ހަމަލާގެ ޝަރީއަތާއި ގުޅިގެން ނަޝީދުގެ ވަކީލުން ފާޑުކިޔުން ކޯޓުތަކާއި ޕީޖީއަށް

ޕްރޮސެކިއުޓާ ޖެނެރަލް ހުސެއިން ޝަމީމް މޭ ހައެއް ހަމަލާއާ ގުޅިގެން ބޭއްވި ނޫސްވެރިންގެ ބައްދަލުވުމެއްގެ ތެރެއިން: އެ ހަމަލާއާ ގުޅިގެން އިތުރު މީހުންގެ މައްޗަށް ދައުވާ ނުކުރާތީ ނަޝީދުގެ ވަކީލުން ވަނި ޕީޖީ އޮފީހަށް އަމާޒުކޮށް ފާޑުކިޔައިފަ. ފޮޓޯ: ފައިލް

ޕްރޮސެކިއުޓާ ޖެނެރަލް ހުސެއިން ޝަމީމް މޭ ހައެއް ހަމަލާއާ ގުޅިގެން ބޭއްވި ނޫސްވެރިންގެ ބައްދަލުވުމެއްގެ ތެރެއިން: އެ ހަމަލާއާ ގުޅިގެން އިތުރު މީހުންގެ މައްޗަށް ދައުވާ ނުކުރާތީ ނަޝީދުގެ ވަކީލުން ވަނި ޕީޖީ އޮފީހަށް އަމާޒުކޮށް ފާޑުކިޔައިފަ. ފޮޓޯ: ފައިލް

ރައްޔިތުންގެ މަޖިލިސް ރައީސް މުހައްމަދު ނަޝީދަށް އަވަހާރަކޮށްލަން އަމާޒުކޮށް މިދިޔަ އަހަރުގެ މޭ ހަވަނަ ދުވަހު ދިން ހަމަލާގެ ޝަރީއަތްތަކާއި ގުޅިގެން ނަޝީދުގެ ވަކީލުން ކޯޓުތަކާއި ޕްރޮސެކިއުޓާ ޖެނެރަލް ހުސެއިން ޝަމީމަށް އަމާޒުކޮށް ފާޑުވިދާޅުވެއްޖެ އެވެ.

ނަޝީދުގެ ވަކީލުން، އިނގިރޭސިވިލާތުގެ ޑޯޓީ ސްޓްރީޓް ޗޭމްބާޒްގެ ކާސްޓީ ބްރިމްލޯ ކިއުސީ އަދި ރާއްޖޭގެ ލޯ ފާމް ލިޓިގެންޓްސް އެލްއެލްޕީން ނެރުނު ބަޔާނެއްގައި ވަނީ ކޯޓުތަކުން ހަމަލާގެ ޝަރީއަތްތައް ނިންމަން ތާވަލެއް ކަނޑަނާޅާތީވެ، އަދި ޕީޖީ އޮފީހުން ވެސް މައްސަލައިގެ ބައެއް އިސް މީހުންނަށް ދައުވާނުކުރާ ކަމަށް ބުނެ ފާޑުކިޔައިފަ އެވެ.

ހަމަލާއަށް އަހަރެއް ފުރުމާއި ދިމާކޮށް އިނގިރޭސިބަހުން ނެރުނު އެ ބަޔާނުގައި ބުނީ އެފަދަ ބޮޑު ހަމަލާއެއް ދިނުމުން ވެސް އެ ހަމަލާގެ ޝަރީއަތްތަކާއި ދައުވާ އުފުލުގެ މަރުހަލާތައް ވެސް ދޯހަޅިވެ ލަސްވަމުންދާ ކަމަށެވެ. އަދި މިދިޔަ ނޮވެމްބަރު މަސް ތެރޭ ޕީޖީ އޮފީހުގެ ފަރާތުން މައްސަލައިގެ ތާވަލެއް ކަނޑައެޅުމަށް އެދުމުން، އަދިއަދަށް ވެސް އެފަދަ ތާވަލެއް ކޯޓުން ކަނޑައަޅާފައިނުވާކަމަށް އެ ބަޔާނުގައި ބުނެ އެވެ.

ނަޝީދުގެ ވަކީލުން ބުނީ އެފަދަ ތާވަލެއް، ދިމާވެދާނެ ހާލަތަކާހެދި ފަހުން ބަދަލު ގެންނަ ގޮތަށްވި ނަމަވެސް، ކަނޑައެޅިއްޖެނަމަ ދިފާއާއި ޕީޖީ އޮފީސް ވެސް މައްސަލައިގައި ފުރިހަމައަށް ޝާމިލުވެ ސަމާލުގައި ތިބުމަށް މުހިންމު ދައުރެއް އަދާކުރާނެ ކަމަށެވެ. އަދި މައްސަލައިގައި ހެކިބަސްދޭ މީހުން ވެސް އެކަންކުރުމަށް އެންމެ ފުރިހަމަ ހާލަތުގައި ތިބުމަށް ފަސޭހަވެގެންދާނެ ކަމަށް ނަޝީދުގެ ވަކީލުން އެ ބަޔާނުގައި ބުނެ އެވެ.

އޭގެ އިތުރުން ވެސް ނަޝީދުގެ ވަކީލުން ވަނީ އެ ހަމަލާއާ ދިނުމަ ހިސާބަށް ހިނގައިދިޔަ ޓެރަރިޒަމްގެ ކަންކަމުގައި އިސް ދައުރެއް އަދާކުރި ފަރާތްތަކާއި ދެކޮޅަށް ޕީޖީ އޮފީހުން ދައުވާ އުފުލާފައިނުވާކަމަށް ވެސް ބުނެފަ އެވެ.

ނަޝީދުގެ ވަކީލުންގެ ބަޔާނުގައި އިތުރަށް ބުނީ، ގަބޫލުކުރެވޭ މުއްދަތެއްގެ ތެރޭގައި ޝަރީއަތް ހިންގައި ނިންމުމަކީ ރާއްޖެއިން ސޮއިކޮށް ބައިވެރިވާ ބައިނަލްއަގްވާމީ މުއާހަދާތަކާއި ރާއްޖޭގެ ގާނޫނުތަކުގައި ވެސް ބަޔާންކުރާ ކަންކަމަށެވެ.

އެ ބަޔާނުގައި ނަޝީދުގެެ ފަރާތުން ގޮވާލީ، މައްސަލައިގެ ޝަރީއަތްތައް ކުރިޔަށްގެންދާނެ ދުވަސްތަކެއް ކަނޑައަޅައި، އެ ހަމަލާގައި ހިމެނޭކަމަށް ހެކި ލިބިފައިވަ އެހެން މީހުންނާ ދެކޮޅަށް ވެސް ދައުވާ އުފުލުމަށެވެ. ނަޝީދުގެ ވަކީލުން މިހެން ގޮވާލެއްވިއިރު، ރައްޔިތުންގެ މަޖިލިސް ނައިބު ރައީސް އީވާ އަބްދުﷲ އަދި ނަޝީދުގެ އާއިލާއިން ވެސް ވަނީ ހަމަލާއަށް ފަންޑުކުރި މީހުން ހޯދުމަށް ގޮވާލައްވާފަ އެވެ.

ގާތްގަނޑަކަށް ދެ އަހަރު ދުވަސްވަންދެން ރާވަމުން އައިސް ދިން އެ ހަމަލާއާ ގުޅިގެން ޖުމްލަ ނުވަ މީހަކު ވަނީ ހައްޔަރުކޮށްފަ އެވެ. އޭގެ ތެރޭގައި ބޮން ގޮއްވާލަން ރިމޯޓަށް ފިއްތާލި އަދުހަމް އަހުމަދު ވަނީ އޭނާއާ ދެކޮޅަށް ކުރި ދައުވާތަކަށް އިއުތިރާފްވެފަ އެވެ. އޭނާގެ މައްޗަށް ކޯޓުން ވަނީ 25 އަހަރުގެ ޖަލު ހުކުމެއް އިއްވައިފަ އެވެ.

އެ ހަމަލާގައި ދެން އެންމެ އިސްކޮށް އުޅުނު މުހައްމަދު ތަސްލީމާއި އަބްދުﷲ އަލި މަނިކުގެ ޝަރީއަތް އަންނަ ސެޕްޓެމްބަރަށް ނިންމާލުމަށް އެމައްސަލަ ބައްލަވާ ގާޒީ ވަނީ ތާވަލުކޮށްފަ އެވެ. އެ ހަމަލާއާ ގުޅިގެން ދެން ހައްޔަރުކުރި ތަހުމީން އަހުމަދާއި މުޖާޒް އަހުމަދާއި އަލީ ހައިޝަމް އާއި މުހައްމަދު ނާޒިމް އާއި އިސްހާގާއި ފަހުމީ އަލީގެ މައްސަލަތައް ވެސް އަދި އުޅެނީ ކޯޓު މަރުހަލާގެ ކުރީކޮޅުގަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox