ރުކުގެ އާ ޖީލު ކެރެލާއިން ރާއްޖެއަށް، ކުރު މުއްދަތެއްގައި ފޯދޭނެ

އިންޑިއާއިން ގެނައި ރުއްތައް ހދ. ކެނޑިކުޅުދޫގައި އިންދަނީ: އެ ރަސްމިއްޔާތުގައި އެގްރިކަލްޗާ މިނިސްޓަރު ޑރ. ހުސެއިން ރަޝީދު ހަސަން ވެސް ބައިވެރިވެވަޑައިގެންނެވި -- ފޮޓޯ/މިނިސްޓްރީ

އިންޑިއާއިން ގެނައި ރުއްތައް ހދ. ކެނޑިކުޅުދޫގައި އިންދަނީ: އެ ރަސްމިއްޔާތުގައި އެގްރިކަލްޗާ މިނިސްޓަރު ޑރ. ހުސެއިން ރަޝީދު ހަސަން ވެސް ބައިވެރިވެވަޑައިގެންނެވި -- ފޮޓޯ/މިނިސްޓްރީ

ދިގު ރުއްތަކުން މަލަމަތި ފެވިފައި އޮންނަ ހދ. ވައިކަރަދޫ އަކީ މީގެ ވިއްސަކަށް އަހަރު ކުރިން ރާއްޖޭގައި ފެތުރެން ފެށި ރުއްތަކަށް ޖެހޭ ބަލީގެ އަސަރު އެންމެ ބޮޑަށް ކުރި އެއް ރަށެވެ. ބަލީގައި ގިނަ ރުއްތަކެއް މަރުވެފައިވާއިރު، އެއާ އެއްވަރަށް ރުއް އާލާ ނުކުރެވެ އެވެ. ރުއް ހުއްޓަސް، ކާއްޓާއި ކުރުނބަލަށް ދައްޗެވެ.

އެ ރަށުގައި މިހާރު ހުރި ގިނަ ރުއްތަކަކީ ވެސް 40-50 ވަރަކަށް އަހަރުވެފައި ހުރި ރުއްތަކެވެ. ކުރިއާ އަޅާބަލާއިރު ކާއްޓާއި ކުރުނބާ ލިބުން މަދުތޯ އެ ރަށު ކައުންސިލުގެ ރައީސް މުހައްމަދު ޒަމީރާ ސުވާލު ކުރުމުން ވިދާޅުވީ، "ކުރިން ލިބުނު ވަރާ ގާތަށް ވެސް ނުލިބޭ" ކަމަށެވެ.

މި ހާލަތު އެހެން ރަށްރަށަށް ވެސް މަޑުމަޑުން ދިމާވަމުންދާތީ، ރާއްޖޭގެ ރަށްތަކުގައި ރުކުގެ "އާ ޖީލެއް" އުފެއްދުމަށް އެގްރިކަލްޗާ މިނިސްޓްރީއިން ވަނީ ފަށައިފަ އެވެ. އެ މަޝްރޫއުގެ ދަށުން އެންމެ ފުރަތަމަ ރުއް އިންދާފައި ވަނީ ވައިކަރަދޫގަ އެވެ.

Advertisement

ވައިކަރަދޫގައި އާ ރުއް ދަނޑެއް ހެދޭ ވަރަށް 300 އެއްހާ ރުއް އިންދާފައިވާއިރު، މިނިސްޓްރީއިން ބުނަނީ އެ ފުރުސަތު ހުރިހާ ރަށަކަށް ވެސް އެބަ އޮތް ކަމަށެވެ.

ކެރެލާއިން 5000 "ޑްވާފް" ރުއް!

ރާއްޖޭގައި ރުކުގެ އާ ޖީލެއް އުފައްދަން ރުއް އާލާކުރުމުގެ ޕްރޮގްރާމެއް އެގްރިކަލްޗާ މިނިސްޓްރީއިން ފަށާފައި ވަނީ އިންޑިއާގެ ކެރެލާއިން ރުއް ގެނެސްގެންނެވެ. ކެރެލާއިން 5000 ކުދި ރުއް ގެނެސްފައިވާއިރު، އެކަމަށް ހަރަދު ކުރީ ގްރީން ފަންޑުންނެވެ. އެކަމަށް ގްރީން ފަންޑުން ކުރި ހަރަދު އަދި އެނގިފައި ނުވެ އެވެ.

މިނިސްޓްރީގެ ކޮމިއުނިކޭޝަން ޑިރެކްޓަރު ނަސްރުﷲ ވިދާޅުވި ގޮތުގައި ކެރެލާއިން ގެނައި ވަރަށް ތިރިކޮށް ހެދޭ "ޑްވާފް ކޮކޮނަޓް" ރުއްތައް އެންމެ ބޮޑުވުމުން ވެސް ހުންނާނީ 15 ވަރަކަށް ފޫޓެވެ. އެއީ ރާއްޖޭގައި މިހާރު ވެސް ހުންނަ ބާވަތެވެ.

އިންޑިއާއިން ގެނައި ރުއްތައް ރ. ފައިނުގައި އިންދަނީ -- ފޮޓޯ/މިނިސްޓްރީ
އިންޑިއާއިން ގެނައި ރުއްތައް ރ. ފައިނުގައި އިންދަނީ -- ފޮޓޯ/މިނިސްޓްރީ

އިންޑިއާއިން ގެނައި ރުއްތައް ރ. ފައިނުގައި އިންދަނީ -- ފޮޓޯ/މިނިސްޓްރީ

އެ ރުއްތައް ދެ އަހަރާއި ބައިގެ ތެރޭގައި ފޯދި އޭގައި ކުރުނބާ އަޅާނެ ކަމަށް އޭނާ ވިދާޅުވި އެވެ. އެއީ އެހެން ރުއްތަކާ އަޅާ ބަލާއިރު ވަރަށް އަވަހެވެ. އަދި, އެ ރުއްތަކުގައި އަޅާ ކުރުނބަލުގެ އޮށް ބޮޑު ވާނެ ކަމަށް ވެސް ވިދާޅުވި އެވެ.

"މިއީ ވަރަށް ކުޑަކުޑަ އިރުގައި ވެސް ފޯދޭ ރުއްތަކެއް. ދެ އަހަރާއި ބައި ވަރުން އެ ރުއްތައް ފޯދި ކުރުނބާ ލިބެން ފަށާނެ. ވަރަށް ކުރު މުއްދަތެއްގައި ފޯދޭ ރުއްތަކެއް ހޯދޭތޯ އަޅުގަނޑުމެން ބެލީ," އޭނާ ވިދާޅުވި އެވެ.

އެ ރުއްތައް ގެނެސްފައި ވަނީ އޭގައި އެއްވެސް ބައްޔެއް ހުރިތޯ ބަލާފައި ކަމަށް މިނިސްޓްރީިން ބުނެ އެވެ. އެގޮތުން, ހދ. ހަނިމާދޫގައި ހުންނަ މިނިސްޓްރީގެ އެގްރިކަލްޗާ ސެންޓަރުގައި އެ ރުއްތައް ކަރަންޓީނުކޮށްފައި ބައްޔެއް ނެތްކަން ޔަގީން ކުރި އެވެ.

ރުކުގެ އާ ޖީލެއް ބޭނުންވަނީ ކީއްވެ؟

ވައިކަރަދޫގެ އިތުރުން ރާއްޖޭގެ ގިނަ ރަށްރަށުގައި ވެސް ރުއްތަކަށް ދުވަސްވެފައިވާއިރު، ބަލި ޖެހުމުގެ މައްސަލަ ވެސް ވަރަށް ބޮޑެވެ. އެހެންވެ، ކުރުނބާ އާއި ކާށި ލިބޭ މިންވަރު އިތުރުކޮށް، ޑިމާންޑާ އެއްހަމަ ކުރަން ރުކުގެ އާ ޖީލެއް އުފައްދަން ޖެހިފައިވާ ކަމަށް އެގްރިކަލްޗާ މިނިސްޓްރީން ބުނެ އެވެ.

ނަސްރުﷲ ވިދާޅުވި ގޮތުގައި، ބަލިތައް ޖެހޭތާ މިހާރު އަހަރުތަކެއް ވެފައިވާ ނަމަވެސް، ފަހަކަށް އައިސް އެ މައްސަލަ ވަރަށް ބޮޑެވެ. ކޫޑި ފަދަ ބަލިތަކާއި މަޑީގެ މައްސަލަ ވެސް އެހާމެ ބޮޑެވެ.

ބަލި ޖެހުމުގެ އަސަރު އެންމެ ބޮޑަށް ކުރި ރަށްތަކުގެ ތެރޭގައި ވައިކަރަދޫގެ އިތުރުން ކ. ކާށިދޫ، ހަނިމާދޫ އަދި ކުމުންދޫ ވެސް ހިމެނެ އެވެ. އެއީ ބޯކޮށް ރުއް ހެދިފައިވާ ހުރި ރަށްރަށެވެ.

އޭނާ ވިދާޅުވި ގޮތުގައި، މީގެ ކުރިން މިނިސްޓްރީން ވަނީ އެ މައްސަލަ ހައްލު ކުރަން ބައެއް ރަށްތަކަށް ބޭސް ފޮނުވާފަ އެވެ. އެ ބޭސްތައް ބޭނުންކޮށްގެން ބައެއް ރަށްރަށުގެ ހާލަތު ރަނގަޅުވި ކަމަށް ވެސް އޭނާ ވިދާޅުވި އެވެ.

އެކަމަކު، ބޭސް ޖަހައިގެން އެކަނި ވާކަށް ނެތެވެ. ރާއްޖޭގެ ގިނަ ރުއްތަކަށް މިހާރު ސާޅީހަކަށް އަހަރުވެފައިވާއިރު، އެ ރުއްތަކުން ހެދޭ ކުރުނބާގެ ސައިޒު ވެސް ކުޑަކަން ވަނީ ފާހަގަކުރެވިފަ އެވެ. އެއީ ނަސްރުﷲ ވިދާޅުވި ގޮތުގައި ރާއްޖޭގައި ރުކުގެ އާ ޖީލެއް އުފެއްދުން މުހިންމުވާ އަނެއް ސަބަބެވެ. އަދި, ރާއްޖޭން ބޭރުން ރުއްތައް ހޯދަން ޖެހުނީ ވެސް އެހެންވެ އެވެ.

އޭގެ އިތުރުން، ތަރައްގީގެ މަޝްރޫއުތައް ފަދަ ކަންކަމަށް ރުއްތައް ކަނޑާއިރު، އެއާ އެއްވަރަށް ރުއް އާލާކުރުމުގެ މަސައްކަތެއް ގައުމީ ފެންވަރެއްގައި ނުކުރެވޭކަން ވެސް ފާހަގަކުރެއްވި އެވެ.

"ރުއް އިތުރަކަށް އާލާކުރެވިފައެއް ނެތް އެއްވެސް ބަޔަކަށް ވެސް. އަސްލު ކުދި ރަށްތަކުގައި ކުދިކުދި ޕްރޮގްރާމުތައް ހިންގާ. އެކަމަކު ރުއް ކަނޑާ ވަރަކަށް އާލާ ނުކުރެވޭ،"

ކުރުނބާ އާއި ކާއްޓަށް އަބަދުވެސް ޑިމާންޑު އޮންނަ އިރު، އެވަރަށް ސަޕްލައި ނުލިބުމުން ބާޒާރުގައި އަގު އުފުލެ އެވެ. އެގޮތުން, މިދިޔަ ރޯދަ މަހު ވެސް ވަކި ހިސާބަކުން ކުރުނބާއެއްގެ އަގު 50-60ރ. އަށް އަރާފައިވެ އެވެ.

ރުކަށް އެދެން ހުޅުވާލާފައި

ބަލީގެ މައްސަލަ ބޮޑު ރަށްތަކުގެ އިތުރުން ވެސް އިންޑިއާއިން ގެނައި ރުއްތައް އިންދަން ބޭނުންވާ އެހެން ރަށްތަކުން މިނިސްޓްރީގައި އެކަމަށް އެދުމުގެ ފުރުސަތު އެބަ އޮތް ކަމަށް ނަސްރުﷲ ވިދާޅުވި އެވެ.

އޭނާ ވިދާޅުވީ، އެ ރަށެއްގެ ކައުންސިލުން ލޭންޑް ޔޫސް ޕްލޭންގައި ރުއް އިންދުމަށް ބިމެއް ދެއްކުމުން އެކަމަށް ބޭނުންވާ ރުއްތައް އެ ރަށަކަށް ފޮނުވާނެ ކަމަށެވެ. ރަށްތަކަށް ރުއް ފޮނުވުމަށް ހަމަޖެހިފައި ވަނީ އެ ރަށަކުން ހަމަޖައްސާ ބިމުގެ ސައިޒަށް ބަލާފަ އެވެ. އެތަނުގައި ހުންނަ ރުއްތައް ބަލަހައްޓާނީ ކައުންސިލުތަކުން ރައްޔިތުންނާ ގުޅިގެންވެ.

އިންޑިއާއިން ގެނައި ރުއްތައް މިހާތަނަށް އިންދި ރަށްތަކުގެ ތެރޭގައި ވައިކަރަދޫގެ އިތުރުން، ރ. ހުޅުދުއްފާރު، ހދ. ނޭކުރެންދޫ، ހދ. ނޭކުރެންދޫ އަދި ހއ. ހޯރަފުށި ހިމެނެ އެވެ.

ރ. ހުޅުދުއްފާރުގައި ރުއް އިންދުމުގެ މަސައްކަތް ކުރިއަށްދަނީ
ރ. ހުޅުދުއްފާރުގައި ރުއް އިންދުމުގެ މަސައްކަތް ކުރިއަށްދަނީ

ރ. ހުޅުދުއްފާރުގައި ރުއް އިންދުމުގެ މަސައްކަތް ކުރިއަށްދަނީ

ނަސްރުﷲ ވިދާޅުވި ގޮތުގައި އެ ރުއްތަކުން ލިބޭ ކާއްޓާއި ކުރުނބާ ރައްޔިތުންނަށް ފޯރުކޮށްދިނުމުގެ އިތުރުން، ކައުންސިލުތަކަށް އޭގެ ވިޔަފާރިކޮށްގެން ނަފާ ވެސް ހޯދޭނެ ކަމަށެވެ.

ކައުންސިލުން ހަމަޖައްސާ ބިމެއްގައި ރުއްތައް އިންދާނީ ރުއް ދަނޑެއްގެ ގޮތުގަ އެވެ. އެތަނުގައި ރުއްތައް އިންދާނީ އެކަތި އަނެކަތީގެ ފަން ނުޖެހޭހާ ދުރުމިނުގަ އެވެ. ބޭނުމަކީ ރުކަކަށް ބަލި ޖެހިއްޖެ ހާލަތެއްގައި އެހެން ރުއްތަކަށް ފެތުރިޔަ ނުދިނުމެވެ.

"ރުއް ދަނޑެއް އަޅާލުން އަސްލު އަޅުގަނޑުމެންގެ މަގުސަދަކީ ރަށްރަށުގައި," ނަސްރުﷲ ވިދާޅުވި އެވެ.

މީގެ ކުރިން ވެސް ރާއްޖެއިން ބޭރުން ރުއް ގެނެސްގެން ރަށްރަށުގައި އިންދާފައި އެބަ ހުއްޓެވެ. އެގޮތުން މެލޭޝިއާއިން ގެނައި ރުއްތަކެއް ވެސް މީގެ އަހަރުތަކެއް ކުރިން ރާއްޖޭގައި އިންދި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox