ވޭޕު އެތެރެކޮށް ބޭނުން ކުރުމާއި ވިޔަފާރި ކުރުން މަނާ ކުރާ ބިލު ކޮމިޓީން ފާސްކޮށްފި

ވޭޕު އެތެރެކޮށް ވިޔަފާރި ކުރުން މަނާކުރާ ބިލާ ދެކޮޅަށް މަޖިލިސް ދޮށުގައި ކުރިއަށް ގެންދިޔަ އިހުރިޖާޖެއް -- ފޮޓޯ: މިރާޝް ނާޝިމް / އަދަދު

ވޭޕު އެތެރެކޮށް ވިޔަފާރި ކުރުން މަނާކުރާ ބިލާ ދެކޮޅަށް މަޖިލިސް ދޮށުގައި ކުރިއަށް ގެންދިޔަ އިހުރިޖާޖެއް -- ފޮޓޯ: މިރާޝް ނާޝިމް / އަދަދު

ވޭޕާއި ވޭޕު ކުރުމަށް ބޭނުން ކުރާ ތަކެއްޗާއި އޭގެ ވަކިވަކި ބައިތައް ރާއްޖެއަށް އެތެރެ ކުރުމާއި ބޭނުން ކުރުމާއި ވިޔަފާރި ކުރުން މަނާކުރުމަށް ގާނޫނަށް ގެންނަން ޖެހޭ ބަދަލުތައް ގެނައުމަށް ސަރުކާރުން ރައްޔިތުންގެ މަޖިލީހަށް ފޮނުވި ބިލު، ކުދިކުދިި ބަދަލުތަކާއެކު ކޮމިޓީން މިއަދު ފާސްކޮށްފި އެވެ.

މިއަދު ހަވީރު ކުރިއަށް ގެންދިޔަ އިޖުތިމާއީ ކޮމިޓީގައި ދުންފަތް ކޮންޓްރޯލް ކުރުމާ ބެހޭ ބިލުގެ ދިރާސާ ބަހުސްގެ ބޮޑު ބައި ގެންދިޔައީ މައިކް ނުޖައްސަ އެވެ. އެހެންކަމުން ކޮމިޓީގައި ކަން ހިނގައިދިޔަ ގޮތް އެހައި ސާފެއް ނުވި އެވެ.

ކުދިކުދި ބަދަލުތަކާއެކު އެ ބިލު ފާސްކުރީ ކޮމިޓީއަށް ހާޒިރުވީ މެންބަރުންގެ އަގުލަބިއްޔަތުންނެވެ. ވަކި ކޮޅަކަށް ވޯޓު ދޭން ނުފެންނަ ކަމަށް ތިން މެންބަރަކު ވޯޓު ދިނެވެ. އެއީ މާފަންނު ހުޅަނގު ދާއިރާގެ ޕީއެންސީ މެންބަރު މުހައްމަދު މުސްތަފާ އިބްރާހިމް އާއި ގަލޮޅު އިތުރު ދާއިރާގެ އެމްޑީޕީ މެންބަރު މުހައްމަދު އިބްރާހިމް އާއި އައްޑޫ މީދޫ ދާއިރާގެ މިނިވަން މެންބަރު އަބްދުއްރަހުމާން އެވެ.

Advertisement

މިއަދުގެ ކޮމިޓީގައި އެހައި އަވަސް އަރުވާލައިގެން އެ ބިލު ފާސް ކުރުމުގެ ބަދަލުގައި ވަގުތު ދީގެން، ކަމާ ގުޅުންހުރި ފަރާތްތަކާ ވާހަކަދައްކައި ފަރާތްތަކުގެ ހިޔާލާއެކު ކުރިއަށް ދިޔުމަށް އަބްދުއްރަހުމާން އެދިވަޑައިގެންނެވި އެވެ.

ނަމަވެސް ސަރުކާރަށް ތާއީދު ކުރައްވާ މެންބަރުން އެކަމާ ދެކޮޅު ހައްދަވައި ވިދާޅުވީ މަޖިލީހުގެ މަސައްކަތަކީ ގާނޫނު އިސްލާހު ކުރުން ކަމަށެވެ. އެ އިސްލާހުތަކާ އެއްގޮތަށް ތަންފީޒު ކުރުމަކީ ތަންފީޒީ އިދާރާތަކަށް އޮންނަ ކަމެއް ކަމަށެވެ.

ބިލުގައިވާގޮތުން މި އިސްލާހާއެކު ރާއްޖެއަށް އިލެކްޓްރޯނިކް ސިނގިރޭޓާއި ވޭޕު އަދި ވޭޕުކުރަން ބޭނުންކުރާ ތަކެތި އެތެރެކުރުން މިމަހުގެ 15 އިން ފެށިގެން މަނާ ވާނެ އެވެ. އަދި އެ ތަކެތި ބޭނުން ކުރުން އަންނަ މަހުގެ 15 ވަނަ ދުވަހުން ފެށިގެން މަނާ ވާނެ އެވެ.

މި އިސްލާހު މަޖިލީހުގެ ތަޅުމުން ފާސް ކޮށްފިނަމަ ވޭޕާއި ވޭޕު ކުރަން ބޭނުން ކުރާ ތަކެތި ރާއްޖެއަށް އެތެރެ ކުރާ މީހަކު 50،000ރ. އިން ޖޫރިމަނާކުރެވޭނެ އެވެ. އަދި، އެތެރެކުރާ ކޮންމެ ވޭޕަކަށް އިތުރު 10،000ރ. ގެ މަގުން ޖޫރިމަނާ އިތުރުކުރެވޭނެ އެވެ.

މީގެއިތުރުން، މި އިސްލާހާއެކު ރާއްޖޭގައި ވޭޕު ވިއްކާ ކޮންމެ ފަރާތެއް ޖޫރިމަނާ ކުރެވޭނީ 20،000ރ. އިންނެވެ. އަދި، ވިއްކި ކޮންމެ ވޭޕަކަށް 10،000ރ. ގެ ޖޫރިމަނާއެއް ކުރެވޭނެ ކަމަށްވެސް ބިލުގައިވެ އެވެ.

ވޭޕު މަނާކުރުމަށްފަހު ހިލޭ ވޭޕެއް މީހަކަށް ދިނަސް 10،000ރ. ގެ ޖޫރިމަނާއެއް އަދި ބޭނުންކުރާ ކޮންމެ މީހަކަށް 5،000ރ. ގެ ޖޫރިމަނާއެއް އަންނާނެ ކަމަށްވެސް ސަރުކާރުން ހުށަހެޅި ބިލުގައި ބުނެފައިވެ އެވެ.

ވޭޕު މަނާކުރުމުގެ އިތުރުން ސިނގިރޭޓު އަދި އެހެން ވަސީލަތްތައް ބޭނުންކޮށްގެން ދުންފަތުގެ އިސްތިއުމާލު ކުރުން ކޮންޓްރޯލް ކުރުމާއި ދުންފަތުގެ ބާވަތްތައް ރާއްޖެ އެތެރެކުރުމާއި ވަގަށް ސްމަގްލް ކުރުން ހުއްޓުވުމަށް ވެސް މި ބިލުގައި ގިނަ ކަންތައްތަކެއް ހިމަނާފައިވެ އެވެ.

އޭގެއިތުރުން ދެން މި ބިލުގައި ހިމެނެނީ ދުންފަތުގެ މުއާމަލާތް ކުރެވޭ އެންމެ ހަގު އުމުރަކީ 21 ކަމަށް ކަނޑައެޅުމަށް އޮތް އިސްލާހެކެވެ.

މި ބިލު ފާސްވެ ތަސްދީގުކުރުމަށް ނަގާ މުއްދަތުގައި ވޭޕާއި އިލެކްޓްރިކް ސިނގިރޭޓުން ނަގާ އިމްޕޯޓު ޑިއުޓީ ބޮޑުކުރަން އެކްސްޕޯޓު އިމްޕޯޓުގެ ގާނޫނަށް މަޖިލީހުން ގެނައި އިސްލާހަށް މިހާރު ވަނީ އަމަލު ކުރަން ފަށައިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox