ދަރަނި ރީސްޓްރަކްޗާކުރަން ގަރާރު ހުށަހަޅަން އެމްޑީޕީ ޕީޖީގެ ތާއީދެއް ނުލިބުނު

ހުޅުދޫ ދާއިރާގެ އެމްޑީޕީގެ މެންބަރު އިލްޔާސް ލަބީބް: އިލްޔާސް ހުށަހެޅުއްވި ގަރާރެއް އެމްޑީޕީ ޕީޖީ ގްރޫޕުން ބޭރުކޮށްލި - ފޮޓޯ: މުހައްމަދު ޝާބިން | އަދަދު

ހުޅުދޫ ދާއިރާގެ އެމްޑީޕީގެ މެންބަރު އިލްޔާސް ލަބީބް: އިލްޔާސް ހުށަހެޅުއްވި ގަރާރެއް އެމްޑީޕީ ޕީޖީ ގްރޫޕުން ބޭރުކޮށްލި - ފޮޓޯ: މުހައްމަދު ޝާބިން | އަދަދު

ދަރަނި ރީސްޓްރަކްޗާ ކުރުމަށް ބޭނުންވާ ކަންކަން ތަރުތީބު ކުރުމަށް ގޮވާލައި ރައްޔިތުންގެ މަޖިލީހުގެ ހުޅުދޫ ދާއިރާގެ މެންބަރު އިލްޔާސް ލަބީބް ގަރާރެއް ހުށަހެޅުމަށް އެމްޑީޕީގެ ޕާލިމެންޓްރީ ގްރޫޕަށް ފޮނުވުމުން އެ ގަރާރު ހުށަހަޅަން ތާއީދު ނުކުރަން ގިނަ މެންބަރުން ވޯޓު ދެއްވައިފި އެވެ.

އެމްޑީޕީގެ ޕާލިމެންޓްރީ ގްރޫޕްގެ ބައެއް މެންބަރުން ވިދާޅުވި ގޮތުގައި އިއްޔެ ބޭއްވި ޕާލިމެންޓްރީ ގްރޫޕްގެ ބައްދަލުވުމުގައި އެ ކަމަށް ވަނީ ވޯޓަށް އަހައިފަ އެވެ. އަދި އެ ގަރާރު ބޭރުކޮށްލަން ޕާލިމެންޓްރީ ގްރޫޕުން ފާސްވި ކަމަށް އެ މެންބަރުން ވިދާޅުވި އެވެ.

އިއްޔެ ބޭއްވި ބައްދަލުވުމަށް ފަހު، ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވަނީ އެމްޑީޕީގެ މެންބަރުން ތިއްބަވާ ވަޓްސްއެޕް ގްރޫޕްގައި އެމްޑީޕީން ނެރޭ ވިޕްލައިންތަކާ މެދު ނުރުހުން ފާޅުކުރައްވައިފަ އެވެ. އަަދި ވިޕްލައިންތަކާ ހިލާފުވާން ބޭނުންވާ މެންބަރުން އެމަނިކުފާނު ވަނީ ނަން ނޯޓުކުރައްވައިފަ އެވެ.

Advertisement

އެނގިފައިވާ ގޮތުގައި، ނަޝީދާއި އެމަނިކުފާނުގެ އަރިސް ބައެއް މެންބަރުން ރޭ ނުރުހުން ފާޅުކުރެއްވީ އިލްޔާސް ހުށަހެޅުއްވި އެ ގަރާރު މަޖިލީހަށް ހުށަހަޅަން ތާއީދު ނުކުރަން އެމްޑީޕީގެ ޕީޖީ ގްރޫޕުން އިއްޔެ ނިންމުމުންނެވެ.

އިލްޔާސް ހުށަހެޅުއްވި ގަރާރުގައިވަނީ 2012 އިން 2018 އަށް އޭރު އޮތް ސަރުކާރުން ނެގި ގިނަ ދަރަނިތައް 2022 ވަނަ އަހަރު އަދި 2023 ވަނަ އަހަރު ދައްކަން އޮތްއިރު، 2022 ވަނަ އަހަރު ފާސްކުރި ބަޖެޓްގައި ޖުމުލަ ދަރަނި 91 ބިލިއަން ރުފިޔާގައި ހުންނާނެ ކަމަށް ބެލެވޭ ކަމަށެވެ.

އެހެންވެ ދަރަނި ރީސްޓްރަކްޗާ ކުރުން މުހިންމު ކަމަށާއި އެ ކަމަށް ބޭނުންވާ ކަންކަން ތަރުތީބުކޮށް އިންތިޒާމުކޮށް އެ މަސައްކަތް ކުރިއަށް ގެންދިއުމަށް އެ ގަރާރުގައި ގޮވާލާފައިވެ އެވެ.

ރައްޔިތުންގެ މަޖިލީހުގެ މާލިއްޔަތު ކޮމިޓީން ދަރަނީގެ ކަންކަމާ ގުޅިގެން އިއްޔެ ފިނޭންސް މިނިސްޓަރު އިބްރާހީމް އަމީރު ހާޒިރު ވެސް ކޮށްފައިވެ އެވެ. ދަރަނި ރީސްޓްރަކްޗާ ކުރަން މިނިސްޓަރު ދެކޮޅެވެ. އޭނާ ވިދާޅުވީ ދަރަނި ރީސްޓްރަކްޗާ ކުރަން އުޅެފިނަމަ ބައިނަލް އަގްވާމީ ޑެޓް މާކެޓަށް ފެންނާނީ ރާއްޖެ ބަނގުރޫޓުވާން އުޅޭހެން ކަމަށެވެ. އަދި އެއީ ރަނގަޅު ގޮތެއް ނޫން ކަމަށް މިނިސްޓަރު އަމީރު ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox