ޕާކިސްތާނުގެ ބޮޑު ޓެރަރިސްޓަކާއި އޭނާގެ ތިން އެހީތެރިން އަފްގާނިސްތާނުގައި މަރުވެފައިވާ ކަމަަށް ރިޕޯޓުތައް ބުނެފި އެވެ.
އަަބްދުލް ވަލީ ނުވަތަ އުމަަރް ހާލިދް ހުރަސާނީގެ ބޮލަށް އެމެރިކާއިން ތިން މިލިއަން ޑޮލަރު ހުށަހަޅާފައިވެ އެވެ. އޭނާގެ މަރާއެކު ޕާކިސްތާނު ސަރުކާރުން ތެހްރީކޭ ތާލިބާން ޕާކިސްތާން (ޓީޓީޕީ) އާ އެކު ކުރާ މަޝްވަރާއަށް ހުރަސް އެޅުމުގެ ފުރުސަތު ބޮޑެވެ.
ހުރަސާނީ އާއި އޭނާގެ އެހީތެރިން މަރުވީ އަފްގާނިސްތާނުގެ އިރު ދެކުނު ޕަަކްތިއާ ޕްރޮވިންސްގައި އާދީއްތަ ދުވަހު ދަތުރު ކުރަނިކޮށް، މަގުމަތިން ބޮމެއް ގޮވައިގެންނެވެ. އެއީ ކޮން ބަޔެއް ދިން ހަމަލާއެއް ކަމެއް އަދި ސާފެއް ނުވެ އެވެ.
ހުރަސާނީ ވަނީ ޓީޓީޕީގެ ގޮތްޕެއް ކަމަށްވާ ޖަމާއަތުލް އަހްރާރްގެ ލީޑަރުކަން ކޮށްފަ އެވެ. އެއީ ޓެރަރިސްޓް ގްރޫޕެއް ކަމަަށް އެމެރިކާ އާއި އދ. އިން ކަނޑައަޅާފަައިވެ އެވެ.
ހުރަސާނީ ގްރޫޕުން ވަނީ ޕާކިސްތާނުގެ ފުލުހުންނާއި ސިފައިން، ޝިއައީންނާއި ނަސާރާއިންނަށް ގިނަ ހަމަލާތަކެއް ދީ އެތައް ސަަތޭކަ ބަޔަކު މަރައިފަ އެވެ.
އެ ގްރޫޕުން ވަނީ ދުވަސްކޮޅެއް ވަންދެން އިސްލާމިކް ސްޓޭޓް (އައިއެސް) އާ އެކު މަސައްކަަތްކޮށްފަ އެވެ. އަލުން އެނބުރި ޓީޓީޕީއާ ގުޅުނީ މިދިޔަ އަހަރު އެވެ.
އޭނާއާ އެކު މަރުވި މީހުންގެ ތެރޭގައި ހިމެނޭ މުފްތީ ހަސަންއަކީ އައިއެސްއަށް މަސައްކަތް ކުރާ އިސް ކޮމާންޑަރެއް ކަމަށް ޕާކިސްތާނުގެ އޮފިޝަލުން ބުނެ އެވެ.
