ބުދަ ދުވަހުގެ ރޭ މ. ނިރުފެހިގޭގައި ރޯވެ ހިނގި އަލިފާނުގެ ހާދިސާގައި މަރުވި މީހުންގެ ތެރެއިން އެކެއްގެ ހަށިގަނޑަކީ ކާކުކަން މިހާތަނަށް ދެނެގަނެވިފައި ނުވާ ކަމަށް ފުލުހުން މިއަދު ބުނެފި އެވެ.
އެ ގޭގައި ރޯވެ ހިނގި އަލިފާނުގެ ހާދިސާގައި ޖުމްލަ 10 މީހަކު ވަނީ މިހާތަނަށް މަރުވެފަ އެވެ. އަދި، އެކަކަށް އަންނަނީ ހޮސްޕިޓަލުގައި ފަރުވަ ދެމުންނެވެ.
ފުލުހުން މިއަދު ބުނީ މަރުވި މީހުންގެ ތެރެއިން ހަށިގަނޑު މިހާތަނަށް ދެނެގަނެވިފައިވަނީ އިންޑިއާގެ ތިން ފިރިހެނުންނާއި އެ ގައުމުގެ ހަތަރު ފިރިހެނުންގެ އިތުރުން ބަންގްލަދޭޝްގެ އަންހެނަކާއި ފިރިހެނެއް ކަމަށެވެ.
އަދި، ދެން ފެށުނު ހަށިގަނޑަކީ ކާކުކަން މިހާތަނަށް ވެސް ދެނެގަނެވިފައިނުވާ ކަމަށް ފުލުހުން ބުންޏެވެ.
މަރުވި މީހުން ދެނެގަތުމަށް ފުލުހުން ވަނީ އެ ރެއިން ފެށިގެން ހަބަރު ނުވާ ބިދޭސީންގެ މައުލޫމާތުގެ އިތުރުން ފުލުހުން ވަނީ މ. ނިރުފެހި ގެއާއި، މ. ސޭންޑްރޯޒްގޭގައި ދިރިއުޅޭ މީހުންނާއި، އެގޭގެއަށް ރޭ ގޮސްފައިވަ ކަމަށް ބެލެވޭ މީހުންގެ މައުލޫމާތު ވެސް ހޯދަން އާންމުންގެ ކިބައިން އެދިފަ އެވެ.
