އިސްލާމިކް ސޮލިޑާރިޓީ ގޭމްސް: ކުއާޓާ ފައިނަލުގައި ރަފާ އަށް ނާކާމިޔާބު

Aug 8, 2022, 8:57 AM
އިސްލާމިކް ސޮލިޑާރީޓީ ގޭމްސްގައި މިއަދު ރާއްޖޭގެ ރަފާ ކުޅުނު މެޗުގެ ތެރެއިން.--- ފޮޓޯ: މޯލްޑިވްސް އޮލިމްޕިކް ކޮމިޓީ/ އިސްމާއިލް ތޯރިގު

އިސްލާމިކް ސޮލިޑާރީޓީ ގޭމްސްގައި މިއަދު ރާއްޖޭގެ ރަފާ ކުޅުނު މެޗުގެ ތެރެއިން.--- ފޮޓޯ: މޯލްޑިވްސް އޮލިމްޕިކް ކޮމިޓީ/ އިސްމާއިލް ތޯރިގު

ތުރުކީގެ ކޮންޏާގައި މިހާރު ކުރިއަށްދާ އިސްލާމިކް ސޮލިޑާރިޓީ ގޭމްސްގައި ޓޭބަލް ޓެނިހުގެ ސިންގަލްސް އިވެންޓްްގެ އަންހެން ކެޓަގަރީގެ ކުއާޓާ ފައިނަލުން ރާއްޖޭގެ އައިޝަތު ރަފާ ނާޒިމް ބަލިވެއްޖެ އެވެ.

މިއަދު ހެނދުނު ކޮންޏާގެ ޓުޔަޕް ފެއާ ސެންޓަރުގައި ކުރިއަށްދިޔަ އަންހެން ސިންގަލްސް ކުއާޓާ ފައިނަލް މެޗުން ކެމަރޫންގެ އެއް ވަނަ ކުޅުންތެރިޔާ، ސާރާ ގަބްރިއެލޭ އަތުން ރަފާ ބަލިވީ 3-0 ސެޓުންނެވެ.

ދުނިޔޭގެ އަންހެން ސިންގަލްސް ރޭންކިންގެ 100 ތެރޭގައި މީގެ ކުރިން ހިމެނުނު، ތަޖުރިބާކާރު ކުޅުންތެރިޔާ، ސާރާ ކައިރީގައި ޖުމްލަކޮށް ބަލާއިރު ރަފާ ވަނީ ރަނގަޅު ކުޅުމެއް ދައްކައިފަ އެވެ. ސާރާ ސެޓުތައް ގެންދިޔައީ 21-10، 11-07 އަދި 11-09 އިންނެވެ.

Advertisement

މި މެޗުގެ ފުރަތަމަ ދެ ސެޓުގައި، ސާރާ ވަނީ ރަފާ އަށް ލީޑެއް ލިބުނަނުދީ ރަނގަޅު ކުޅުމެއް ދައްކައިފަ އެވެ. އެކަމަކު، ތިން ވަނަ ސެޓު ފަށައިގެން ރަފާ ވަނީ ރަނގަޅު ލީޑެއް ނަގައިފަ އެވެ. ފަސް ޕޮއިންޓުގެ ލީޑެއް ވެސް ރަފާ އަށް ލިބުނެވެ. ރަފާ ލީޑު ދަމަހައްޓަން މަސައްކަތްކުރިއިރު، ސާރާ ވަނީ މަޑުމަޑުން ގޭމުގެ ތެރެއަށް އައިސް 9-9 އިން އެއްވަރުކޮށްފަ އެވެ. އަދި ފަހު ވަގުތު ސާރާ ވަނީ 11-09 އިން ސެޓު ގެންގޮސް މެޗުން މޮޅުވެފަ އެވެ.

އިސްލާމިކް ސޮލިޑާރީޓީ ގޭމްސްގައި މިއަދު ރާއްޖޭގެ ރަފާ ކުޅުނު މެޗުގެ ތެރެއިން.--- ފޮޓޯ: މޯލްޑިވްސް އޮލިމްޕިކް ކޮމިޓީ/ އިސްމާއިލް ތޯރިގު

މި ފަހަރުގެ ކޮމަންވެލްތު ގޭމްސް އާއި އިސްލާމިކް ސޮލިޑާރިޓީ ގޭމްސްގެ ޓީޓީން ސިންގަލްސް ބަޔަށް ބަލާއިރު، ރާއްޖޭގެ ކުޅުންތެރިންގެ ތެރެއިން އެންމެ ރެކޯޑް ރަނގަޅީ ރަފާގެ އެވެ. ރަފާ ވަނީ ކޮމަންވެލްތު ގޭމްސްގައި ސިންގަލްސްގައި ދެ މެޗުން މޮޅުވެ، ގްރޫޕް އެއް ވަނަ ހޯދައި، ގަދަ 32 ކުޅުންތެރިންގެ ބުރުގައި ވާދަކޮށްފަ އެވެ.

އަދި މި ފަހަރު ސޮލިޑާރިޓީ ގޭމްސްގައި ދެ މެޗުން މޮޅުވެ، ރަފާ މި ވަނީ އެއް ފިޔަވަޅު ކުރިއަށް ޖެހިލައި ކުއާޓާ ފައިނަލުގައި ވާދަކޮށްފަ އެވެ.

ރަފާ ބުނީ ހަގީގަތުގައި މި ދެ މުބާރާތުގައި ކުޅެލަން މި ލިބުނީ ވަރުގަދަ މެޗުތަކެއް ކަމަށެވެ. އަދި އާންމުކޮށް ކުޅެލަން ލިބެނީ އޭޝިއާގެ ކުޅުންތެރިންނާ ކަމަށްވާއިރު، ކޮމަންވެލްތު ގޭމްސް އާއި ސޮލިޑާރިޓީ ގޭމްސްގައި އެކި ބައްރުތަކުގެ ކުޅުންތެރިންނާ ކުޅެލަން ލިބުމަކީ ކުރިއަށް އޮތްތަނުގައި އޭގެ ފައިދާކުރާނެ ކަމެއް ކަމަށް ރަފާ ގަބޫލުކުރެ އެވެ.

"މިއީ ރަނގަޅު އެކްސްޕީރިއަންސެއް ހަގީގަތުގައި. މި ލެވަލްގެ ކުޅުންތެރިންނާ ކުޅެގެން އިމްޕްރޫވް ވާނީ، މީގެ (ބަލިވެގެން) ދިޔަ މޮޅުވެވޭނެ މެޗުތައް ވެސް ހަގީގަތުގައި،" ރަފާ ބުންޏެވެ.

ސޮލިޑާރިޓީ ގޭމްސްގައި ރާއްޖެ އަށް ދެން އޮތީ ޓީމު އިވެންޓްގެ މެޗުތަކެވެ. ޓީމު އިވެންޓް ބައިގައި އަންހެން އަދި ފިރިހެން ޓީމު ވާދަކުރާނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox