އަހަރެއް ތެރޭގައި 800 އަށްވުރެ ގިނަ މީހުން ޑްރަގް ފަރުވާއަށް

ޑްރަގް ބޭނުން ކުރާ މީހުންގެ ތަފާސްހިސާބުތައް ދައްކައިދޭ ޗާޓުތަކެއް ފުލުހުން ދައްކާލަނީ-- ފައިލް ފޮޓޯ

ޑްރަގް ބޭނުން ކުރާ މީހުންގެ ތަފާސްހިސާބުތައް ދައްކައިދޭ ޗާޓުތަކެއް ފުލުހުން ދައްކާލަނީ-- ފައިލް ފޮޓޯ

ފާއިތުވީ އެއް އަހަރު ތެރޭގައި 800 އަށް ވުރެ ގިނަ މީހުންނަށް ރިހެބިލިޓޭޝަން ފަރުވާ ހޯދަން އަމުރުކޮށްފައިވާ ކަމަށް ޑްރަގް ކޯޓުން ބުނެފި އެވެ.

ގާނޫނުގެ ދަށުން މަސްތުވާތަކެތި ބޭނުންކުރާ މީހުންނަށް ހަ ވައްތަރެއްގެ ފަރުވާ ޕްރޮގްރާމްތައް ކުރިއަށް ގެންދެވެ އެވެ. އެއީ؛

  1. ކޮމިއުނިޓީ ރީއިންޓަގްރޭޝަން ޕްރޮގްރާމް (ތިން މަސް ދުވަސް)
  2. ކޮމިއުނިޓީ ރީއިންޓަރގްރޭޝަން އެކްސްޓެންސިވް (ހަ މަސް ދުވަސް)
  3. ރިކަވަރީ މެއިންޓަނަންސް ޕްރޮގްރާމް (ތިން މަސް ދުވަސް)
  4. މެތަޑޯން މެއިންޓަނަންސް ޓްރީޓްމަންޓް (20 މަސް ދުވަސް)
  5. އަންހެނުންނަށް ހާއްސަ ރެސިޑެންޝަލް ފަރުވާގެ ޕްރޮގްރާމް (121 ދުވަސް)
  6. ޑްރަގް ރީހެބިލިޓޭޝަން ސެންޓަރުގެ ފަރުވާގެ ޕްރޮގްރާމް

ފަރުވާއަށް ޝަރުތު ފުރިހަމަވާ ނަމަ އަދި އޭނާ ކުށަށް އެއްބަސްވެއްޖެ ނަމަ، ޑްރަގް ކޯޓުން ތިން އަހަރުގެ ޖަލު ހުކުމެއް އިއްވުމަށް ފަހު އެ ހުކުމް ތަންފީޒު ނުކޮށް ހިފެހެއްޓުމަށް ފަހު އަދި ފަރުވާގެ ފުރިހަމަ ކުރަން އަމުރު ކުރެ އެވެ.

ރާއްޖޭގައި ޑްރަގް ފަރުވާގެ ނިޒާމުގައި ގިނަ ކަންބޮޑުވުންތަކެއް ހުރިއިރު، ޑްރަގް ކޯޓުން މި ނޫހާ ހިއްސާކޮށްފައިވާ މައުލޫމާތަށް ބަލާއިރު، މިދިޔަ އަހަރުގެ ޖޫން މަހުގެ އެއް ވަނަ ދުވަހުން ފެށިގެން މި އަހަރުގެ ޖޫން މަހާ ހަމައަށް މިހާތަނަށް 815 މީހުންނަށް ވަނީ ފަރުވާ ފުރިހަމަ ކުރަން އަމުރުކޮށްފަ އެވެ.

އޭގެ ތެރެއިން 596 މީހުންނަށް އަމުރުކޮށްފައިވަނީ ކޮމިއުނިޓީ ފަރުވާ ޕްރޮގްރާމް ފުރިހަމަ ކުރުމަށެވެ. އަދި ބާކީ 219 މީހުންގެ ފަރުވާ ކުރިއަށް ގެންދަން އަމުރުކޮށްފައިވަނީ ރިހެބިލިޓޭޝަން ސެންޓަރުތަކުގަ އެވެ.

ފަރުވާ ފުރިހަމަނުކޮށްފިނަމަ، އެ މީހަކު ފަރުވާއިން ވަކިކުރެ އެވެ. މި މުއްދަތުގައި، ފަރުވާއަށް އަމުރުކުރި މީހުންގެ ތެރެއިން އެ އަމުރާ ހިލާފުވެގެން 87 މައްސަލައެއް ކޯޓަށް ހުށަހެޅިފައިވާ ކަމަށް ކޯޓުން ބުނެފައިވެ އެވެ. އޭގެ ތެރެއިން 57 މީހުން ވަނީ ފަރުވާއިން ވަކި ކޮށްފަ އެވެ.

ޔުނިވާސިޓީ އޮފް ބިކޮކާ-މިލާނޯއިން 2019 ވަނަ އަހަރު ރާއްޖޭގައި ކުރި ދިރާސާއަކުން ދައްކާ ގޮތުގައި މަސްތުވާތަކެތީގެ ވަބާގައި ޖެހިފައި 4،000 އަށް ވުރެ ގިނަ މީހުން އެބަ ތިއްބެވެ. ނަމަވެސް, ރާއްޖޭގައި އެކަމަށް ދެވޭނެ އެންމެ އެކަށީގެންވާ ފަރުވާއެއް ނުހުރެ އެވެ.

ޑްރަގް ފަރުވާ ނިޒާމުގައި ގިނަ މައްސަލަތަކެއް ހުރިކަން ނޭޝަނަލް ޑްރަގް އެޖެންސީ (އެންޑީއޭ) ރީސްޓްރަކްޗާ ކުރުމަށް ގޮވާލައި 'ހޭންޑްސް ޓުގެދާ' އިން ރައްޔިތުންގެ މަޖިލީހަށް ހުށަހެޅި ޕެޓިޝަނަކާ ގުޅިގެން މަޖިލީހުގެ ޕެޓިޝަން ކޮމިޓީން މައްސަލަ ދިރާސާކޮށް އެކުލަވައިލި ރިޕޯޓުން ވެސް ހާމަވެ އެވެ.

އެގޮތުން، ފަރުވާ ފެށުން ލަސްވުމާއި، ރިހެބިލިޓޭޝަން ސެންޓަރުތަކުގެ ފެންވަރު ދަށްވުން ފަދަ އެތައް މައްސަލައެއް ރިޕޯޓުގައި ފާހަގަކޮށްފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox