އެފްއޭއެމްގެ ފައިސާ ވަގަށް ނަގައިގެން ޖަލުގަ ހުރި ބައްސާމަށް އެމްއެމްޕީއާރުސީ ހިޔާނާތާ ގުޅިގެން ދައުވާކުރަނީ

Jun 1, 2026, 6:37 PM
އެފްއޭއެމްގެ ކުރީގެ ރައީސް ބައްސާމް: އޭނާ ހުރީ އެފްއޭއެމްގެ ފައިސާތަކަށް ހިޔާނާތްތެރިވީ މައްސަލައެއްގައި ޖަލު ހުކުމެއްގަ -- ފޮޓޯ: އަދަދު ފައިލް

އެފްއޭއެމްގެ ކުރީގެ ރައީސް ބައްސާމް: އޭނާ ހުރީ އެފްއޭއެމްގެ ފައިސާތަކަށް ހިޔާނާތްތެރިވީ މައްސަލައެއްގައި ޖަލު ހުކުމެއްގަ -- ފޮޓޯ: އަދަދު ފައިލް

ގައުމީ ފުޓުބޯޅާ އެސޯސިއޭޝަން، އެފްއޭއެމްގެ ރައީސްއަކަށް ހުންނެވި ދުވަސްވަރު އެ ތަނުގެ ފައިސާއަށް ހިޔާނާތްތެރިވެ އެ ފައިސާ ލޯންޑާ ކުރި މައްސަލައެއްގައި ޖަލުގައި ހުރި ބައްސާމް އަދީލް ޖަލީލަށް އެމްއެމްޕީއާރުސީ ހިޔާނާތާ ގުޅޭ މައްސަލައިގައި ދައުވާކޮށްދޭން އެދި އެންޓި ކޮރަޕްޝަން ކޮމިޝަން (އޭސީސީ) އިން މިއަދު މައްސަލަ ފޮނުވައިފި އެވެ. 

އޭސީސީން މި މައްސަލަ ޕްރޮސެކިއުޓާ ޖެނެރަލް (ޕީޖީ) އޮފީހަށް ފޮނުވާފައިވާކަން ހާމަކޮށް އެ ކޮމިޝަނުން ނެރުނު ބަޔާނެއްގައި ބުނީ  ހިޔާނާތްތެރިވީ ފައިސާގެ ތެރެއިން 29،000 ޑޮލަރު ބައްސާމްގެ އެކައުންޓަށް ޖަމާކޮށްފައިވާކަން ތަހުގީގަށް ސާބިތުވެފައިވާ ކަމަށެވެ. 

ބައްސާމްގެ އެކައުންޓަށް ޖަމާކުރި ފައިސާއަކީ، އޭސީސީން ބުނި ގޮތުގައި، އެމްއެމްޕީއާރުސީއަށް އެކުއިޒިޝަން ކޮސްޓުގެ ގޮުތުގައި ލިބުނު ފައިސާގެ ތެރެއިން އެސްއޯއެފްގެ އެކައުންޓަށް ޖަމާކުރި ފައިސާގެ ތެރެއިން ޖަމާކުރި ޑޮލަރެވެ. އެސްއޯއެފްއަކީ މި ހިޔާނާތުގެ ތެރެއިން ވަގަށް ނެގި ފައިސާ ޖަމާކުރަން ބޭނުންކުރި ކުންފުންޏެވެ.

އޭސީސީން ބުނީ އެސްއޯއެފްއިން މި ފައިސާ ޖަމާކޮށްދިނީ އެ ހިޔާނާތުގައި އިސްކޮށް ހުރި އޭރުގެ ނައިބު ރައީސް އަހުމަދު އަދީބު މެދުވެރިވެގެން ކަމަށެވެ. އަދި، މި ފައިސާ ބައްސާމުގެ އަމިއްލަ ބޭނުންތަކަށް ހަރަދުކޮށްފައިވާ ކަމަށް ވެސް އެ ކޮމިޝަނުން ބުންޏެވެ. 

ބައްސާމްއަކީ އަދީބު ސަރުކާރުގައި ހުންނެވި ދުވަސްވަރު، އޭނާއާ އެންމެ އަރިސް މީހުންގެ ތެރެއިން އެކަކެވެ.

ބައްސާމަށް މަނީ ލޯންޑަރިންގެ ދައުވާ ކުރަން ނިންމިއިރު، މި ހިޔާނާތް ހިންގުމުގައި އޭނާގެ އަމަލީ ބައިވެރިވުން އޮތް ކަމަށް ވެސް އޭސީސީގެ ބަޔާނުން ފާހަގަވެ އެވެ. އެ ކޮމިޝަނުން ބުނީ، އެމްއެމްޕީއާރުސީ ހިޔާނާތުގެ ތެރެއިން ދޫކުރި ރަށްތަކާއި ފަޅުތަކާ ގުޅޭ ބައެއް އެއްބަސްވުންތަކުގައި ހެކިވެރިއެއްގެ ގޮތުގައި ސޮއިކުރީ ބައްސާމް ކަމަށެވެ. 

އެމްއެމްޕީއާރުސީ ހިޔާނާތަށް އެތައް އަހަރުތަކެއް ވެގެން ދިޔައިރު، މި ހިޔާނާތުގައި ބައިވެރިވީ ކަމަށް އޭސީސީގެ ރިޕޯޓުތަކުގައި ހުރި ގިނަ މީހުންނާއި ކުންފުނިތަކާއި ބޭންކުތަކަށް ދައުވާ ނުކުރެ އެވެ. އަދި މިއަދާ ހަމައަށް މި ހިޔާނާތުގެ ތެރެއިން ވަގަށް ނެގި ފައިސާގެ ތެރެއިން އެއްވެސް ފައިސާއެއް އަނބުރާ ނުހޯދެ އެވެ. 


ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox