ރިސޯޓު ޖޭވީތަކުގައި ހިމެނޭ ސަރުކާރުގެ ހިއްސާ ވިއްކޭނެ ގަވާއިދު އެކުލަވާލައިފި

ޝަންގްރިއްލާ ވިލިގިލި ރިސޯޓު އެންޑް ސްޕާ: ސަރުކާރު ހިއްސާވާ ގޮތަށް ޖޭވީއެއް ހަދައިގެން ތަރައްގީކުރި ފުރަތަމަ ރިސޯޓަކީ މިއީ. -- ފޮޓޯ: ޝަންގްރިއްލާ ހޮޓެލްސް

ޝަންގްރިއްލާ ވިލިގިލި ރިސޯޓު އެންޑް ސްޕާ: ސަރުކާރު ހިއްސާވާ ގޮތަށް ޖޭވީއެއް ހަދައިގެން ތަރައްގީކުރި ފުރަތަމަ ރިސޯޓަކީ މިއީ. -- ފޮޓޯ: ޝަންގްރިއްލާ ހޮޓެލްސް

ޓޫރިސްޓު ރިސޯޓުގެ ގޮތުގައި ރަށްރަށާއި ބިންބިމާއި ފަޅު ތަރައްގީ ކުރުމަށް ކުއްޔަށް ދޫކުރުމަށް ޓަކައި، ދިވެހި ސަރުކާރުގެ ހިއްސާ ހިމެނޭގޮތަށް ހަދާފައިވާ ޖޮއިންޓް ވެންޗާ (ޖޭވީ) ކުންފުނިތަކުގައި ހިމެނޭ ސަރުކާރުގެ ހިއްސާ ވިއްކައިލުމާ ބެހޭ ގަވާއިދު އެކުލަވާލައި މިއަދު އާންމުކޮށްފި އެވެ.

މި ޖޭވީ ކުންފުނިތަކަކީ ޓޫރިޒަމް ގާނޫނުގެ ފަސްވަނަ މާއްދާގައި ބުނާ ގިނަ ބަޔަކު ބައިވެރިވާ ބީލަން މަރުހަލާއަށް ނުގޮސް ރަށްތައް ކުއްޔަށް ދޭން ހަދާފައިވާ ކުންފުނިތަކެވެެ. ޓޫރިޒަމް ވިޔަފާރިތަކަށާއި ޓޫރިޒަމް ދާއިރާއަށް އަންނަ އިންވެސްޓްމަންޓުތަކަށް ފަހިކޮށްދިނުމުގެ މަގުސަދުގައި ކަމަށް ބުނެ އެކި ސަރުކާރުތަކުން މިގޮތަށް ކުންފުނި ހަދައިގެން ރަށްތައް ކުއްޔަށް ދީފައިވެ އެވެ.

މިފަދަ 45 ކުންފުންޏެއް އޮތް ކަމަށް ސަރުކާރުން މީގެކުރިން ހާމަކޮށްފައިވާއިރު މި ކުންފުނިތަކުގައި ސަރުކާރުގެ ހިއްސާ އޮވެގެންވާ ފައިދާއަށް ވުރެ ކުރިމަތިވާ ހުރަސްތައް ގިނަ ކަމަށް ފިނޭންސް މިނިސްޓްރީން ބުނެފައިވެ އެވެ.

Advertisement

މި ގަވާއިދުގެ ދަށުން ފިނޭންސް މިނިސްޓަރަށް ވަނީ ގިނަ އިހުތިޔާރުތަކެއް ދީފަ އެވެ. އެގޮތުން، އެ ކުންފުންޏެއްގައި އޮންނަ ސަރުކާރުގެ ހިއްސާ ގަތުމަށް އެދި ބަޔަކު ފިނޭންސް މިނިސްޓްރީއަށް ހުށަހަޅައިފިނަމަ، އެ ހިއްސާ ވިއްކާލުމަށް ނިންމާނީ ރައީސުލްޖުމްހޫރިއްޔާގެ ލަފާގެ މަތިން ފިނޭންސް މިނިސްޓަރު ކަމަށް ބަޔާންކޮށްފައިވެ އެވެ. އަދި، އެ ނިންމުން ޕްރައިވަޓައިޒޭޝަން އެންޑް ކޯޕަރައިޓޭޒަޝަން ބޯޑު (ޕީސީބީ) އާ ހިއްސާކުރަން ޖެހެ އެވެ.

ހިއްސާ ވިއްކާލުމުގެ ކުރިން ހިއްސާގެ އެންމެ ދަށް އަގު ކަނޑައަޅަން ޖެހެނީ އެ ކުންފުންޏެއްގެ ދަށުގައި ހުރި ހުރިހާ ހަރު މުދަލަކާއި، ރަށް ނުތަވަ ފަޅު ހިމެނޭ ގޮތުން، މުސްތަގިއްލު ވެލިއުއާއެއް މެދުވެރިކޮށް ހަދާ ވެލުއޭޝަނަކުންނެވެ.

އެ އަގުގެ ތެރޭގައި ޖޭވީއަށް ދޫކޮށްފައިވާ ފަޅު، ރަށް ނުވަތަ ބިމުގެ އެކިއުޒިޝަން ފީ އާއި ބިމު ކުލީގެ ގޮތުގައި ދައްކަން ޖެހޭ މިންވަރާއި، އިންވެސްޓްމަންޓު ވެލިއު އަދި ހިއްސާ ވިއްކާލުމުން ކުރިއަށް އޮތް ފަސް އަހަރުގެ ތެރޭގައި ސަރުކާރަށް ލިބިދާނެ ކަމަށް ލަފާކުރެވޭ އާމްދަނީ އާއި އޮޕޮޗުނިޓީ ކޯސްޓަށް ރިއާޔަތްކުރަން ޖެހޭ ކަމަށް ބަޔާންކޮށްފައިވެ އެވެ.

ސަރުކާރުގެ ފަރާތުން ހިއްސާ ވިއްކާލުމުގެ އެއްބަސްވުމުގައި ސޮއިކުރާނީ ފިނޭންސް މިނިސްޓަރު ކަމަށް ބަޔާންކޮށްފައިވެ އެވެ. ހިއްސާ ގަންނަ ފަރާތުން އެއްފަހަރާ ފައިސާ ދެއްކުން ނުވަތަ ބައިބަޔަށް ބަހާލައިގެން ވަކި މުއްދަތެއްގެ ތެރޭގައި ދެއްކުމުގެ އިހުތިޔާރު ވެސް ފިނޭންސް މިނިސްޓަރަށް ދެވޭނެ އެވެ. އަގު އަދާކުރުމަށް ހިއްސާ ގަންނަ ފަރާތަށް އެންމެ ދިގު މުއްދަތެއްގެ ގޮތުގައި ދެވޭނީ 18 މަސް ދުވަސް ކަމަށް ގަވާއިދުގައި ބަޔާންކޮށްފައިވެ އެވެ.

ޓޫރިޒަމްގެ ގާނޫނަށް ހުށަހެޅި އިސްލާހުތަކާ ގުޅޭގޮތުން ރައްޔިތުންގެ މަޖިލީހުގެ އިގުތިސޯދީ ކޮމިޓީގައި ވާހަކަ ދައްކަވަމުން ފިނޭންސް މިނިސްޓްރީން ވަނީ މިފަދަ ޖޭވީ ކުންފުނިތަކުން ސަރުކާރަށް މާ ބޮޑު ފައިދާއެއް ނުވާ ކަމަށާއި އަދި، ބައެއް އެއްބަސްވުންތަކުގައި ސަރުކާރު ހިއްސާ ހިލޭ ދޫކުރަން މަޖުބޫރުކޮށްފައި އޮތް ކަމަށް ވެސް ހާމަކޮށްފަ އެވެ.

ހިއްސާ ވިއްކާލަން ކުރިން ހުރި ހުރަސްތައް

މި ސަރުކާރުން 2020 ގައި ޓޫރިޒަމް ގާނޫނަށް ގެނައި އިސްލާހުގައި ބަޔާންކޮށްފައި އޮތް ފޯމިއުލާގެ ގޮތުން ހިއްސާ ވިއްކާލުމަށް ގޮންޖެހުންތަކަކާ ކުރިމަތިލާން ޖެހުނެ އެވެ.

މި ފޯމިއުލާގައި ބުނަނީ ޓޫރިސްޓޫ ރިސޯޓެއްގެ ގޮތުގައި ތަރައްގީ ކުރުމަށްޓަކައި ސަރުކާރު ހިމެނޭގޮތަށް ހެދިފައިވާ ޖޭވީ ކުންފުނިތަކުގައި ހިމެނޭ ސަރުކާރުގެ ހިއްސާ އަގުކުރާނީ ބިމުގަ ބޮޑުމިނުގެ ކޮންމެ އަކަމީޓަރަކަށް އެ ކުންފުނީގައި ހިމެނޭ ސަރުކާރުގެ ހިއްސާގެ ކޮންމެ ޕަސަންޓަކަށް ފަސް އެމެރިކާ ޑޮލަރު މަގުން ކަމަށެވެ.

އެކަމަކު މިހެން އަގުކުރުމުން އާ ރަށެއް ކުއްޔަށް ނެގުމާ އެއްވަރުގެ ހަރަދެއް ހިނގާ ކަމަށާއި، މާކެޓް ވެލިއުއަށް ބަލާއިރު މާ ބޮޑު އަގެއް ދައްކަން ޖެހެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox