12 ރަށެއްގެ މަގުބައްތި މަރާމާތުކޮށް ބަލަހައްޓަން ސްޓެލްކޯއާއެކު އެއްބަސްވެއްޖެ

މަގުބައްތި މަރާމާތުކޮށް ބަލަހައްޓަން ސްޓެލްކޯއާއެކު 12 ރަށަކުން އެއްބަސްވުމުގައި ސޮއި ކުރުން

މަގުބައްތި މަރާމާތުކޮށް ބަލަހައްޓަން ސްޓެލްކޯއާއެކު 12 ރަށަކުން އެއްބަސްވުމުގައި ސޮއި ކުރުން

12 ރަށެއްގެ މަގުބައްތި މަރާމާތުކޮށް ބެލެހެއްޓުމަށް ރަށު ކައުންސިލްތަކާއެކު ސްޓެލްކޯއިން އެއްބަސްވެއްޖެ އެވެ.

މަގުބައްތި މަރާމާތުކޮށް ބެލެހެއްޓުމާ ގުޅޭ އެއްބަސްވުމުގައި ސޮއިކޮށްފައި ވަނީ ކ އަތޮޅުގެ ހަތް ރަށަކާއި ވ އަތޮޅުގެ ފަސް ރަށެއްގެ ކައުންސިލާއެކު އެވެ. އެއީ، ކ. ގާފަރު، ދިއްފުށި، ތުލުސްދޫ، ހިންމަފުށި، ގުޅި، މާފުށި، ގުރައިދޫގެ އިތުރުން ވ. ފުލިދޫ، ތިނަދޫ، ފެލިދޫ، ކެޔޮދޫ އަދި ރަކީދު އެވެ.

ސްޓެލްކޯއިން ކަރަންޓުގެ ހިދުމަތް ދެމުން ގެންދަނީ ގްރޭޓާ މާލެ ސަރަހައްދުގެ އިތުރުން އއ، އދ، ވ، އަދި ކ. އަތޮޅަށެވެ.

މަގުބައްތި މަރާމާތުކޮށް ބެލެއްޓުމާ ގުޅޭ އެއްބަސްވުމުގައި މިއަދު ސޮއިކުރި 12 ކައުންސިލުގެ ތެރެއިން ޕީޕީއެމްގެ ފަސް ކައުންސިލް، އެމްޑީޕީގެ ހަތަރު ކައުންސިލުގެ އިތުރުން، މިނިވަން ތިން ކައުންސިލް ހިމެނެ އެވެ.

އެއްބަސްވުންތަކުގައި ސޮއިކުރުމުގެ ރަސްމިއްޔާތުގައި ވާހަކަ ދައްކަވަމުން ސްޓެލްކޯގެ މެނޭޖިން ޑިރެކްޓަރު އަހްމަދު ޝަރީފު ވިދާޅުވީ ކަރަންޓުގެ ހިދުމަތް ދިނުމަކީ އަސާސީ ހިދުމަތެއް ކަމަށާއި، އެ ހިދުމަތް ދިނުމުގައި އެއްވެސް ވަރަކަށް ސިޔާސީ ކުލައެއް ނުޖައްސަވާނެ ކަމަށެވެ.

ޝަރީފް ވިދާޅުވީ ސިޔާސީ ގޮތުން ވަކި ޕާޓީއަކަށް ނިސްބަތްވާތީ ވަކި ފެންވަރަކަށް ހިދުމަތް ދިނުމުގެ އުސޫލެއް ސްޓެލްކޯއިން ނުގެންގުޅޭނެ ކަމަށެވެ.

މަގުބައްތި މަރާމާތުކޮށް ބެލެއްޓުމާ ގުޅޭ އެއްބަސްވުމުގައި ސޮއިކުރުމުގެ ރަސްމިއްޔާތުގައި ސްޓެލްކޯގެ އެމްޑީ ޝަރީފު -- ފޮޓޯ: އަބްދުﷲ އިޔާން/ އަދަދު
މަގުބައްތި މަރާމާތުކޮށް ބެލެއްޓުމާ ގުޅޭ އެއްބަސްވުމުގައި ސޮއިކުރުމުގެ ރަސްމިއްޔާތުގައި ސްޓެލްކޯގެ އެމްޑީ ޝަރީފު -- ފޮޓޯ: އަބްދުﷲ އިޔާން/ އަދަދު

މަގުބައްތި މަރާމާތުކޮށް ބެލެއްޓުމާ ގުޅޭ އެއްބަސްވުމުގައި ސޮއިކުރުމުގެ ރަސްމިއްޔާތުގައި ސްޓެލްކޯގެ އެމްޑީ ޝަރީފު -- ފޮޓޯ: އަބްދުﷲ އިޔާން/ އަދަދު

އޭނާ ވިދާޅުވީ މާލެ އަތޮޅުގެ ހުރިހާ ރަށަކަށްހެން ޒިޔާރަތް ކުރެވިއްޖެ ކަމަށާއި، ކައުންސިލުތަކުން ލިބުނު އެއްބާރުލުން ބޮޑު ކަމަށެވެ. އަދި ސިޔާސީ ހިޔާލު ތަފާތުވުން ހުރި ނަމަވެސް އެއް މޭޒަކަށް އަރައި އާންމު މައްސަލައެއްގައި މަޝްވަރާ ކުރެވޭ ކަމަށާއި އެއީ ޕީޕީއެމަށް ނިސްބަތްވާ ކައުންސިލަރުންގެ ސިޔާސީ މެޗޫރިޓީ އިތުރުވަމުންދާ ކަމުގެ ހެއްކެއް ކަމަށެވެ.

"އޭގެ މާނައަކީ ސިޔާސީ ފިކުރުގައި ރައްޔިތުންނަށް ހިދުމަތް ދިނުން ހުއްޓާލާށެކޭ ނޫން. ކ އަތޮޅު ކާށިދޫ ކައުންސިލަރުން ގަބޫލު ކުރައްވާ ގޮތުގައި އަޅުގަނޑުމެންނަށް މި ހިދުމަތް ރައްޔިތުން އެދޭ ގޮތަކަށް ނުދެވޭނެ،" މިއަދުގެ ސޮއި ކުރުމުގެ ރަސްމިއްޔާތަށް ކާށިދޫ ކައުންސިލުން ނުދާކަން ފާހަގަކުރައްވާ ޝަރީފް ވިދާޅުވި އެވެ.

އެމޭރުމުން ވާހަކަ ދައްކަވަމުން ޝަރީފް ވިދާޅުވީ ރާއްޖޭގައި ކަރަންޓުގެ ހިދުމަތް ދިނުމަށް އެންމެ ފުރަތަމަ އުފެއްދި ސްޓެލްކޯއަށް އެކަން ނުކުރެވޭ ކަމަށްވާނަމަ ރާއްޖޭގައި އެކަން ކުރެވޭނެ ބަޔަކު ނުތިބޭނެ ކަމަށެވެ.

އަދި ހިޔާލު ތަފާތުވުން ހުރި ނަމަވެސް ރައްޔިތުންނަށް ހިދުމަތް ދެވިދާނެ ކަމަށާއި، އަދިވެސް ސްޓެލްކޯގެ ދޮރު ހުރީ ކާށިދޫ ކައުންސިލަށް ހުޅުވާލެވިފައި ކަމަށް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox