މާލޭގައި ފިރިހެނެއްގެ ކަރަށް ވަޅި ހަރައި ޒަހަމްކޮށްލައިފި އެވެ.
ފުލުހުން ބުނެފައިވަނީ ފިރިހެނަކަށް އަނިޔާވެގެން އޭޑީކޭގައި ފަރުވާ ދެމުންދާ ކަމުގެ މައުލޫމާތު ލިބިފައިވާ ކަމަށެވެ.
މި މައްސަލާގައި ބަލަން ޖެހޭ ކަންކަން ބަލަމުން އަންނަ ކަމަށް ފުލުހުން ބުންޏެވެ. މީހަކު ހައްޔަރުކޮށްފައިވާ ކަމެއް އަދި ނުކުރާ ކަމެއްވެސް ނޭނގޭއިރު އިތުރު ތަފްސީލެއް ފުލުހުން ނުދެ އެވެ.
އޭޑީކޭ ހޮސްޕިޓަލްގެ ޗީފް މެޑިކަލް އޮފިސަރު ޑރ. އަބްދުﷲ ނިޔާފު ވިދާޅުވި ގޮތުގައި ކަރަށް ލިބުނު ޒަހަމްތަކަކާ އެކު ރޭ މެންދަމު ގާތްގަނޑަކަށް 3:15 ހާއިރު އެ ހޮސްޕިޓަލަށް ގެންދިޔަ ކަމަށެވެ.
އެމަޖެންސީ ރޫމުގައި ފަރުވާ ދިނުމަށް ފަހު ހާލަތު ރަނގަޅުވުމުން އާއިލާއިން އެދިގެން އޭނާ ހޮސްޕިޓަލުން ދޫކޮށްލާފައިވާ ކަމަށް އޭޑީކޭއިން ބުންޏެވެ.
