ރާއްޖޭގައި ތިބި ލަންކާ މީހުންގެ އާދޭސް: "ގޮތަބަޔަ ފުރިޔަނުދީ ގައުމަށް ފޮނުވާލަދީ"

އަލިމަސް ކާނިވާ ސަރަހައްދުގައި ލަންކާ ރައްޔިތުން ކުރި މުޒާހަރާގެ ތެރެއިން. -- ފޮޓޯ: މުހައްމަދު ޝާބިން / އަދަދު

އަލިމަސް ކާނިވާ ސަރަހައްދުގައި ލަންކާ ރައްޔިތުން ކުރި މުޒާހަރާގެ ތެރެއިން. -- ފޮޓޯ: މުހައްމަދު ޝާބިން / އަދަދު

އިގުތިސޯދީ ބޮޑު ތަދުމަޑުކަމެއްގެ ތެރޭގައި އޮތް ލަންކާގެ ރައީސް ގޮތަބަޔަ ރާޖަޕަކްސް ރާއްޖެ އެތެރެވާން ހުއްދަ ދިން މައްސަލައިގައި ރާއްޖޭގައި ދިރިއުޅޭ ރައްޔިތުން ނުރުހުންވެ އަލިމަސް ކާނިވާ ސަރަހައްދަށް މިއަދު ހަވީރު އެއްވި އެވެ. ނަމަވެސް, މާ ގިނައިރުތަކެއް ނުވެ ފުލުހުން ވަނީ މުޒާހަރާގެ ބައިވެރިންނަށް ހުރަސްހަޅާ ހިޔާލުފާޅު ކުރަން ގެންގުޅުނު ބެނާތަކާއި، ލަންކާގެ ދިދަތައް ވެސް ގެންގޮސްފަ އެވެ.

ސުލަހަވެރިކަމާއެކު ކުރިއަށް ދިޔަ އެ މުޒާހަރާގެ ތެރެއިން ދެން ފެނުނީ ފުލުހުންގެ ޓީމަކުން އައިސް އެކަކު ހައްޔަރުކުރި ތަނެވެ. މައުލޫމާތު ލިބުނު ގޮތުގައި އޭނަ ހައްޔަރު ކުރީ މީޑިއާތަކަށް ދިން އިންޓަވިއުއެއްގެ ސަބަބުންނެވެ.

"ފުލުހުން އަހަރުމެންނަށް ދިނީ 30 މިނެޓް މުޒާހަރާއަށް. ވަގުތު ހަމަވީމަ ބުނެފި ދާން މިހާރު. އެހެންވީމަ ނިންމާލަން ޖެހެނީ. އަހަރުމެން މުޒާހަރާ މި ކުރަނީ ގައުމު ބޮޑު ތަދުމަޑުޗކަމަކަށް ވައްޓާލާފަ އަހަރުމެން ގައުމުގެ ހުރިހާ ރައްޔިތުންގެ ދިރިއުޅުން ބަރުބާދުކޮށްލާފަ ފިލަން ރާއްޖެ އައީމަ. އަހަރުމެން ގައުމު އޮތީ ވަރަށް ސީރިއަސް ހާލަތެއްގައި. ޕެޓްރޯލެއް ނެތް. ރުފިޔާއެއް ނެތް. އޭނަ ދިޔަކަ ނުދޭނަން. މިކަމާ ގުޅޭގޮތުން އިތުރު އެއްވެސް ވާހަކައެއް ނުދެއްކޭނެ. އަހަރުމެން ބޭނުން ވަނީ ރާއްޖެ ސަރުކާރުން ގޮތަބަޔަ އަނބުރާ ގައުމަށް ފޮނުވާލަދޭން،" އެ އިންޓަވިއު ދެމުން އޭނަ ބުނީ ބުނެފައިވެ އެވެ.

މުޒާހަރާގެ ބައިވެރިންގެ އޮތީ އެންމެ ބޭނުމެކެވެ. އެއީ ގޮތަބަޔަ ލަންކާއަށް ފޮނުވާލަދިނުމަށް ޑިމާންޑް ކުރުމެވެ.

"އަހަރުމެން ބޭނުންވަނީ ގޮތަބަޔަ އަނބުރާ ގައުމަށް ފޮނުވާލަން. ގައުމަށް ގޮސް ރައީސް ކަމުން އިސްތިއުފާ ދީފަ ދެން ކޮންމެ ގޮތަކަށް އުޅުނަސް އަހަރުމެންނަށް ހެޔޮ. ގޮތަބަޔަ އަށް ރާއްޖެއަކު ނުހުރެވޭނެ. އަހަރުމެން ގައުމު މީހުން ގައުމުގަ މަރުވާން ދޫކޮށްލާފަ އެހެން ނުހުރެވޭނެ،" މުޒާހަރާގެ އެހެން ބައިވެރިޔަކު ވާހަކަ ދައްކަމުން ބުންޏެވެ.

ލަންކާގައި ވެސް މުޒާހަރާތައް ކުރިއަށް ދާއިރު، މިއަދު އިސްތިއުފާ ދެއްވާނެކަން އިއުލާން ކުރައްވާފައިވާ ގޮޓަބަޔާ ރާއްޖެ ވަޑައިގެންފައިވަނީ ރޭ ފަތިހުގެ ވަގުތެއްގަ އެވެ.

"އަދަދު" އަށް ޔަގީންކޮށްފައިވާ ގޮތުގައި ގޮތަބަޔާ މިވަގުތު ހުންނެވީ އިތާފުށި ރިސޯޓުގަ އެވެ. އެމަނިކުފާނު އެތަނުގައި ހުންނަވަނީ ހަގީގީ މަންޒިލަށް ވަޑައިގެންނެވެންދެން ކަމަށް މައުލޫމާތު ލިބެ އެވެ.

ލަންކާގެ ނިއުސްކަޓާ ނޫހުން ރާއްޖޭގެ މަސްދަރުތަކަކާ ހަވާލާދީ ރިޕޯޓުކޮށްފައިވާ ގޮތުގައި ގޮތަބަޔަ ފުރާވަޑައިގަންނަވަނީ މިރޭ 11:25 ގައި ވެލާނާ އިންޓަނޭޝަނަލް އެއާޕޯޓުން ނައްޓާލައިގެން ސިންގަޕޫރަށް ދާން ތާވަލުކޮށްފައިވާ ފްލައިޓު SQ437 ގަ އެވެ.

އެ ނޫހުން ރިޕޯޓުކޮށްފައިވަނީ ގޮތަބަޔައަށް ސިންގަޕޫރުން ހިމާޔަތް ދީފައިވާ ކަމަށެވެ. ނަމަވެސް މި މައުލޫމާތު އަދި ކަށަވަރެއް ނޫނެވެ. މިހާތަނަށް ސިންގަޕޫރުު ސަރުކާރުގެ އެއްވެސް މަސްދަރަކުން މިކަމާ ގުޅޭ މައުލޫމާތެއް ނުލިބެ އެވެ.

މިއަދު އިސްތިއުފާ ދެއްވާނެ ކަމަށް އިއުލާ ކުރެއްވި ނަމަވެސް, މިހާތަނަށް ގޮތަބަޔާ އެ ވައުދު ފުއްދަވާފައެއް ނުވެ އެވެ. ނަމަވެސް މަގާމުގެ ބާރުތައް ވަނީ ބޮޑުވަޒީރާ ހަވާލު ކުރައްވައިފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox