ވަށާޖެހޭ އިޖުތިމާއީ ހިދުމަތަކަށް އެންމެން އެކުލެވޭ "އިބަމަ" ޓީމް

ހަނިމާދޫ؛ މާލެ ނޫން އެހެން ރަށްރަށުގެ އިޖުތިމާއީ ރައްކާތެރިކަމަށް މަސައްކަތް ކުރަން "އިބަމަ" ޓީމް އެކުލަވާލުމުގެ އުސޫލު އާންމުކޮށްފި

ހަނިމާދޫ؛ މާލެ ނޫން އެހެން ރަށްރަށުގެ އިޖުތިމާއީ ރައްކާތެރިކަމަށް މަސައްކަތް ކުރަން "އިބަމަ" ޓީމް އެކުލަވާލުމުގެ އުސޫލު އާންމުކޮށްފި

ވަށާޖެހޭ ގޮތެއްގައި އިޖުތިމާއީ ރައްކާތެރިކަމަށް މަސައްކަތްކުރާ "އިޖުތިމާއީ ބަދަހި މަދަދުވެރިން (އިބަމަ)" އެކުލަވާލުމުގެ އުސޫލު އާންމުކޮށްފި އެވެ.

އިބަމަ އުފެއްދުމުގެ ބޭނުމަކީ، މާލެ ފިޔަވައި އެހެން ރަށްތަކާއި ސިޓީތަކުގައި އުޅޭ ރައްޔިތުންގެ އިޖްތިމާއީ ރައްކާތެރިކަމަށް ޕްރިވެންޓިވް އަދި ރެސްޕޮންސިވް ފިޔަވަޅު އެޅުމުގެ އަވަސް ނިޒާމެއް ގާއިމުކުރުމެވެ. އިބަމައިގެ އުސޫލު އެކުލަވަލާ، އާންމުކޮށްފައިވާއިރު، އިބަމަ އެކުލަވާލަން ޖެހެނީ ދައުލަތުގެ ކަމާބެހޭ މުއައްސަސާތައް ހިމެނޭ ގޮތަށެވެ.

އިބަމަ އެކުލަވަލަންޖެހެނީ ޖެންޑާ މިނިސްޓްރީގެ ލަފައާއެކު ރަށް ނުވަތަ ސިޓީ ކައުންސިލުންނެވެ. އިބަމަ އެކުލަވާލަން ޖެހެނީ އެ ރަށެއްގެ ނުވަތަ ސިޓީއެއްގެ އާބާދީއަށާއި މީހުން ދިރިއުޅޭ ސަރަހައްދުތަކަށް ބަލައި، ނިސްބަތުން އެ ރަށަކަށް އެންމެ އެކަށޭނެ ގޮތަކަށެވެ.

އިބަމައިގައި ޝާމިލުވާންޖެހޭ މެންބަރުން:

  • ކައުންސިލުގެ ނައިބު ރައީސް
  • ކައުންސިލުގެ ސެކްރެޓަރީ ޖެނެރަލް
  • ކައުންސިލް މެންބަރު؛ އިޖުތިމާއީ ރައްކާތެރިކަމުގެ ޒިންމާ ހަވާލުވެފައިވާ މެންބަރު
  • ކައުންސިލް އިދާރާގެ ޕްލޭނިން މަސައްކަތްކުރާ މުވައްޒަފު
  • ޖެންޑާއިން ރަށުގައި ގާއިމްކޮށްފައިވާ ސެންޓަރެއް ތަމްސީލު ކުރާ މީހެއް
  • ސްކޫލުގެ ލިއޭޒަން އޮފިސަރު، ނުވަތަ ޑެޕިއުޓީ ލިއޭޒަން އޮފިސަރު
  • ނެއިބަހުޑް ޕޮލިސް އޮފިސަރެއް
  • އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ މެންބަރެއް
  • ރަށުގައި ސިއްހީ ހިދުމަތްދޭތަނެއް ތަމްސީލުކުރާ ކޮމިއުނިޓީ ނުވަތަ ފެމިލީ ހެލްތް އާ ގުޅެ މީހެއް
  • ޑިޕާޓްމަންޓް އޮފް ޖުވެނައިލް ޖަސްޓިސް ތަމްސީލުކުރާ މީހެއް

މި މީހުންގެ ތެރެއިން މީހަކު ނުވަތަ ބަޔަކު ރަށުގައި ނެތް ނަމަވެސް، އިބަމަ އެކުލަވާލަން ޖެހެ އެވެ. އެގޮތުން އިބަމަ އެކުލަވާލަން ޖެހެނީ މަދުވެގެން ހަތް މެންބަރުން ހިމެނޭ ގޮތަށެވެ. އިބަމައިގެ މެންބަރެއްގެ ގޮތުގައި ހުރެވޭނީ، އެ މީހަކު ތަމްސީލުކުރާ އިދާރާއެއްގެ ވަޒީފާގައި ހުންނަ މުއްދަތަކަށެވެ.

އިބަމައިގެ މެންބަރަކަށް ވުމަށް ވަކި ޝަރުތުތަކެއް ވެއެވެ. އެގޮތުން 18 އަހަރު ފުރުމާއި، އުސޫލުގައި ކަނޑައަޅަފައިވާ އިދާރާތައް ތަމްސީލު ކުރާ މީހަކަށް ވުމާއެކު ފާއިތުވި 10 އަހަރު ތެރޭގައި އިސްލާމް ދީނުގައި ހައްދު ކަނޑައަޅާފައިވާ ކުށެއް އަދި މަސްތުވާތަކެއްޗާ ބެހޭ އެއްވެސް ކުށެއް ކުރިކަމަސް ސާބިތުވެ، އަބަދު ކަނޑައަޅާފައިވާ މީހަކަށްނުވުން ހިމެނެ އެވެ.

ހަމައެއާއެކު، މީހަކަށް ނުވަތަ ކުއްޖަކަށް ޖިންސީ، ޖިސްމާނީ އަދި އަނިޔާއެއް ކޮށްފައިވާ މީހާކަށް ނުވުމާއި، ޖިނާއީ ކުށެއް ކުރި ކަމަށް ޝަރީއަތަށް ސާބިތުވެފައި ނުވުމުގެ އިތުރަށް އިއްދައިގެ ނުވަތަ ދަރިންގެ ހަރަދު ދިނުމަށް ސާބިތު ދަރަންޏެއް ޝަރުއީ ކޯޓަކުން އޭނާގެ މައްޗަށް ސާބިތުވެފައި ނުވުމަކީ ވެސް ޝަރުތުތަކުގެ ތެރޭގައި ހިމެނޭ ކަމެކެވެ.

މުޖުތަމައުގެ އިޖުތިމާއީ ރައްކާތެރިކަމަށް ވަށާޖެހޭ މަސައްކަތެއް ކުރުމަށް ހާއްސަ ޓީމެއް އެކުލަވާލާފައިވީ ނަމަވެސް އެ ޓީމަށް ވަކި ބަޖެޓެއް ކަނޑައަޅާފަ އެއް ނުވެ އެވެ. އިބަމައިގެ ހަރަކާތްތަކަށް ފަންޑު ކުރަން ހަމަޖެހިފައި ވަނީ އެ ހަރަކާތަކާ ގުޅޭ އިދާރާއެއްގެ ބަޖެޓުންނެވެ. އަދި އިބަމައިގެ މެންބަރުން، ރަސްމީ ގަޑީގެ ބޭރުން މަސައްކަތް ކުރާނަމަ، އެ މެންބަރުންނަށް އިތުރު ގަޑީގެ ފައިސާ ދޭނީ އެ މެންބަރަކު ހިއްސާވާ އިދާރާއަކުން ކަނޑައަޅާފައިވާ ގޮތެއްގެ މަތިން، އެ އިދާރާއަކުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox