާއިރު، މިއީ ތިމާވެއްޓާވެސް ރައްޓެހި ބަދަލެކެވެ. އެގޮތުން، އާ އިމާރާތުގެ މަޝްރޫއުގައި ހިމަނައިގެން ވަނީ 310 ކިލޯވޮޓްގެ ސޯލާޕެނަލް ހަރުކޮށްފަ އެވެ. މިދިޔަ އަހަރު މަސައްކަތް ފެށި މި އިމާރާތުގެ މަސައްކަތަށް ހަރަދުވެފައި ވަނީ 80 މިލިއަން ރުފިޔާ ކަމަށް ހެލްތު މިނިސްޓްރީން ބުނެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox