ކޮންމެ ހަފްތާއަކު ނަސީބުވެރި ތިން ފަރާތަކަށް 1500ރ. ގެ އަގުހުރި ގިފްޓު ވައުޗަރެއް ލިބޭ ޕްރޮމޯޝަނެއް އެސްޓީއޯއިން މިއަދު ފަށައިފި އެވެ.
މިއަންނަ އޯގަސްޓް 5، އާ ހަމައަށް ކުރިއަށް ގެންދާ "ހިޓާޗީ ފުރިޖް ޕުރޮމޯ" ކުރިއަށްދާނީ އެސްޓީއޯ ޕީޕަލްސް ޗޮއިސް އަދި އެސްޓީއޯގެ ރީޖަނަލް ފިހާރަތަކުގަ އެވެ.
ކަނޑައެޅިފައިވާ ވަކި އައިޓަމްތަކަކުން 20 ޕަސެންޓާ ހަމައަށް ޑިސްކައުންޓު ލިބޭ އެ ޕްރޮމޯޝަނުގައި ކޮންމެ ހަފުތާއަކު ނަސީބުވެރި ތިން ފަރާތަކަށް 1500ރ. ގެ އަހުގުރި ގިފްޓު ވައުޗަރެއް ލިބޭނެ އެވެ. އެ ގިފްޓު ވައުޗަރުގެ ދަށުން އިނާމުގެ ގޮތުގައި ލިބޭނީ ސުޕަމާކެޓު އައިޓަމްސްގެ ގޮތުގައި ހިމެނޭ، އާއްމުކޮށް ފުރިޖުގައި ރައްކާކުރާ ބާވަތުގެ ތަކެއްޗެވެ.
އެސްޓީއޯ ޕީޕަލްސް ޗޮއިސްގައި ވިއްކާ ބައެއް ސާމާނު: ކުރާ ކޮންމެ 1000ރ. ގެ ވިޔަފާރިއަކަށް -- ފޮޓޯ: އެސްޓީއޯ
އެ ޕްރޮމޯޝަނުގައި ހިމެނޭ ފުރިޖުތައް ގަތުމަށް ކަސްޓަމަރުން ހޭދަކުރާ ކޮންމެ 1000ރ. އަކަށް ޑިޖިޓަލް ކޫޕަނެއް ލިބޭނެ އެވެ.
ކަސްޓަމަރުންގެ މެދުގައި މަގުބޫލު ހިޓާޗީ ބުރޭންޑުގެ ސާމާނު އެސްޓީއޯއިން ވިއްކާތާ 25 އަހަރު ވާއިރު، މިބުރޭންޑުގެ ފުރިޖުގެ އިތުރުން ހިޓާޗީ ދޮންނަ މެޝިން، އެއާ ޕިޔުރިފަޔާ، ޓީވީގެ އިތުރުން ޕަންޕު، ވެކިޔުމް ކުލީނާ، ރައިސް ކުކާ، އަވަން، އަދި އެއާކޯންވެސް އެކުންފުނިން ވިއްކަމުންދެ އެވެ.
