ހުލާސާކޮށް އިއްޔެ: އޮޕަރޭޓިން ލައިސެންސް ހަމަވެފައި އޮތް އާވީ ރިސޯޓު 156 މިލިއަނަށް ވިއްކާލުން

ދ. ދޫރެސްގައި ހިންގާ އާވީ ނޭޗާސް ޕެރެޑައިސް: މި ރިސޯޓަކީ ދ. އަތޮޅުގައި ދަތުރުފަތުރުގެ ހިދުމަތްދޭން ކްރޮސް-ސަބްސިޑީއަށް ދޫކުރި ރަށެއް. -- ފޮޓޯ: ޓްރެވަލަ ބައި ޔުނީކް

ދ. ދޫރެސްގައި ހިންގާ އާވީ ނޭޗާސް ޕެރެޑައިސް: މި ރިސޯޓަކީ ދ. އަތޮޅުގައި ދަތުރުފަތުރުގެ ހިދުމަތްދޭން ކްރޮސް-ސަބްސިޑީއަށް ދޫކުރި ރަށެއް. -- ފޮޓޯ: ޓްރެވަލަ ބައި ޔުނީކް

ބޭންކް އޮފް ސިލޯނުން ނެގި ލޯނަކަށް އެއްބަސްވުމާ އެއްގޮތަށް ފައިސާ ނުދައްކައިގެން ދ. އަތޮޅު ދޫރެހުގައި ހިންގަމުންދާ "އާވީ ނޭޗާސް ޕެރެޑައިސް" ރިސޯޓު 10.1 މިލިއަން ޑޮލަރު (156 މިލިއަން ރުފިޔާ) އަށް ވިއްކާލައިފިކަން ރިޕޯޓުކުރީ އިއްޔެ އެވެ.

ދޫރެހަކީ ރައީސް މުހައްމަދު ނަޝީދުގެ ސަރުކާރުން މ.، ފ. އަދި ދ. އަތޮޅުގައި ފެރީގެ ހިދުމަތް ދޭން ވާމިލިއަން އިންޓަނޭޝަނަލް ކުންފުންޏަށް ކްރޮސް-ސަބްސިޑީއަށް ދިން ރަށެކެވެ. ރިސޯޓު ރަހުނުކުރި ލޯނަކީ 33 ވިލާ ހުންނަ މި ރަށް ތަރައްގީކުރަން ނެގި ލޯނެކެވެ.

އެއީ ވާމިލިއަން އިންޓަނޭޝަނަލް އާއި ރިސޯޓު ހިންގަމުން އައި ދޫރެސް ރިޓްރީޓާއި، މި ދެ ކުންފުނީގެ މައި ހިއްސާދާރު ކަމުގައިވާ ކުރީގެ ފުޓުބޯޅަ ކުޅުންތެރިޔާ އަލީ ޝާހީންގެ ނަންމަތީގައި ނަގާފައިވާ ލޯނެކެވެ.

މި ލޯނާ ގުޅޭ މައްސަލަ ނިންމި ގޮތުގެ ގަޒިއްޔާ ސިވިލް ކޯޓުގެ ވެބްސައިޓުން ފެންނަން ނެތުމުން، އެއީ ކިހާ އަދަދެއްގެ ލޯނެއް ކަމާއި، ލޯނުގެ ބާކީ ނުދައްކާ އޮތީ ކިހާވަރެއް ކަމެއް ނޭނގެ އެވެ.

ފެންނަން ހުރި ކޯޓު ލިޔެކިޔުންތަކުން އިނގޭ ގޮތުގައި، މިދިޔަ އަހަރު ފެބްރުއަރީ 1 އިން ފެށިގެން މި ރިސޯޓު ވިއްކާލުމުގެ ހުއްދަ ބޭންކް އޮފް ސިލޯނަށް ވަނީ ދީފަ އެވެ. އެކަމަކު އެ މުއްދަތު ހަމަވީއިރުވެސް އެ ރަށް ވިއްކާ ނުލެވޭތީ، ސިވިލް ކޯޓުން އިތުރު އަހަރު ދުވަހުގެ މުއްދަތެއް ދިނީ މިދިޔަ މާޗު 31 ގަ އެވެ.

ބޭންކުން ދޫރެސް ވިއްކާލަން ޖެހި ރިޒާވް އަގަކީ، ހަތް މިލިއަން ޑޮލަރެވެ.

މި ރިސޯޓު ވިއްކާލީ އެންމެ މަތިން ބިޑު ހުށަހެޅި ޔަޝް އެގްޒޯޓިކް އައިލެންޑް ކިޔާ ކުންފުންޏަކަށެވެ. ރާއްޖޭގައި ރަޖިސްޓްރީކޮށްފައިވާ މި ކުންފުނީގެ ހިއްސާދާރުންނަކީ ޑުބާއީގެ ޕީއެންވީ އިންޓަނޭޝަނަލް ޖެނެރަލް ޓްރޭޑިން އަދި ގްރީން ފޯކަސް މާކެޓިން އެވެ.

ޔަޝް އެގްޒޯޓިކުން އިކޮނޮމިކް މިނިސްޓްރީގައި ރަޖިސްޓްރީކޮށްފައިވާ ވިޔަފާރި ނަންތަކުގެ ތެރޭގައި "ޔަޝް ނޭޗާ ރިސޯޓް" ހިމެނެ އެވެ. އެހެންވެ ބެލެވެނީ އެ ކުންފުނިން ދޫރެހުގައި ރިސޯޓު ހިންގާނީ މި ނަމުގައި ކަމަށެވެ.

ވިއްކާލިއިރު އޮޕަރޭޓިން ލައިސެެެންސް ނެތް، ދައްކަން ޖެހޭ ޓެކްސް ފައިސާ

"އަދަދު" ނޫހަށް އެނގިފައިވާ ގޮތުގައި "އާވީ ނޭޗާސް ޕެރެޑައިސް" ވިއްކާލިއިރު އެ ރިސޯޓު އޮޕަރޭޓުކުރަށް ޓޫރިޒަމް މިނިސްޓްރީން ދޫކޮށްފައިވާ އޮޕަރޭޓިން ލައިސަންސްގެ މުއްދަތު ހަމަވެއްޖެ އެވެ. އެ ހުއްދައިގެ މުއްދަތު ހަމަވީ މިދިޔަ އަހަރުގެ ޑިސެމްބަރު 10 ގަ އެވެ.

ޓޫރިޒަމް މިނިސްޓްރީން އެ ރިސޯޓުގެ ހުއްދަ އާނުކޮށްދިނީ ދައުލަތަށް ދައްކަން ޖެހޭ ޓެކުހާއި އެހެނިހެން ފައިސާ ނުދައްކާ އޮތުމާ ގުޅިގެންނެވެ. މިގޮތުން ދޫރެސް ރިޓްރީޓުން ތަކުރާރުކޮށް އެދުމުން ވެސް ޓޫރިޒަމް މިނިސްޓްރީން އޮޕަރޭޓިން ލައިސެެންސެއް ވެސް ވަގުތީ ހުއްދައެއް ވެސް ނުދިނެވެ.

މި ރަށާ ގުޅިގެެެން ރައްޔިތުންގެ މަޖިލިހުގެ އިގުތިސޯދީ ކޮމިޓީއަށް ހުށަހެޅި ސިޓީއަކާ ގުޅިގެން ޓޫރިޒަމް މިނިސްޓްރީން މޯލްޑިވްސް އިންލެންޑް ރެވެނިއު އޮތޯރިޓީ (މީރާ)އާ ހަވާލާދީ، ކޮމިޓީއާ ހިއްސާކޮށްފައިވާ ގޮތުގައި އޭގެ ތެރޭގައި ޓީޖީއެސްޓީ އާއި ގްރީން ޓެކްސް ހިމެނެ އެވެ.

އެކަމަކު ނުދައްކާ ވަނީ ކިހާ ވަރެއް ކަމެއް ސާފެއް ނުވި އެވެ. މީރާއިން ޓޫރިޒަމް މިނިސްޓްރީއާ ހިއްސާކުރި މައުލޫމާތު ތެރެއިން މިނިސްޓްރީން ކޮމިޓީއަށް ފޮނުވި މައުލޫމާތުގައި ފައިސާގެ އަދަދެއް ނެތެވެ.

ބައެއް މުހިންމު ހަބަރުތައް

  • ސައުތު އޭޝިއަން ޖޫނިއާ އެންޑް ކެޑޭޓް ޓޭބަލް ޓެނިސް ޗެމްޕިއަންޝިޕް 2022ގެ އަންހެން ކެޑޭޓް ސިންގަލްސް ކެޓަގަރީގެ ފައިނަލުގައި އިންޑިއާގެ ޖެނިފާ އަތުން 3-2 ސެޓުން ބަލިވެ ރާއްޖޭގެ ފާތިމަތު ދީމާ އަލީ ރިހި މެޑަލް ހޯދީ އިއްޔެ އެވެ.
  • ފްލެޓު ލިބިފައިވާ ކަމަށް ބުނެ ހައުސިން ޑިވެލޮޕްމަންޓު ކޯޕަރޭޝަން (އެޗްޑީސީ) ގެ ނަމުގައި މަކަރާއި ހީލަތުން ބޮޑެތި އަދަދުތަކުން ފައިސާ ހޯދަމުންދާތީ އެކަމަށް ސަމާލުވުމަށް ފުލުހުން އިލްތިމާސް ކުރީ އިއްޔެ އެވެ.
  • ކުރީގެ ފިރިމީހާ މަރާލި ކަމުގެ ކުށް ސާބިތުވެ, އުމުރު ދުވަހުގެ ޖަލު ހުކުމެއް ތަންފީޒު ކުރަމުން ގެންދާ ހ. ބައިކަނޑިގޭ, މަރިޔަމް ނަޒާހާގެ މައްޗަށް ގަސްދު މަރުގެ ކުށް ސާބިތުކޮށްފައިވަނީ ރަނގަޅަށް ކަމާއި އެ ކުށް ކުރުމުގެ ގަސްދު އޭނާގެ އޮތް ކަމަށް ދައުލަތް ތަމްސީލް ކުރާ ޕްރޮސިކިއުޓާ ޖެނަރަލްގެ ފަރާތުން ސުޕްރީމް ކޯޓުގައި ބުނީ އިއްޔެ އެވެ.

ދުވަހުގެ ކޯޓޭޝަން

އެމްޑީޕީގެ ޕީޖީ ގްރޫޕާއި އެ ޕާޓީގެ ސަރުކާރާ ދުރުވެ ހިޔާލު ތަފާތުވުންތައް އުފެދުނު ސަބަބާ ގުޅޭގޮތުން އިކޮނޮމިކް މިނިސްޓަރު ފައްޔާޒު އިސްމާއިލް ވިދާޅުވީ:

ހަގީގަތުގައި ސަރުކާރާއި ޕާޓީ އާއި މަޖިލީހާއި ދުރުވުމުގެ މައިގަނޑު އެއް ސަބަބު ކަމަށް އަޅުގަނޑު ދެކުނީ މީގެ ކުރީގައި ހުންނެވި ޕީޖީ ލީޑަރު ބްރިޖު ކުރަން ވާ ތަނުގައި ނަފްރަތު އުފެއްދެވީމަ،

ދުވަހުގެ ފޮޓޯ

ސައުތު އޭޝިއަން ޖޫނިއާ އެންޑް ކެޑޭޓް ޓޭބަލް ޓެނިސް ޗެމްޕިއަންޝިޕް 2022ގެ އަންހެން ކެޑޭޓް ސިންގަލްސްގެ ސެމީ ފައިނަލުން މޮޅުވުމަށް ފަހު ރާއްޖޭގެ ދީމާ އޭނާގެ ބައްޕައާ އެކު. ފަނަރަ އަހަރުން ދަށަށް ހާއްސަ ކެޑޭޓް ކެޓަަގަރީގެ ފައިނަލުގައި މޮޅު ކުޅުމެއް ދެއްކި ނަމަވެސް ދީމާ ބަލިވީ ތިން ސެޓު ދެ ސެޓުން --- ފޮޓޯ: މުހައްމަދު ޝާބިން/އަދަދު
ސައުތު އޭޝިއަން ޖޫނިއާ އެންޑް ކެޑޭޓް ޓޭބަލް ޓެނިސް ޗެމްޕިއަންޝިޕް 2022ގެ އަންހެން ކެޑޭޓް ސިންގަލްސްގެ ސެމީ ފައިނަލުން މޮޅުވުމަށް ފަހު ރާއްޖޭގެ ދީމާ އޭނާގެ ބައްޕައާ އެކު. ފަނަރަ އަހަރުން ދަށަށް ހާއްސަ ކެޑޭޓް ކެޓަަގަރީގެ ފައިނަލުގައި މޮޅު ކުޅުމެއް ދެއްކި ނަމަވެސް ދީމާ ބަލިވީ ތިން ސެޓު ދެ ސެޓުން --- ފޮޓޯ: މުހައްމަދު ޝާބިން/އަދަދު

ސައުތު އޭޝިއަން ޖޫނިއާ އެންޑް ކެޑޭޓް ޓޭބަލް ޓެނިސް ޗެމްޕިއަންޝިޕް 2022ގެ އަންހެން ކެޑޭޓް ސިންގަލްސްގެ ސެމީ ފައިނަލުން މޮޅުވުމަށް ފަހު ރާއްޖޭގެ ދީމާ އޭނާގެ ބައްޕައާ އެކު. ފަނަރަ އަހަރުން ދަށަށް ހާއްސަ ކެޑޭޓް ކެޓަަގަރީގެ ފައިނަލުގައި މޮޅު ކުޅުމެއް ދެއްކި ނަމަވެސް ދީމާ ބަލިވީ ތިން ސެޓު ދެ ސެޓުން --- ފޮޓޯ: މުހައްމަދު ޝާބިން/އަދަދު

ދިރާސާތަކުން ކިޔާލުމަށް

"ސްޓަޑީ އޮން ޑޮމެސްޓިކް ޓޫރިޒަމް އިން ދަ މޯލްޑިވްސް"

މިއީ ދިވެހި ރައްޔިތުން ރާއްޖޭގައި ފަތުރުވެރިކަމުގެ ބޭނުމަށް ދަތުރުކުރާ މިންވަރު ދެނެގަތުމަށް 2016 ވަނަ އަހަރު ޓޫރިޒަމް މިނިސްޓްރީން ކޮށްފައިވާ ދިރާސާއެކެވެ. މިއީ ރާއްޖޭގައި މި މައުލޫމާތުތައް ހޯދުމަށް ކުރި ފުރަތަމަ ދިރާސާ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox