އާޒިމާއަށް ކުރާ ދައުވާ މަދަނީ މިންގަނޑުން ކުރިއަށް ގެންދެވޭނެ ކަމަށް ހައި ކޯޓުން ހުކުމްކޮށްފި

އާޒިމާއަށް ކުރާ ދައުވާ މަދަނީ މިންގަނޑުން ކުރިއަށް ގެންދެވޭނެ ކަމަށް ހައި ކޯޓުން ހުކުމްކޮށްފި

ކުރީގެ ރައީސް އަބްދުﷲ ޔާމީނަަށް މަނީ ލޯންޑާ ކުރަން މަގުފަހިކޮށްދިންކަމުގެ ތުހުމަތުގައި އޭރުގެ ރައީސް އޮފީހުގެ ލީގަލް އެފެއާޒް މިނިސްޓަރު އައިޝަތު އާޒިމާ ޝަކޫރުގެ މައްޗަށް އުފުލި ދައުވާ މަދަނީ މިންގަނޑަށް ފެތޭ ކަމާއި އެ ދައުވާ ކްރިމިނަލް ކޯޓުގައި ގެންދެވޭނެ ކަމަށް ހައި ކޯޓުން ހުކުމް ކޮށްފި އެވެ.

އާޒިމާއަށް ކުރާ ދައުވާ މަދަނީ މިންގަނޑަށް ނުފެތޭ ކަމަށް ކްރިމިނަލް ކޯޓުގައި ހުށަހެޅުމުން، އެ ކޯޓުގައި މައްސަލަ ބައްލަވާ ގާޒީ އަލީ އާދަމް ނިންމެވީ މަދަނީ މިންގަނޑުން އެ މައްސަލަ ކޯޓުގައި ކުރިއަށް ގެންދެވޭނެ ކަމުގަ އެވެ. މި ނިންމުން ހައި ކޯޓުގައި އިސްތިއުނާފް ކުރީ އެވެ.

ހައި ކޯޓުން މައްސަލަ ނިންމުމުގައި ފުރަތަމަ އިއްވީ ދައުލަތުން ހުށަހެޅި އިޖުރާއީ ނުކުތާއާ ގުޅޭ ގޮތުން މައްސަލަ ބައްލަވާ ތިން ފަނޑިޔާރުން ނިންމެވި ގޮތެވެ. އޭގައި ދެ ފަނޑިޔާރަކަށް ބުރަވެވުނީ އިސްތިއުނާފް ކުރެވޭނެ ކަމުގަ އެވެ. ފަނޑިޔާރު ހުސައިން ޝަހީދު ދެކެވަޑައިގަތީ ނުކުރެވޭނެ ކަމުގަ އެވެ.

Advertisement

އެއަށް ފަހު މަދަނީ މިންގަނޑުން މައްސަލަ ކުރިއަށް ގެންދިއުމާ ގުޅޭ ގޮތުން ތިން ފަނޑިޔާރުން ވެސް ބުރަވީ ކްރިމިނަލް ކޯޓުގެ ނިންމުން ރަނގަޅު ކަމަށެވެ. މި މަރުހަލާގައި ދައުވާ ސާބިތުވާން ޖެހޭ މިންވަރަށް ހެކި ވަޒަން ކުރަން ނުޖެހޭތީ، ދައުވާ ގެންދެވޭ ވަރަށް ހެކި އޮތް ނަމަ ގެންދެވޭނެ ކަމުގަ އެވެ.

"މަދަނީ މިންގަނޑުން ގެންދެވޭތޯ ބަލާއިރު ހެކީގެ އެންމެ ފުނަށް ދާކަށް ނުޖެހޭ،" ފަނޑިޔާރުންގެ ބެންޗުގެ ރިޔާސަތުގައި އިންނެވި ފަނޑިޔާރު ފާތިމަތު ފަރްހީޒާ ވިދާޅުވި އެވެ.

ހައި ކޯޓުގައި މައްސަލަ އިސްތިއުނާފްކޮށް، އާޒިމާގެ ފަރާތުން ފާހަގަ ކުރި މައިގަނޑު ނުކުތާއަކީ، އާޒިމާއާ ދެކޮޅަށް ދައުލަތުން ހުށަހެޅި ހެކިތަކަށް އެންމެ މަތީ ބުރަދަން ދިނަސް މަދަނީ މިންގަނޑަށް މައްސަލަ ނުފެތޭ ކަމުގަ އެވެ. އަދި ހުށަހެޅި ގިނަ ހެކިތަކާއި ދައުވާގައިވާ ތުހުމަތާ ގުޅުވެން ނެތް ކަމުގަ އެވެ.

މީގެ އިތުރަށް އާޒިމާގެ ދިފާއުގައި ދެއްކެވި މައިގަނޑު އެއް ނުކުތާއަކީ ޔާމީނަށް ކުރި މަނީ ލޯންޑަރިންގެ ދައުވާ ސާބިތު ނުވާ ކަމަށް ސުޕްރީމް ކޯޓުން ކަނޑައަޅައި ނެރުނު އަމުރެވެ. ޔާމީންގެ އެކައުންޓަށް ޖަމާވީ ދައުލަތުގެ ފައިސާ ކަމާ މެދު އުފެދޭ ސުވާލުތަކަށް ދައުލަތަށް ޖަވާބު ނުދެވޭ ކަމަށް އޭގައިވެ އެވެ.

ސުޕްރީމް ކޯޓުގެ އެ ހުކުމާއި ގުޅޭ ގޮތުން ހައި ކޯޓުން ވެސް އެއްވެސް ކަމެއް ފާހަގައެއް ނުކުރައްވަ އެވެ.

ޔާމީންގެ އިސްލާމިކް ބޭންކް އެކައުންޓަކަށް ޖަމާވި އެއް މިލިއަން ޑޮލަރާ މެދު ތަހުގީގީ އިދާރާއަކުން ސުވާލު އުފައްދާފައިވަނިކޮށް އެ ފައިސާ އިންވެސްޓްމަންޓް އެކައުންޓަކަށް ބަދަލުކޮށް އިންވެސްޓް ކުރުމަކީ އެ މައްސަލާގައި މަނީ ލޯންޑަރިންގެ ގޮތުގައި ދައުލަތުން ފާހަގަ ކުރައްވާ މައިގަނޑު އަމަލެވެ. އަދި އެ ފައިސާ ކަމަށް ބުނެ އެހެން ފައިސާއެއް އޭސީސީއާއި އެކު ހަދާފައިވާ އެކްސްކްރޯ އެކައުންޓަކަށް ޖަމާ ކުރުމަކީ، ފައިސާ އަސްލު އޮޅުވާލަން ކުރި ދެވަނަ އަމަލު ކަމުގައި ދައުލަތުން ފާހަގަ ކުރައްވަ އެވެ.

އާޒިމާގެ މައްޗަށް ދައުލަތުން ކުރާ ދައުވާއަކީ މަނީ ލޯންޑަ ކުރުމަށް ޔާމީނަށް މަގުފަހިކޮށްދިނުމުގެ ކުށުގެ ދައުވާ އެވެ. އެއީ އެކްސްކްރޯ އެކައުންޓް ހަދަން އާޒިމާ އޭސީސީއަށް ލަފާ ދިން ކަމަށް ބުނުމާއި، އެކްސްކްރޯ އެކައުންޓަށް ޔާމީންގެ އެކައުންޓްގައިވާ ފައިސާ ޖަމާ ކުރި ކަމަށް ބުނެ އޭސީސީއަށް އާޒިމާ ފޮނުވާފައިވާ ސިޓީއަށް ރިއާޔަތްކޮށެވެ. ދައުލަތުން ބުނަނީ އެއީ ފައިސާ ލޯންޑަ ކުރަން މަގުފަހިކޮށްދިނީ ކަމުގަ އެވެ.

މަނީ ލޯންޑަރިންނަށް މަގުފަހިކޮށްދިން ކަމުގެ ކުށުގެ ދައުވާގެ އިތުރަށް ރަސްމީ އިދާރާއަކަށް ދޮގު މައުލޫމާތު ދިން ކަމުގެ ދައުވާ ވެސް އާޒިމާގެ މައްޗަށް އުފުލާފައިވާއިރު ދެ ދައުވާއަށް ވެސް އާޒިިމާ އިންކާރު ކުރައްވަ އެވެ.

ކްރިމިނަލް ކޯޓަށް 2019 ވަނަ އަހަރު ހުށަހެޅި އެ މައްސަލަ ތިން އަހަރަށް ދެމިގެން ދިއުމުން ވެސް އާޒިމާ ކަންބޮޑުވުން ފާޅު ކުރައްވާފައިވެ އެވެ. އޭނާ ވިދާޅުވަނީ ޝަރީއަތުގައި އޭނާގެ މައްސަލައެއް ގޮތެއް ނުނިންމި އެހެން ތާށިކޮށްފައި އޮތުމުން ކެރިއަރަށާއި ވަޒީފާގެ ފުރުސަތުތަކަށް ހުރަސްތަކެއް އެޅުނު ކަމަށެވެ.

އިބްތިދާއީ މަރުހަލާގައި އަދިވެސް އޮތް އެ މައްސަލަ މަޑުޖެހި ދިޔަ އެއް ސަބަބަކީ މައްސަލަ ބައްލަވާ ގާޒީން ބަދަލު ވުމެވެ. ކޯޓުގެ ކުރީގެ އިސް ގާޒީ އަހްމަދު ހައިލަމާއި، ގާޒީ ހަސަން ސައީދާއި، ގާޒީ އަލީ ނަދީމާއި، ގާޒީ އިސްމާއީލް ރަޝީދުގެ ސެކްޝަނަށް ވެސް ފޮނުވި އެވެ.

ދެން މައްސަލައާ ހަވާލުވީ ގާޒީ އަލީ އާދަމެވެ. މަދަނީ މިންގަނޑަށް ދައުވާ ފެތޭ ކަމާ މެދު ގޮތެއް ނިންމެވީ އޭނާ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox