އަފްގާނިސްތާނަށް ދިން ޑްރޯން ހަމަލާއެއްގައި އަލް ގައިދާގެ ލީޑަރު އަައިމަން އަލް ޒަވާހިރީ މަރާލާފައިވާ ކަމަށް އެމެރިކާގެ ރައީސް ޖޯ ބައިޑެން އިއުލާނު ކުރައްވައިފި އެވެ.
އޭނާ މަރާލީ އެމެރިކާގެ ޖާސޫސީ އިދާރާ ސީއައިއޭއިން އާދީއްތަ ދުވަހު އަފްގާނިސްތާނުގެ ވެރިރަށް ކާބުލްގައި ހިންގި ޓެރަރިޒަމާ ދެކޮޅު އޮޕަރޭޝަނެއްގަ އެވެ.
ސެޕްޓެމްބަރު 11، 2001 ގައި އެމެރިިކާގައި ދިން ޓެރަރިސްޓް ހަމަލާތައް ރޭވުމުގެ ފަހަތުގައި ވަނީ އައިމަން އަލް ޒަވާހިރީ އާއި އުސާމާ ބިން ލާދިން އެވެ. އަދި އޭނާއަކީ އެމެރިކާއިން ހޯދާ އެންމެ ބޮޑު ޓެރަރިސްޓުންގެ ތެރޭގައި ހިމެނޭ މީހެކެވެ.
ބައިޑެން ވިދާޅުވީ އެމެރިކާ ރައްޔިތުންނާ ދެކޮޅަށް އަނިޔާވެރިވެ ގަތުލުއާއްމު ހިންގުމުގެ މަގެއް ޒަވާހިރީ ކޮށައިދިން ކަމަށެވެ.
"މީގެ 11 އަހަރު ކުރިން އެމެރިކާއިން ބިން ލާދިން މަރާލުމުން އަލް ގަައިދާގެ ލީޑަަރުކަން ލިބުނީ ޒަވާހިރީއަށް،" ބައިޑެން ވިދާޅުވި އެވެ.
އޮފިޝަލުން ބުނީ ހަމަލާ ދިން އިރު ޒަވާހިރީ ހުރީ އޭނާއަށް ހާއްސަ "ސޭފް ހައުސް"ގެ ބެލްކަނީގައި ކަަމަށެވެ. ޑްރޯން އެ ހިސާބަށް ގޮސް، ސީދާ އޭނާގެ ހަށިގަނޑަށް ދެ މިސައިލް ފޮނުވި އެވެ.
އެ ގޭގައި ޒަވާހިރީ އާއިލާގެ އެހެން މެމްބަރުން ތިބި ނަމަވެސް އެހެން އެއްވެސް މީހަކަށް އަނިޔާއެއް ނުވެ އެވެ. ހަމަލާގައި މަރުވީ ވެސް ޒަވާހިރީ އެކަންޏެވެ.
ބައިޑެން ވިދާޅުވީ މިސްރަށް ނިސްބަތްވާ އުމުރުން 71 އަހަރުގެ ޒަވާހިރީ މަރާލަން ހުއްދަ ދެއްވީ އެތައް މަހެއް ވަންދެން ރޭވުމަށް ފަހު "ސީދާ ޓާގެޓަށް" ފޮނުވާ ހަމަލާާއެއްގައި ކަމަށެވެ.
އޭނާގެ މަރާ އެކު ސެޕްޓެމްބަރު 11، 2001 ގައި އެމެރިކާއިން މަރުވި 3000 މީހުންގެ އާއިލާއަށް ހިތްހަމަޖެހުން ލިބޭނެ ކަމަށް ބަައިޑެން ވިދާޅުވި އެވެ.
އަފްގާނިސްތާނުގަައި ވެރިކަން ކުރާ ތާލިބާނުންގެ ތަރުޖަމާނަކު ބުނީ އަފްގާާން ފަސްގަނޑުގަައި އެމެރިކާއިން ހިނގި އޮޕަަރޭޝަނަކީ ބައިނަލްއަަގްވާމީ އުސޫލުތަކާ ހިލާފު އަމަލެއް ކަމަށެވެ.
