ފަތުރުވެރިން އައުން، ޕްރީ ޕެންޑެމިކުގެ އަދަދުތަކާ ހަމަ ކުރަނީ

Oct 28, 2022, 9:57 AM
ރާއްޖެ އައި ފަތުރުވެރިންތަކެއް އެއާޕޯޓުން ހިދުމަތް ހޯދަނީ: މިއަހަރުގެ ބާކީ ދެ މަސް ދުވަހުގެ ތެރޭގައި ކުރީގެ އަދަދުތަކާ އެއްވަރަށް ފަތުރުވެރިން އަންނާނެ ކަމަށް ބެލެވޭ -- ފޮޓޯ: އަބްދުﷲ އިޔާން/އަދަދު

ރާއްޖެ އައި ފަތުރުވެރިންތަކެއް އެއާޕޯޓުން ހިދުމަތް ހޯދަނީ: މިއަހަރުގެ ބާކީ ދެ މަސް ދުވަހުގެ ތެރޭގައި ކުރީގެ އަދަދުތަކާ އެއްވަރަށް ފަތުރުވެރިން އަންނާނެ ކަމަށް ބެލެވޭ -- ފޮޓޯ: އަބްދުﷲ އިޔާން/އަދަދު

ކޮރޯނާ ވައިރަސް ބަލިމަޑުކަމާއެކު ހުއްޓުން އެރި ދިވެހިރާއްޖޭގެ ފަތުރުވެރިކަމުގެ އިންޑަސްޓްރީ މި އަހަރުގެ ތެރޭގައި ވަރަށް ބޮޑަށް ކުރިއަށްޖެހިލައި، ބަލިމަޑުކަމުގެ ކުރިން ރާއްޖެއަށް ފަތުރުވެރިން އައި އަދަދުތަކާ މިއަހަރު ހަމަ ކުރާނެ ކަމަށް ބެލެވިއްޖެ އެވެ.

ޓުއަރިޒަމް މިނިސްޓްރީން މިއަދު އާންމު ކުރި ހިސާބުތަަކަށް ބަލާއިރު އޮކްޓޯބަރު 26، ގެ ނިޔަލަށް ރާއްޖެއަށް 1,317,573 ވަނީ އައިސްފަ އެވެ. ބަލިމަޑުކަމުގެ ކުރިން 2019 ވަނަ އަހަރު ރާއްޖެ އައީ ޖުމްލަ 1,371,103 ފަތުރުވެރިންނެވެ.

އެހެންކަމުން ފަތުރުވެރިން އައި މިންވަރު މިއަހަރު، ކުރިއަރާ ބަލާއިރު މަދީ އެންމެ ތިން ޕަސެންޓެވެ. އެހެންކަމުން، މިއަހަރުގެ ބާކީ އޮތް ދެ މަސް ދުވަހުގެ ތެރޭގައި ޓުއަރިސްޓު އަރައިވަލް، ބަލިމަޑުކަމުގެ ކުރީގެ އަދަދުތަކާ އަރާ ހަމަވާނެ ކަމަށް ބެލެވެ އެވެ.

Advertisement

ބަލިމަޑުކަމުގެ އެންމެ ނާޒުކު ދުވަސްވަރު ރާއްޖޭގެ ބޯޑަރު ބަންދުކުރުމުގެ ސަބަބުން 2020 ވަނަ އަހަރު މި ގައުމަށް އައިސްފައި ވަނީ އެންމެ 419,396 ފަތުރުވެރިންނެވެ. އެއީ 2019 ވަނަ އަހަރާ އަޅާބަލާއިރު 69 ޕަސެންޓުގެ ވެއްޓުމެވެ.

ބޯޑަރުތައް އަލުން ހުޅުވައި، އެހެން ގައުމުތަކުގެ ވެސް ހާލަތު ރަނގަޅުވަމުންދިޔައިރު، 2021 ވަނަ އަހަރު ރާއްޖެ އައީ 988,013 ފަތުރުވެރިންނެވެ. އެއީ ބަލިމަޑުކަމުގެ ކުރިން އައި އަދަދުތަކާ ބަލާއިރު 27 ޕަސެންޓުގެ ދަށްވުމެވެ. އެކަމަކު އެއީ 2020 ވަނަ އަހަރާ އަޅާބަލާއިރު 135 ޕަސެންޓުގެ ކުރިއެރުމެކެވެ.

ޓުއަރިޒަމް މިނިސްޓްރީން މިއަދު އާންމު ކުރި ހިސާބުތަކަށް ބަލާއިރު މިއަހަރު އެންމެ ގިނައިން ރާއްޖެ އައި އިންޑިއާ ފަތުރުވެރިންނެވެ. ދެން އެންމެ ގިނައިން އައީ ރަޝިޔާ، އިނގިރޭސިވިލާތް، ޖަރުމަނު އަދި އިޓަލީންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox