އޭ-ލެވަލް އިމްތިހާނު ކޭމްބްރިޖަށް ބަދަލުކުރީ ފަސޭހަކުރަން، އެކަމަކު ފެންވަރު ދަށް ނުވާނެ: އެޑިޔުކޭޝަން

އިސްކަންދަރު ސްކޫލްގެ ދަރިވަރުންތަކެއް އޯލެވަލް އިމްތިހާނު ހަދަނީ: ކޭމްބްރިޖް ސިލަބަސްއަށް އޭ-ލެވަލް ކުދިން ކިޔަވާނީ އަންނަ އަހަރުން ފެށިގެން. -- ފޮޓޯ: ހުސެއިން ވަހީދު/އަދަދު

އިސްކަންދަރު ސްކޫލްގެ ދަރިވަރުންތަކެއް އޯލެވަލް އިމްތިހާނު ހަދަނީ: ކޭމްބްރިޖް ސިލަބަސްއަށް އޭ-ލެވަލް ކުދިން ކިޔަވާނީ އަންނަ އަހަރުން ފެށިގެން. -- ފޮޓޯ: ހުސެއިން ވަހީދު/އަދަދު

މަތީ ސާނަވީ ތައުލީމު ނިންމާ އިމްތިހާނުގެ ގޮތުގައި ކުރިން ހަދަމުން އައި އެޑެކްސެލް އިމްތިހާނުގެ ބަދަލުގައި ކޭމްބްރިޖް ހަދާގޮތަށް ބަދަލުކުރީ ފުޅާދާއިރާއެއްގައި މަޝްވަރާކުރުމަށްފަހު ހުރިހާ ދަރިވަރުންނަށާއި މުދައްރިސުންނަށް ފަސޭހައަކަށް ކަމަށް އެޑިޔުކޭޝަން މިނިސްޓްރީން މިއަދު ބުނެފި އެވެ.

އޭ-ލެވަލް އިމްތިހާނު ބަދަލުކުރުމާ ގުޅިގެން މިނިސްޓްރީޏް ބުނީ އަންނަ އަހަރުން ފެށިގެން މަތީ ސާނަވީ ގްރޭޑުތަކުގައި، އެއީ ގްރޭޑު 11 އަދި 12 ގައި، ކިޔަވައިދޭނީ މިހާރު ވެސް އޯލެވަލްގައި ކިޔަވައިދޭ ކޭމްބްރިޖް ސިލަބަހަށް ކަމަށެވެ.

މިބަދަލާ ގުޅިގެން މިނިސްޓްރީއަށް އަމާޒުވަމުންދާ ފާޑުކިިޔުންތަކަށް ރައްދުދެމުން އެޑިޔުކޭޝަނުން ބުނީ މިއީ ކުއްލިއަކަށް ނިންމި ނިންމުމެއް ނޫންކަން ސާފުކޮށްދެމުން މިކަމަށް މަޝްވަރާކުރާތާ އަހަރުތަކެއް ވެފައިވާ ކަމަށް ބުނެފަ އެވެ.

Advertisement

އެގޮތުން މީޑިއާތަކާ ހިއްސާކުރި މެސެޖެއްގައި އެޑިޔުކޭޝަނުން ބުނި ގޮތުގައި މިއީ އޯލެވަލްގައި ކޭމްބްރިޖް އިމްތިހާނު ހެދުމަށް ފަހު އޭލެވަލްގައި އެޑެކްސެލް މާއްދާތައް ކިޔަވަން ޖެހުމުން ދަރިވަރުންނަށް ދިމާވާ ދަތިތައް ހައްލުކުރުމާ ގުޅޭގޮތުން 2019 ވަނަ އަހަރުގެ ކުރީކޮޅުގައި ބޭއްވުނު ކަރިކިޔުލަމް ރިވިއު ސިމްޕޯސިއަމްގަައި ސްކޫލުތަކުގެ ޕްރިންސިޕަލުންނާއި، ލީޑިން ޓީޗަރުންނާއި އަދި ޓީޗަރުންނާއެކު ކުރެވުނު މަޝްވަރާތަކުގެ އަލީގައި ނިންމި ނިންމުމެކެވެ.

މި ބަދަލު ގެންނަން ނިންމި އެހެން ސަބަބުތައް ފާހަގަކުރަމުން އެޑިޔުކޭޝަނުން ބުނީ ކޭމްބްރިޖް އިމްތިހާނަކީ ބައިނަލްއަގުވާމީ މުޖުތަމައަށް ހާއްސަ އިސްކަމެއްދޭ، އަދި ބައިނަލްއަގުވާމީ ދަރިވަރުންނަށް ހާއްސަ އިމްތިހާނެއް ކަމަށެވެ. އަދި ކޭމްބްރިޖްގެ އޭ-ލެވަލްއަކީ ލީނިއާ އިމްތިހާނަކަށް ވުމުން ކިޔަވައިދިނުމަށާއި އިމްތިހާނަށް ރަނގަޅަށް ތައްޔާރުވުމަށް އެކަށީގެންވާ ވަގުތު ލިބި، ދަރިވަރުން އުނގެނޭ މަފްހޫމްތައް އެކަތިއަނެކައްޗާ ގުޅުވުމަށް މާބޮޑަށް ފަސޭހަވެ، ދަރިވަރުންގެ ޖުމުލަ ނަތީޖާ ރަނގަޅުވެ މުޖުތަމަޢަށް ލޯ ހުޅުވޭމިންވަރު ބޮޑުކަން ފާހަގަކުރެވިފައިވާ ކަމަށެވެ.

އޭގެ އިތުރުން މިއީ އިމްތިހާނުގެ ކަންކަން ރާވައި ހިންގަން ޑިޕާޓްމަންޓް އޮފް ޕަބްލިކް އެގްޒެމިނޭޝަންސް އަދި ސްކޫލުތަކަށް އެތައް ފަސޭހަތަކެއް ލިބިގެން ދާނެ ކަމެއްގެ ގޮތުގައި މިނިސްޓްރީއަށް ފާހަގަވާ ކަމަށް ވެސް ބުންނެވެ.

ކޭމްބްރިޖް އިމްތިހާނަށް ބަދަލުކުރުމާ ގުޅުވާ މިނިސްޓްރީއަށް އަމާޒުވީ އަނެއް ފާޑުކިޔުމަކީ ކޭމްބްރިޖަކީ އެޑެކްސެލްއަށް ވުރެ ފެންވަރު ދަށް ނުވަތަ ފެންވަރުގައި ތަފާތުތަކެއް އުޅޭ އިމްތިހާނެއް ކަމަށް ބައެއް މީހުން ބުނުމެވެ. މިކަމާ ގުޅުވާ އެޑިޔުކޭޝަނުން ބުނީ ފެންވަރުގައި ތަފާތެއް ހުރިކަަމަށް ފާހަގަކުރެވިފައި ނުވާ ކަމަށާއި މި ދެ އިމްތިހާނުގެ ނަތީޖާއަކީ ވެސް ބައިނަލްއަގުވާމީ ފެންވަރުގައި ބަލައިގަންނަ ނަތީޖާތަކެއް ކަމަށެވެ.

އަންނަ އަހަރުން ފެށިގެން ކޭމްބްރިޖް ސިލަބަސް ފެށި ނަމަވެސް މި އަހަރު މަތީ ސާނަވީ ގްރޭޑް 11 ގައި ކިޔެވުން ފަށާ ދަރިވަރުންގެ އިމްތިހާނުތަކަށް އެއްވެސް ބަދަލެއް ނާންނާނެ ކަމަށް މިނިސްޓްރީން ވަނީ އަންގާފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox