މަޖިލީހުގެ މި ދައުރުގައި ސަރުކާރުން ހުށަހަޅާ 22 ބިލުގެ ތެރެއިން އަދި ފޮނުވީ އެންމެ 2 ބިލު

ރައްޔިތުންގެ މަޖިލީހުގެ ޖަލްސާއެއްގަައި މެމްބަރުން ބައިވެރިވެވަޑައިގަންނަވަނީ. މަޖިލީހުގެ މިދައުރަށް ސަރުކާރުން ފޮނުވާ ބިލުތަކުގެ ތެރެއިން އަދި ފޮނުވީ އެންމެ ދެ ބިލް. ފޮޓޯ: މަޖިލީހުގެ އިދާރާ

ރައްޔިތުންގެ މަޖިލީހުގެ ޖަލްސާއެއްގަައި މެމްބަރުން ބައިވެރިވެވަޑައިގަންނަވަނީ. މަޖިލީހުގެ މިދައުރަށް ސަރުކާރުން ފޮނުވާ ބިލުތަކުގެ ތެރެއިން އަދި ފޮނުވީ އެންމެ ދެ ބިލް. ފޮޓޯ: މަޖިލީހުގެ އިދާރާ

ރައްޔިތުންގެ މަޖިލީހުގެ މިއަހަރުގެ ދެވަނަ ދައުރަށް ސަރުކާރުން ޖުމްލަަ 22 ބިލެއް ހުށަހަޅަން ނިންމާފައި ވިޔަަސް އަދި ހުށަހެޅީ އެންމެ ދެ ބިލުކަމަށް ރައްޔިތުންގެ މަޖިލީހުން މިއަދު ބުނެފި އެވެ.

މިދައުރުގައި ސަރުކާރުން ހުށަހަަޅަން ގަސްދުކުރާ ބިލުތަކުގެ ލިސްޓް މަޖިލީހަށް މިއަދު ފޮނުވުމުން، މިއަދުގެ ޖަލްސާގައި މަޖިލީހުގެ ރައީސް މުހައްމަދު ނަޝީދު ވިދާޅުވީ އެ ލިސްޓްގައި ހުރި ގިނަ ބިލްތަކަކީ ހުށަހަޅަން ސަރުކާރުން އުއްމީދުކުރާތާ ގިނަ ދުވަސްތަކެއް ވެފައިވާ ބިލްތަކެއް ކަމަށެވެ. އެއީ ކުނިމެނޭޖްކުރުމުގެ ބިލާއި ދައުލަތުގެ މާލިއްޔަތުގެ ގާނޫނަށް އިސްލާހު ގެނައުމުގެ ބިލެވެ.

"މަޖިލީހަށް ނުލިބި އެބަ ވޭ 20 ބިލް. މީގެ ތެރޭގައި ފާހަގަކުރެވޭ ވަރަށް ހާއްސަ ބިލް އެބަހުރި. ދިވެހިރާއްޖޭގެ ކޯޓްތަކުގެ ގާނޫނަށް އިސްލާހު ގެނައުމުގެ ބިލް. ދިވެހިރާއްޖޭގެ ފަނޑިޔާރުންގެ ގާނޫނަށް އިސްލާހު ގެނައުމުގެ ބިލް، ޖުޑިޝަލް ސާވިސް ކޮމިޝަންގެ ގާނޫނަށް އިސްލާހު ގެނައުމުގެ ބިލް، ދިވެހިރާއްޖޭގެ ގާނޫނީ ފަންނުގެ ގާނޫނަށް އިސްލާހުގެނައުމުގެ ބިލް،" ނަޝީދު ވިދާޅުވި އެވެ.

އެމަނިކުފާނު ވިދާޅުވީ އެ ހަތަރު ބިލު މުތާލިއާކޮށް ބަހުސްކޮށްގެން ރާއްޖޭގެ ޝަރުއީ ނިޒާމު އިސްލާހުކުރުމަށް ބޮޑު މަސައްކަތެއް ކުރުމުގެ ފުރުސަތު މަޖިލީހުގެ މި ދައުރުގައި އަދި އެބަ އޮތް ކަމަށެވެ.

މިދައުރަށް ހުށަހަޅާ ބައެއް މުހިއްމު ބިލްތައް

  • ކޯޓްތަކުގެ ގާނޫނަށް އިސްލާހުގެނައުމުގެ ބިލް
  • ފަނޑިޔާރުންގެ ގާނޫނަށް އިސްލާހުގެނައުމުގެ ބިލް
  • ޖުޑިޝަލް ސާވިސް ކޮމިޝަނުގެ ގާނޫނަށް އިސްލާހުގެނައުމުގެ ބިލް
  • ގާނޫނީ ފަންނުގެ ގާނޫނަށް އިސްލާހު ގެނައުމުގެ ބިލް
  • މާލިއްޔަތު ގާނޫނަށް އިސްލާހުގެނައުމުގެ ބިލް
  • ކުނި ނައްތައިލުމާއި މެނޭޖްކުރުމުގެ ބިލް
  • ޖިނާއީ އިޖުރާއަތުގެ ގާނޫނަށް އިސްލާހުގެނައުމުގެ ބިލް

މުހިއްމު ބައެއް ބިލްތަކުގެ ލިސްޓް ވިދާޅުވުމަށް ފަހު ނަޝީދު ވިދާޅުވީ އެ ބިލްތައް ހުށަޅަން ސަރުކާރުން ތަކުރާރުކޮށް އުއްމީދުކޮށްފައިވާ ކަމަށެވެ.

"އެހެން ނަމަވެސް މަޖިލީހަށް ނުފޮނުވިފައިވާ ވަރަށް ގިނަ ބިލް،" އެމަނިކުފާނު ވިދާޅުވި އެވެ.

ބަންޑާރަ ނައިބުގެ އޮފީހުން މިއަދު ބުނި ގޮތުގައި, މި ދައުރުގައި ހުށަހަޅަން ނިންމާފައިވާ ބިލްތަކުގެ ތެރެއިން ލިސްޓުގައި ހިމެނޭ ނުވަ ބިލެއް މަޖިލީހަށް ހުށަހެޅުމަށް ރައީސުލްޖުމްހޫރިއްޔާގެ އޮފީހަށް ފޮނުވާފައިވާނެ އެވެ.

ސަރުކާރުގެ ފަރާތުން ހުށަހަޅަން ގަސްދުކުރާ ބިލްތަކުގެ ބޮޑު ބައެއް އަދި ފޮނުވާފައި ނުވާ އިރު މަޖިލީހުގެ މި ދައުރުގެ ޖަލްސާތައް މިހާރު ކުރިއަށް ގެންދަނީ ކޮންމެ ދުވަހަކު ވެސް ވަރަށް ކުރުކޮށެވެ. މިދިޔަ ދެ ހަފްތާގައި ވެސް ޖަލްސާތައް ކުރުކޮށްލި އިރު ސަބަބެއްގެ ގޮތުގައި ރިޔާސަތުން ވިދާޅުވީ ތަޅުމުގައި ކުރާނެ މަސައްކަތެއް ނެތުމެވެ.

މަޖިލީހަށް ކުރިން ފޮނުވާފައިވާ ގިނަ އަދަދެއްގެ ބިލްތައް ހުރީ ކޮމިޓީ މަރުހަލާގަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox